헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 79)

τῆσ δ’ αὐτῆσ θερίασ Κυρηναῖοι μὲν ἀποστάντεσ Πτολεμαίου τὴν ἄκραν περιεστρατοπέδευσαν, ὡσ αὐτίκα μάλα τὴν φρουρὰν ἐκβαλοῦντεσ, παραγενομένων δὲ πρεσβευτῶν ἐκ τῆσ Ἀλεξανδρείασ καὶ παρακαλούντων παύσασθαι τῆσ φιλοτιμίασ τούτουσ μὲν ἀπέκτειναν, τὴν δ’ ἄκραν ἐνεργέστερον ἐπολιόρκουν. ἐφ’ οἷσ παροξυνθεὶσ ὁ Πτολεμαῖοσ ἀπέστειλεν Ἄγιν στρατηγὸν μετὰ δυνάμεωσ πεζῆσ, ἐξέπεμψε δὲ καὶ στόλον τὸν συλληψόμενον τοῦ πολέμου, ναύαρχον ἐπιστήσασ Ἐπαινετόν.

ὁ δὲ Ἄγισ ἐνεργῶσ διαπολεμήσασ τοῖσ ἀφεστηκόσιν ἐκυρίευσε κατὰ κράτοσ τῆσ πόλεωσ καὶ τοὺσ μὲν αἰτίουσ τῆσ ἀποστάσεωσ δήσασ ἀπέστειλεν εἰσ τὴν Ἀλεξάνδρειαν καὶ τῶν ἄλλων τὰ ὅπλα παρελόμενοσ καὶ τὰ κατὰ τὴν πόλιν διοικήσασ ὥσ ποτ’ ἔδοξεν αὐτῷ συμφέρειν ἐπανῆλθεν εἰσ τὴν Αἴγυπτον.

Πτολεμαῖοσ δέ, τῶν περὶ Κυρήνην αὐτῷ κατὰ νοῦν ἀπηντηκότων, διῆρεν ἐκ τῆσ Αἰγύπτου μετὰ δυνάμεωσ εἰσ τὴν Κύπρον ἐπὶ τοὺσ ἀπειθοῦντασ τῶν βασιλέων.

Πυγμαλίωνα δὲ εὑρὼν διαπρεσβευόμενον πρὸσ Ἀντίγονον ἀνεῖλε, Πράξιππον δὲ τὸν τῆσ Λαπιθίασ βασιλέα καὶ τὸν τῆσ Κερυνίασ δυνάστην ὑποπτεύσασ ἀλλοτρίωσ ἔχειν συνέλαβε Στασιοίκου τοῦ Μαλιέωσ· καὶ τὴν μὲν πόλιν κατέσκαψε, τοὺσ δ’ ἐνοικοῦντασ μετήγαγεν εἰσ Πάφον. ταῦτα δὲ διαπραξάμενοσ τῆσ μὲν Κύπρου κατέστησε στρατηγὸν Νικοκρέοντα, παραδοὺσ τάσ τε πόλεισ καὶ τὰσ προσόδουσ τῶν ἐκπεπτωκότων βασιλέων, αὐτὸσ δὲ μετὰ τῆσ δυνάμεωσ ἐκπλεύσασ ἐπὶ Συρίασ τῆσ ἄνω καλουμένησ Ποσείδιον καὶ Ποταμοὺσ Καρῶν ἐκπολιορκήσασ.

διήρπασεν.

ἑτοίμωσ δὲ πλεύσασ ἐπὶ Κιλικίασ Μάλον εἷλε καὶ τοὺσ ἐγκαταληφθέντασ ἐλαφυροπώλησεν. ἐπόρθησε δὲ καὶ τὴν ἐγγὺσ χώραν καὶ τὸ στρατόπεδον ὠφελείασ ἐμπλήσασ ἀπέπλευσεν εἰσ τὴν Κύπρον. ἐπολιτεύετο δὲ πρὸσ τοὺσ στρατιώτασ, οὕτωσ ἐκκαλούμενοσ αὐτῶν τὰσ προθυμίασ εἰσ τοὺσ ἐπιφερομένουσ κινδύνουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 79

(디오도로스 시켈로스, Bibliotheca Historica, Books XVIII-XX, book 19, chapter 79)

상위

목록

SEARCH

MENU NAVIGATION