헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 93)

ἅμα δὲ τούτοισ πραττομένοισ Πτολεμαῖοσ μὲν διέτριβε περὶ Κοίλην Συρίαν, νενικηκὼσ Δημήτριον τὸν Ἀντιγόνου παρατάξει μεγάλῃ. ὃν πυνθανόμενοσ ἐκ Κιλικίασ ἀνεστραφέναι καὶ στρατοπεδεύειν περὶ τὴν ἄνω Συρίαν, προεχειρίσατο τῶν περὶ αὑτὸν φίλων Κίλλην τὸν Μακεδόνα· τούτῳ δὲ δοὺσ δύναμιν ἱκανὴν προσέταξεν ἐκδιῶξαι τὸν Δημήτριον τὸ παράπαν ἐκ τῆσ Συρίασ ἢ περικαταλαβόντα συντρῖψαι.

τούτου δ’ ὄντοσ κατὰ πορείαν Δημήτριοσ διὰ τῶν σκοπῶν ἀκούσασ τὸν Κίλλην στρατοπεδεύειν καταπεφρονηκότωσ περὶ Μυοῦντα, τὴν μὲν ἀποσκευὴν ἀπέλιπε, τοὺσ δὲ στρατιώτασ εὐζώνουσ παραλαβὼν νυκτὸσ πορείαν σύντομον ἐποιήσατο, προσπεσὼν δὲ τοῖσ πολεμίοισ ἑωθινῆσ φυλακῆσ ἄφνω τῆσ τε δυνάμεωσ ἄνευ μάχησ ἐκυρίευσεν καὶ αὐτὸν τὸν στρατηγὸν ἐζώγρησε. τηλικούτου δ’ εὐτυχήματοσ γεγενημένου τὴν ἧτταν ἀναμαχήσασθαι διειλήφει. οὐ μὴν ἀλλὰ τὸν Πτολεμαῖον ὑπολαμβάνων ἥξειν ἐπ’ αὐτὸν μετὰ πάσησ τῆσ δυνάμεωσ, ἐστρατοπέδευσε προβλήματα τῆσ παρεμβολῆσ ποιησάμενοσ ἕλη καὶ λίμνασ.

ἔγραψε δὲ καὶ πρὸσ τὸν πατέρα περὶ τοῦ γενομένου κατορθώματοσ, παρακαλῶν αὐτὸν ἢ δύναμιν ἀποστεῖλαι τὴν ταχίστην ἢ καὶ αὐτὸν παραβαλεῖν εἰσ τὴν Συρίαν. ὁ δ’ Ἀντίγονοσ ἐτύγχανε μὲν ὢν ἐν Κελαιναῖσ τῆσ Φρυγίασ, κομισάμενοσ δὲ τὴν ἐπιστολὴν ἐχάρη διαφερόντωσ ἐπὶ τῷ δοκεῖν τὸν υἱὸν νέον ὄντα κατωρθωκέναι δι’ αὑτοῦ καὶ φαίνεσθαι βασιλείασ ἄξιον.

αὐτὸσ δὲ τὴν δύναμιν ἀναλαβὼν ἀνέζευξεν ἐκ τῆσ Φρυγίασ καὶ τὸν Ταῦρον ὑπερβαλὼν ὀλίγαισ ἡμέραισ συνέμιξε τοῖσ περὶ τὸν Δημήτριον. Πτολεμαῖοσ δὲ πυθόμενοσ τὴν Ἀντιγόνου παρουσίαν καὶ συναγαγὼν τοὺσ ἡγεμόνασ καὶ φίλουσ ἐβουλεύετο πότερον συμφέρει μένειν καὶ ἀγωνίζεσθαι περὶ τῶν ὅλων κατὰ Συρίαν ἢ προάγειν εἰσ Αἴγυπτον καὶ πολεμεῖν ἐκεῖθεν, καθάπερ καὶ πρότερον Περδίκκᾳ.

πάντεσ οὖν συνεβούλευον μὴ διακινδυνεύειν πρὸσ δύναμιν πολλαπλασίονα καὶ θηρίων πλῆθοσ, ἔτι δὲ στρατηγὸν ἀήττητον·

εὐχερέστερον γὰρ πολλῷ διαγωνιεῖσθαι κατὰ τὴν Αἴγυπτον, ταῖσ τε χορηγίαισ ὑπερέχοντα καὶ τόπων ὀχυρότητι πιστεύοντα. διὸ καὶ κρίνασ ἐκλιπεῖν τὴν Συρίαν κατέσκαψε τὰσ ἀξιολογωτάτασ τῶν κεκρατημένων πόλεων, Ἄκην μὲν τῆσ Φοινίκησ Συρίασ, Ιὄππην δὲ καὶ Σαμάρειαν καὶ Γάζαν τῆσ Συρίασ, αὐτὸσ δὲ τὴν δύναμιν ἀναλαβὼν καὶ τῶν χρημάτων ὅσα δυνατὸν ἦν ἄγειν ἢ φέρειν ἐπανῆλθεν εἰσ Αἴγυπτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 93

(디오도로스 시켈로스, Bibliotheca Historica, Books XVIII-XX, book 19, chapter 93)

상위

목록

SEARCH

MENU NAVIGATION