헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 67)

ἅμα δὲ τούτοισ πρασσομένοισ Ἀλέξανδροσ μὲν ὁ Πολυπέρχοντοσ ἐκ Σικυῶνοσ ἀναζευγνύων μετὰ τῆσ δυνάμεωσ ὑπ’ Ἀλεξίωνοσ τοῦ Σικυωνίου καί τινων ἄλλων προσποιουμένων εἶναι φίλων ἀνῃρέθη, ἡ δὲ γυνὴ Κρατησίπολισ διαδεξαμένη τὰ πράγματα συνεῖχε τὸ στρατόπεδον, ἀγαπωμένη διαφερόντωσ ὑπὸ τῶν στρατιωτῶν διὰ τὰσ εὐεργεσίασ· διετέλει γὰρ βοηθοῦσα τοῖσ ἀτυχοῦσι καὶ πολλοὺσ τῶν ἀπόρων ὑπολαμβάνουσα. ἦν δὲ περὶ αὐτὴν καὶ σύνεσισ πραγματικὴ καὶ τόλμα μείζων ἢ κατὰ γυναῖκα·

τῶν γὰρ Σικυωνίων καταφρονησάντων αὐτῆσ διὰ τὴν τοῦ ἀνδρὸσ τελευτὴν καὶ συνδραμόντων μετὰ τῶν ὅπλων ἐπὶ τὴν ἐλευθερίαν παραταξαμένη καὶ νικήσασα πολλοὺσ μὲν ἀνεῖλε, συλλαβοῦσα δὲ περὶ τριάκοντα τὸν ἀριθμὸν ἀνεσταύρωσεν. ἀσφαλισαμένη δὲ τὰ κατὰ τὴν πόλιν ἐδυνάστευε τῶν Σικυωνίων, ἔχουσα πολλοὺσ στρατιώτασ ἑτοίμουσ εἰσ πάντα κίνδυνον. καὶ τὰ μὲν περὶ Πελοπόννησον ἐν τούτοισ ἦν. Κάσανδροσ δ’ ὁρῶν τοὺσ Αἰτωλοὺσ συναγωνιζομένουσ μὲν Ἀντιγόνῳ, πόλεμον δ’ ἔχοντασ ὅμορον πρὸσ Ἀκαρνᾶνασ ἔκρινε συμφέρειν ἅμα συμμάχουσ μὲν Ἀκαρνᾶνασ ποιήσασθαι, ταπεινῶσαι δὲ τοὺσ Αἰτωλούσ.

διόπερ ἀναζεύξασ ἐκ Μακεδονίασ μετὰ δυνάμεωσ μεγάλησ ἧκεν εἰσ Αἰτωλίαν καὶ κατεστρατοπέδευσεν περὶ τὸν καλούμενον Καμπύλον ποταμόν· συναγαγὼν δὲ τοὺσ Ἀκαρνᾶνασ εἰσ κοινὴν ἐκκλησίαν καὶ διελθὼν ὅτι πόλεμον ἔχουσιν ὅμορον ἐκ παλαιῶν χρόνων, συνεβούλευεν ἐκ τῶν ἀνοχύρων καὶ μικρῶν χωρίων εἰσ ὀλίγασ πόλεισ μετοικῆσαι, ὅπωσ μὴ διεσπαρμένησ τῆσ οἰκήσεωσ ἀδυνατῶσιν ἀλλήλοισ βοηθεῖν καὶ πρὸσ τὰσ ἀπροσδοκήτουσ τῶν πολεμίων ἐπιθέσεισ δυσχερῶσ ἀθροίζωνται.

πεισθέντων δὲ τῶν Ἀκαρνάνων οἱ πλεῖστοι μὲν εἰσ Στράτον πόλιν συνῴκησαν, ὀχυρωτάτην οὖσαν καὶ μεγίστην, Οἰνιάδαι δὲ καί τινεσ ἄλλοι συνῆλθον ἐπὶ Σαυρίαν, Δεριεῖσ δὲ μεθ’ ἑτέρων εἰσ Ἀγρίνιον. ὁ δὲ Κάσανδροσ ἀπολιπὼν στρατηγὸν Λυκίσκον μετὰ τῶν ἱκανῶν στρατιωτῶν τούτῳ μὲν παρήγγειλε βοηθεῖν Ἀκαρνᾶσιν, αὐτὸσ δὲ μετὰ δυνάμεωσ παρελθὼν ἐπὶ Λευκάδοσ τὴν πόλιν διὰ πρεσβείασ προσηγάγετο.

μετὰ δὲ ταῦτα τὴν ὁρμὴν ἐπὶ τὸν Ἀδρίαν ποιησάμενοσ Ἀπολλωνίαν ἐξ ἐφόδου παρέλαβεν.

εἰσ δὲ τὴν Ἰλλυρίδα προελθὼν καὶ διαβὰσ τὸν Ἕβρον ποταμὸν παρετάξατο πρὸσ Γλαυκίαν τὸν Ἰλλυριῶν βασιλέα. περιγενόμενοσ δὲ τῇ μάχῃ πρὸσ μὲν τοῦτον συνθήκασ ἐποιήσατο, καθ’ ἃσ οὐκ ἐξῆν τῷ Γλαυκίᾳ στρατεύειν ἐπὶ τοὺσ Κασάνδρου συμμάχουσ, τὴν δὲ τῶν Ἐπιδαμνίων πόλιν προσαγαγόμενοσ καὶ φρουρὰν ἐγκαταστήσασ ἐπανῆλθεν εἰσ Μακεδονίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 67

(디오도로스 시켈로스, Bibliotheca Historica, Books XVIII-XX, book 19, chapter 67)

상위

목록

SEARCH

MENU NAVIGATION