헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 82)

ἐπὶ μὲν οὖν τὸ λαιὸν κέρασ ἔταξε, καθ’ ὃ τὸν κίνδυνον αὐτὸσ ἤμελλε ποιεῖσθαι, πρώτουσ μὲν τοὺσ περὶ αὐτὸν ἱππεῖσ ἐπιλέκτουσ διακοσίουσ, ἐν οἷσ ἦσαν οἵ τε ἄλλοι φίλοι πάντεσ καὶ Πίθων ὁ συνεστρατευμένοσ μὲν Ἀλεξάνδρῳ, συγκαθιστάμενοσ δὲ ὑπ’ Ἀντιγόνου στρατηγὸσ καὶ τῶν ὅλων μέτοχοσ. πρόταγμα δὲ τρεῖσ εἴλασ ἱππέων ἔταξεν καὶ πλαγιοφυλάκουσ τὰσ ἴσασ καὶ χωρὶσ ἔξω τοῦ κέρατοσ ἀπολελυμένασ τρεῖσ Ταραντίνων, ὥστ’ εἶναι τοὺσ περὶ τὸ σῶμα τεταγμένουσ ἱππεῖσ ξυστοφόρουσ μὲν πεντακοσίουσ, Ταραντίνουσ δὲ ἑκατόν.

ἑξῆσ δ’ ἔταξε τῶν ἱππέων τοὺσ καλουμένουσ μὲν ἑταίρουσ, ὄντασ δὲ τὸν ἀριθμὸν ὀκτακοσίουσ, μετὰ δὲ τούτουσ παντοδαποὺσ ἱππεῖσ οὐκ ἐλάττουσ τῶν χιλίων πεντακοσίων.

πρὸ παντὸσ δὲ τοῦ κέρατοσ ἔστησε τῶν ἐλεφάντων τριάκοντα καὶ τὰ διαστήματα αὐτῶν ἐπλήρωσε τοῖσ ψιλικοῖσ τάγμασιν, ὧν ἦσαν ἀκοντισταὶ μὲν καὶ τοξόται χίλιοι, σφενδονῆται δὲ Πέρσαι πεντακόσιοι. τὸ μὲν οὖν εὐώνυμον κέρασ οὕτω κατασκευάσασ διενοεῖτο τούτῳ κρίνειν τὴν μάχην.

ἐχομένην δ’ ἔστησε τὴν τῶν πεζῶν φάλαγγα, συνεστῶσαν ἐξ ἀνδρῶν μυρίων χιλίων· τούτων δὲ ἦσαν Μακεδόνεσ μὲν δισχίλιοι, Λύκιοι δὲ καὶ Παμφύλιοι χίλιοι, μισθοφόροι δ’ ὀκτακισχίλιοι. ἐπὶ δὲ τὸ δεξιὸν κέρασ ἔταξε τοὺσ λοιποὺσ ἱππεῖσ χιλίουσ πεντακοσίουσ, ὧν Ἀνδρόνικοσ ἡγεῖτο. τούτῳ δ’ ἦν συντεταγμένον λοξὴν φυλάττειν τὴν στάσιν καὶ φυγομαχεῖν, καραδοκοῦντα τὴν δι’ αὐτοῦ γινομένην κρίσιν. τοὺσ δὲ λοιποὺσ τῶν ἐλεφάντων τρεισκαίδεκα ἔστησε πρὸ τῆσ τῶν πεζῶν φάλαγγοσ, μίξασ εἰσ τὰ διαστήματα τῶν ψιλῶν τοὺσ ἱκανούσ. Δημήτριοσ μὲν οὖν διεκόσμησε τὴν ἰδίαν δύναμιν τὸν τρόπον τοῦτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 82

(디오도로스 시켈로스, Bibliotheca Historica, Books XVIII-XX, book 19, chapter 82)

상위

목록

SEARCH

MENU NAVIGATION