헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 77)

τοῦ δ’ ἔτουσ τούτου διελθόντοσ Ἀθήνησι μὲν ἦρχε Πολέμων, ἐν Ῥώμῃ δ’ ὑπῆρχον ὕπατοι Λεύκιοσ Παπείριοσ τὸ πέμπτον καὶ Γάιοσ Ιοὔνιοσ, ἤχθη δὲ καὶ ὀλυμπιὰσ κατὰ τοῦτον τὸν ἐνιαυτὸν ἑβδόμη πρὸσ ταῖσ ἑκατὸν καὶ δέκα, καθ’ ἣν ἐνίκα στάδιον Παρμενίων Μιτυληναῖοσ. ἐπὶ δὲ τούτων τῶν χρόνων Ἀντίγονοσ ἀπέστειλεν εἰσ τὴν Ἑλλάδα στρατηγὸν Πτολεμαῖον τοὺσ Ἕλληνασ ἐλευθερώσοντα, συνέπεμψε δ’ αὐτῷ ναῦσ μὲν μακρὰσ ἑκατὸν καὶ πεντήκοντα, Μήδιον ἐπιστήσασ ναύαρχον, στρατιώτασ δὲ πεζοὺσ μὲν πεντακισχιλίουσ, ἱππεῖσ δὲ πεντακοσίουσ.

ἐποιήσατο δὲ καὶ πρὸσ Ῥοδίουσ συμμαχίαν καὶ προσελάβετο παρ’ αὐτῶν ναῦσ ἐξηρτισμένασ πρὸσ τὸν πόλεμον δέκα πρὸσ τὴν τῶν Ἑλλήνων ἐλευθέρωσιν.

ὁ δὲ Πτολεμαῖοσ μετὰ παντὸσ τοῦ στόλου καταπλεύσασ τῆσ Βοιωτίασ εἰσ τὸν Βαθὺν καλούμενον λιμένα παρὰ μὲν τοῦ κοινοῦ τῶν Βοιωτῶν προσελάβετο στρατιώτασ πεζοὺσ μὲν δισχιλίουσ διακοσίουσ, ἱππεῖσ δὲ χιλίουσ τριακοσίουσ.

μετεπέμψατο δὲ καὶ τὰσ ἐξ Ὠρεοῦ ναῦσ καὶ τειχίσασ τὸν Σαλγανέα συνήγαγεν ἐνταῦθα πᾶσαν τὴν δύναμιν· ἤλπιζε γὰρ προσδέξασθαι τοὺσ Χαλκιδεῖσ, οἵπερ μόνοι τῶν Εὐβοέων ὑπὸ τῶν πολεμίων ἐφρουροῦντο. ὁ δὲ Κάσανδροσ ἀγωνιῶν ὑπὲρ τῆσ Χαλκίδοσ τὴν Ὠρεοῦ πολιορκίαν ἔλυσεν, εἰσ δὲ τὴν Χαλκίδα παρῆλθεν καὶ τὰσ δυνάμεισ μετεπέμπετο.

Ἀντίγονοσ δὲ πυθόμενοσ περὶ τὴν Εὔβοιαν ἐφεδρεύειν ἀλλήλοισ τὰ στρατόπεδα, μετεπέμψατο τὸν Μήδιον εἰσ τὴν Ἀσίαν μετὰ τοῦ στόλου, εὐθὺσ δὲ καὶ τὰσ δυνάμεισ ἀναλαβὼν προῆγεν ἐφ’ Ἑλλησπόντῳ κατὰ τάχοσ, ὡσ διαβησόμενοσ εἰσ Μακεδονίαν, ὅπωσ ἢ μένοντοσ Κασάνδρου περὶ τὴν Εὔβοιαν αὐτὸσ ἔρημον καταλάβῃ Μακεδονίαν τῶν ἀμυνομένων ἢ τῇ βασιλείᾳ βοηθῶν ἀποβάλῃ τὰ κατὰ τὴν Ἑλλάδα πράγματα. ὁ δὲ Κάσανδροσ συνιδὼν τὴν ἐπίνοιαν αὐτοῦ Πλείσταρχον μὲν ἀπέλιπεν ἐπὶ τῆσ ἐν Χαλκίδι φρουρᾶσ, αὐτὸσ δὲ μετὰ πάσησ τῆσ δυνάμεωσ ἀναζεύξασ Ὠρωπὸν μὲν κατὰ κράτοσ εἷλε, Θηβαίουσ δ’ εἰσ τὴν αὑτοῦ συμμαχίαν κατέστησεν·

πρὸσ δὲ τοὺσ ἄλλουσ Βοιωτοὺσ ἀνοχὰσ ποιησάμενοσ καὶ καταλιπὼν ἐπὶ τῆσ Ἑλλάδοσ στρατηγὸν Εὐπόλεμον ἀπῆλθεν εἰσ Μακεδονίαν, ἀγωνιῶν περὶ τῆσ τῶν πολεμίων διαβάσεωσ. ὁ δ’ Ἀντίγονοσ ἐπειδὴ κατήντησεν εἰσ τὴν Προποντίδα, διεπρεσβεύσατο πρὸσ Βυζαντίουσ, ἀξιῶν μετέχειν τῆσ συμμαχίασ.

παραγενομένων δὲ καὶ παρὰ Λυσιμάχου πρεσβευτῶν καὶ παρακαλούντων μηδὲν ποιεῖν μήτε κατ’ αὐτοῦ μήτε κατὰ Κασάνδρου τοῖσ μὲν Βυζαντίοισ ἔδοξε μένειν ἐφ’ ἡσυχίασ καὶ τηρεῖν τὴν πρὸσ ἀμφοτέρουσ εἰρήνην ἅμα καὶ φιλίαν. ὁ δ’ Ἀντίγονοσ δυσχρηστούμενοσ ἐπὶ τούτοισ, ἅμα δὲ καὶ τῆσ χειμερινῆσ ὡρ́ασ συγκλειούσησ διέδωκε τοὺσ στρατιώτασ κατὰ πόλι εἰσ τὴν χειμασίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 77

(디오도로스 시켈로스, Bibliotheca Historica, Books XVIII-XX, book 19, chapter 77)

상위

목록

SEARCH

MENU NAVIGATION