헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 63)

ἡμεῖσ δ’ ἐπεὶ τὰ κατὰ τὴν Ἀσίαν πραχθέντα διήλθομεν, ἐν μέρει πάλιν τὰ κατὰ τὴν Εὐρώπην διέξιμεν. Ἀπολλωνίδησ γὰρ ὁ ταχθεὶσ ὑπὸ Κασάνδρου στρατηγὸσ ἐπὶ τῆσ Ἀργείων πόλεωσ ἐξοδεύσασ εἰσ Ἀρκαδίαν νυκτὸσ ἐκυρίευσε τῆσ τῶν Στυμφαλίων πόλεωσ· περὶ ταῦτα δ’ αὐτοῦ διατρίβοντοσ τῶν Ἀργείων οἱ πρὸσ Κάσανδρον ἀλλοτρίωσ ἔχοντεσ ἐπεκαλέσαντο τὸν Πολυπέρχοντοσ Ἀλέξανδρον, ἐπαγγελλόμενοι παραδώσειν τὴν πόλιν.

τοῦ δ’ Ἀλεξάνδρου βραδύνοντοσ Ἀπολλωνίδησ φθάσασ κατήντησεν εἰσ Ἄργοσ. τῶν δ’ ἐναντιουμένων καταλαβὼν εἰσ πεντακοσίουσ συνηδρευκότασ ἐν τῷ πρυτανείῳ τούτουσ μὲν ἀποκλείσασ τῆσ ἐξόδου ζῶντασ κατέκαυσε, τῶν δ’ ἄλλων τοὺσ μὲν πλείουσ ἐφυγάδευσεν, ὀλίγουσ δὲ συλλαβὼν ἀπέκτεινε.

Κάσανδροσ δὲ πυθόμενοσ τὸν Ἀριστοδήμου κατάπλουν εἰσ Πελοπόννησον καὶ τὸ συνηθροισμένον πλῆθοσ τῶν ξένων τὸ μὲν πρῶτων ἐπεχείρησεν ἀφιστάναι τὸν Πολυπέρχοντα τῆσ Ἀντιγόνου φιλίασ· οὐχ ὑπακουόντων δ’ αὐτῶν συναγαγὼν δύναμιν ἧκε διὰ τῆσ Θετταλίασ εἰσ Βοιωτίαν. ἐνταῦθα δὲ συνεπιλαβόμενοσ τοῖσ Θηβαίοισ τῆσ τῶν τειχῶν οἰκοδομίασ παρῆλθεν εἰσ Πελοπόννησον·

καὶ τὸ μὲν πρῶτον Κεγχρεὰσ ἐκπολιορκήσασ ἐδῄωσε τὴν χώραν τῶν Κορινθίων, μετὰ δὲ ταῦτα δύο φρούρια κατὰ κράτοσ ἑλὼν τοὺσ ὑπ’ Ἀλεξάνδρου καθεσταμένουσ φρουροὺσ ὑποσπόνδουσ ἀφῆκεν. ἑξῆσ δὲ τῇ τῶν Ὀρχομενίων πόλει προσβολὰσ ποιησάμενοσ καὶ παρεισαχθεὶσ ὑπὸ τῶν ἀλλοτρίωσ ἐχόντων πρὸσ Ἀλέξανδρον τῆσ μὲν πόλεωσ φυλακὴν ἀπέλιπε, τῶν δὲ φίλων τῶν Ἀλεξάνδρου καταφυγόντων εἰσ τὸ τῆσ Ἀρτέμιδοσ ἱερὸν ἔδωκε τὴν ἐξουσίαν τοῖσ πολίταισ ὃ βούλοιντο πρᾶξαι.

οἱ μὲν οὖν Ὀρχομένιοι τοὺσ ἱκέτασ βιαίωσ ἀναστήσαντεσ ἅπαντασ ἀνεῖλον παρὰ τὰ κοινὰ τῶν Ἑλλήνων νόμιμα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 63

(디오도로스 시켈로스, Bibliotheca Historica, Books XVIII-XX, book 19, chapter 63)

상위

목록

SEARCH

MENU NAVIGATION