헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 95)

τὰ μὲν οὖν νόμιμα τῶν Ἀράβων τοιαῦτ’ εἶναι συμβέβηκεν. ὑπογύου δ’ αὐτοῖσ οὔσησ πανηγύρεωσ, εἰσ ἣν εἰώθασιν οἱ περίοικοι καταντᾶν οἱ μὲν ἀποδωσόμενοι τῶν φορτίων, οἱ δ’ ἀγοράσοντέσ τι τῶν αὐτοῖσ χρησίμων, εἰσ ταύτην ἐπορεύθησαν, ἀπολιπόντεσ ἐπί τινοσ πέτρασ τὰσ κτήσεισ καὶ τοὺσ πρεσβυτάτουσ, ἔτι δὲ τέκνα καὶ γυναῖκασ. τὸ δὲ χωρίον ὑπῆρχεν ὀχυρὸν μὲν καθ’ ὑπερβολήν, ἀτείχιστον δὲ καὶ τῆσ οἰκουμένησ ἀπέχον δυεῖν ἡμερῶν ὁδόν.

οἱ δὲ περὶ τὸν Ἀθήναιον παρατηρήσαντεσ τοῦτον τὸν καιρὸν ὡρ́μησαν ἐπὶ τὴν πέτραν εὔζωνον ἔχοντεσ τὴν δύναμιν· διανύσαντεσ δ’ ἀπὸ τῆσ Ἰδουμαίασ ἐπαρχίασ ἐν ἡμέραισ τρισὶ καὶ νυξὶ ταῖσ ἴσαισ σταδίουσ δισχιλίουσ καὶ διακοσίουσ ἔλαθον τοὺσ Ἄραβασ περὶ μέσασ νύκτασ καταλαβόμενοι τὴν πέτραν. εὐθὺσ δὲ τῶν ἐγκατειλημμένων οὓσ μὲν ἀνῄρουν, οὓσ δ’ ἐζώγρουν, ἐνίουσ δὲ τραυματίασ ἀπέλιπον καὶ τοῦ μὲν λιβανωτοῦ καὶ τῆσ σμύρνησ συνεσκευάσαντο τὸ πλεῖον μέροσ, ἀργυρίου δὲ περὶ πεντακόσια τάλαντα.

ἐνδιατρίψαντεσ δ’ οὐ πλείω χρόνον φυλακῆσ ἑωθινῆσ εὐθὺσ ἀνέστρεψαν κατὰ σπουδήν, διαλαμβάνοντεσ ὑπὸ τῶν βαρβάρων διωχθήσεσθαι. διατείναντεσ δὲ σταδίουσ διακοσίουσ κατεστρατοπέδευσαν, ὄντεσ κατάκοποι καὶ ῥᾳθύμωσ ἔχοντεσ τὰ περὶ τὰσ φυλακάσ, ὡσ ἂν νομίζοντεσ μὴ πρότερον δύνασθαι τοὺσ πολεμίουσ ἐλθεῖν δυεῖν ἢ τριῶν ἡμερῶν. οἱ δ’ Ἄραβεσ πυθόμενοι παρὰ τῶν ἑωρακότων τὸ στρατόπεδον παραχρῆμα ἠθροίσθησαν καὶ τὴν πανήγυριν ἀπολιπόντεσ ἧκον ἐπὶ τὴν πέτραν·

παρὰ δὲ τῶν τραυματιῶν μαθόντεσ τὰ γεγονότα κατὰ σπουδὴν ἐδίωκον τοὺσ Ἕλληνασ. τῶν δὲ περὶ τὸν Ἀθήναιον στρατοπεδευσάντων καταπεφρονηκότωσ καὶ διὰ τὸν κόπον ἐν ὕπνῳ καθεστώτων ἔλαθόν τινεσ τῶν αἰχμαλώτων διαδράντεσ, παρ’ ὧν οἱ Ναβαταῖοι μαθόντεσ τὰ κατὰ τοὺσ πολεμίουσ ἐπέθεντο τῇ στρατοπεδείᾳ περὶ τρίτην φυλακήν, ὄντεσ οὐκ ἐλάσσω ὀκτακισχιλίων.

καὶ τοὺσ πλείουσ μὲν ἐν ταῖσ κοίταισ ὄντασ ἔτι κατέσφαξαν, τοὺσ δὲ διεγειρομένουσ καὶ χωροῦντασ εἰσ ὅπλα κατηκόντιζον· καὶ πέρασ οἱ μὲν πεζοὶ πάντεσ ἀνῃρέθησαν, τῶν δὲ ἱππέων διεσώθησαν εἰσ πεντήκοντα καὶ τούτων οἱ πλείουσ τραυματίαι. οἱ μὲν οὖν περὶ τὸν Ἀθήναιον ἐν ἀρχῇ κατορθώσαντεσ ἐξ ὑστέρου διὰ τὴν ἑαυτῶν ἀβουλίαν τοῦτον τὸν τρόπον ἐσφάλησαν·

ταῖσ γὰρ εὐτυχίαισ εἰώθεν ὡσ ἐπίπαν ἀκολουθεῖν ῥᾳθυμία καὶ καταφρόνησισ. διόπερ ἔνιοι προσηκόντωσ ὑπολαμβάνουσιν εὐχερέστερον ὑπάρχειν συμφορὰσ ἐνεγκεῖν ἐπιδεξίωσ ἢ τὰσ εὐμεγέθεισ εὐημερίασ ἐμφρόνωσ·

αἱ μὲν γὰρ διὰ τὸν περὶ τοῦ μέλλοντοσ φόβον ἐπαναγκάζουσιν ἐπιμελεῖσθαι, αἱ δὲ διὰ τὸ προγεγονὸσ εὐτύχημα προτρέπονται καταφρονεῖν πάντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 95

(디오도로스 시켈로스, Bibliotheca Historica, Books XVIII-XX, book 19, chapter 95)

상위

목록

SEARCH

MENU NAVIGATION