헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 83)

οἱ δὲ περὶ τὸν Πτολεμαῖον καὶ Σέλευκον τὸ μὲν πρῶτον ἔταξαν ἰσχυρὰν τὴν εὐώνυμον τάξιν, ἀγνοοῦντεσ τῶν ἐναντίων τὴν ἐπιβολήν· μαθόντεσ δὲ παρὰ τῶν κατασκόπων τὸ γεγονὸσ ταχέωσ ἐξέταξαν τὴν δύναμιν ὅπωσ τὸ δεξιὸν κέρασ ἰσχὺν ἔχον καὶ δύναμιν τὴν κρατίστην διαγωνίσηται πρὸσ τοὺσ μετὰ Δημητρίου τεταγμένουσ ἐν τοῖσ εὐωνύμοισ μέρεσιν. ἔταξαν δὲ ἐπὶ τοῦ κέρατοσ τούτου τῶν ἱππέων τοὺσ κρατίστουσ τρισχιλίουσ, ἐν οἷσ καὶ αὐτοὶ διεγνώκεισαν ἀγωνίσασθαι. προέταξαν δὲ τῆσ στάσεωσ ταύτησ τοὺσ κομίζοντασ χάρακα σεσιδηρωμένον καὶ δεδεμένον ἀλύσεσιν, ὃν παρεσκευάσαντο πρὸσ τὴν τῶν ἐλεφάντων ἔφοδον·

ταθέντοσ γὰρ τούτου ῥᾴδιον ἦν εἴργειν τὰ θηρία τῆσ εἰσ τοὔμπροσθεν πορείασ. προέταξαν δὲ τοῦ κέρατοσ τούτου καὶ τὰ ψιλικὰ τάγματα, παραγγείλαντεσ τοῖσ τε ἀκοντισταῖσ καὶ τοξόταισ συνεχῶσ κατατιτρώσκειν τὰ θηρία καὶ τοὺσ ἐπ’ αὐτοῖσ ἀναβεβηκότασ.

τοῦτον δὲ τὸν τρόπον ὀχυρωσάμενοι τὸ δεξιὸν κέρασ καὶ τὴν ἄλλην δύναμιν ἐκτάξαντεσ ἐνδεχομένωσ ἐπῆγον τοῖσ πολεμίοισ μετὰ πολλῆσ κραυγῆσ. Ἀντεπαγόντων δὲ καὶ τῶν ἐναντίων τὸ μὲν πρῶτον ἐπ’ ἄκρων τῶν κεράτων ἱππομαχία συνέστη τῶν προτεταγμένων ἱππέων, ἐν οἷσ πολὺ προετέρουν οἱ περὶ τὸν Δημήτριον. μετ’ ὀλίγον δὲ τῶν περὶ Πτολεμαῖον καὶ Σέλευκον περιιππευσάντων τὸ κέρασ καὶ βιαιότερον ἐπενεχθέντων ὀρθαῖσ ταῖσ εἴλαισ συνέστη καρτερὰ μάχη διὰ τὰσ ἑκατέρων προθυμίασ.

κατὰ μὲν οὖν τὴν πρώτην ἔφοδον τοῖσ ξυστοῖσ ἀγωνισάμενοι τούτων τε τὰ πλεῖστα συνέτριψαν καὶ τῶν ἀγωνιζομένων οὐκ ὀλίγουσ κατετραυμάτισαν·

κατὰ δὲ τὴν δευτέραν ἀναστροφὴν εἰσ τὴν ἀπὸ τοῦ ξίφουσ μάχην ὡρ́μησαν καὶ συμπλεκόμενοι πολλοὺσ ἀλλήλων ἀνῄρουν, οἵ τε ἡγεμόνεσ αὐτοὶ πρὸ πάντων κινδυνεύοντεσ προετρέποντο τοὺσ ὑποτεταγμένουσ εὐρώστωσ ὑπομένειν τὸ δεινόν, οἵ τ’ ἐπὶ τῶν κεράτων ἱππεῖσ, ἅπαντεσ ἐπιλελεγμένοι κατ’ ἀρετήν, ἡμιλλῶντο πρὸσ ἀλλήλουσ, θεατὰσ ἔχοντεσ τῆσ ἀνδρείασ τοὺσ συναγωνιζομένουσ στρατηγούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 83

(디오도로스 시켈로스, Bibliotheca Historica, Books XVIII-XX, book 19, chapter 83)

상위

목록

SEARCH

MENU NAVIGATION