헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 91)

ἐπεὶ δὲ προάγων κατήντησεν εἰσ Μεσοποταμίαν, τῶν ἐν Κάραισ κατῳκισμένων Μακεδόνων οὓσ μὲν ἔπεισεν, οὓσ δ’ ἐβιάσατο συστρατεύειν αὐτῷ. ὡσ δ’ εἰσ τὴν Βαβυλωνίαν ἐνέβαλεν, οἱ πλείουσ τῶν ἐγχωρίων ἀπήντων καὶ προστιθέμενοι πᾶν ἔφασαν αὐτῷ τὸ δοκοῦν συμπράξειν· τετραετῆ γὰρ χρόνον γεγονὼσ σατράπησ τῆσ χώρασ ταύτησ πᾶσι προσενήνεκτο καλῶσ, ἐκκαλούμενοσ τὴν εὔνοιαν τοῦ πλήθουσ καὶ πόρρωθεν προπαρασκευαζόμενοσ τοὺσ συμπράξοντασ, ἐὰν αὐτῷ δοθῇ καιρὸσ ἀμφισβητεῖν ἡγεμονίασ.

προσεχώρησε δ’ αὐτῷ καὶ Πολύαρχοσ, τεταγμένοσ ἐπί τινοσ διοικήσεωσ, μετὰ στρατιωτῶν πλειόνων ἢ χιλίων.

οἱ δὲ διαφυλάττοντεσ τὴν πρὸσ Ἀντίγονον φιλίαν, ὁρῶντεσ ἀκατάσχετον οὖσαν τὴν τοῦ πλήθουσ ὁρμήν, συνέφευγον εἰσ τὴν ἄκραν, ἧσ φύλαξ ἀπεδέδεικτο Δίφιλοσ. ὁ δὲ Σέλευκοσ συστησάμενοσ πολιορκίαν καὶ κατὰ κράτοσ ἑλὼν τὴν ἄκραν ἐκομίσατο τὰ φυλαττόμενα σώματα τῶν φίλων καὶ τῶν παίδων, ὅσοι παρεδόθησαν εἰσ φυλακὴν παρ’ Ἀντιγόνου μετὰ τὴν ἐκ Βαβυλῶνοσ εἰσ Αἴγυπτον ἀποχώρησιν.

ἀπὸ δὲ τούτων γενόμενοσ στρατιώτασ συνήγαγεν καὶ συναγοράσασ ἵππουσ ἀνεδίδου τοῖσ δυναμένοισ χρᾶσθαι.

πᾶσι δὲ φιλανθρώπωσ ὁμιλῶν καὶ καθιστὰσ εἰσ ἀγαθὰσ ἐλπίδασ ἑτοίμουσ εἶχε καὶ προθύμουσ ἐν πάσῃ περιστάσει τοὺσ συγκινδυνεύοντασ. Σέλευκοσ μὲν οὖν τοῦτον τὸν τρόπον ἀνεκτήσατο τὴν Βαβυλωνίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 91

(디오도로스 시켈로스, Bibliotheca Historica, Books XVIII-XX, book 19, chapter 91)

상위

목록

SEARCH

MENU NAVIGATION