헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 61)

Ἀντίγονοσ δὲ παραγενομένου πρὸσ αὐτὸν Ἀλεξάνδρου τοῦ Πολυπέρχοντοσ πρὸσ μὲν τοῦτον συνέθετο φιλίαν, αὐτὸσ δὲ συναγαγὼν τῶν τε στρατιωτῶν καὶ τῶν παρεπιδημούντων κοινὴν ἐκκλησίαν κατηγόρησε Κασάνδρου, προφερόμενοσ τήν τε Ὀλυμπιάδοσ ἀναίρεσιν καὶ τὰ συμβάντα περὶ Ῥωξάνην καὶ τὸν βασιλέα. πρὸσ δὲ τούτοισ ἔλεγεν ὡσ Θεσσαλονίκην μὲν βιασάμενοσ ἔγημεν, φανερῶσ δὲ ἐξιδιάζεται τὴν Μακεδόνων βασιλείαν, ἔτι δὲ ὡσ Ὀλυνθίουσ ὄντασ πολεμιωτάτουσ Μακεδόνων κατῴκισεν εἰσ τὴν ὁμώνυμον ἑαυτοῦ πόλιν καὶ Θήβασ ἀνέστησε τὰσ ὑπὸ Μακεδόνων κατασκαφείσασ.

συναγανακτούντων δὲ τῶν ὄχλων ἔγραψε δόγμα καθ’ ὃ τὸν Κάσανδρον ἐψηφίσατο πολέμιον εἶναι, ἐὰν μὴ τάσ τε πόλεισ καθέλῃ καὶ τὸν βασιλέα καὶ τὴν μητέρα τὴν Ῥωξάνην προαγαγὼν ἐκ τῆσ φυλακῆσ ἀποδῷ τοῖσ Μακεδόσι καὶ τὸ σύνολον ἐὰν μὴ πειθαρχῇ τῷ καθεσταμένῳ στρατηγῷ καὶ τῆσ βασιλείασ παρειληφότι τὴν ἐπιμέλειαν Ἀντιγόνῳ.

εἶναι δὲ καὶ τοὺσ Ἕλληνασ ἅπαντασ ἐλευθέρουσ, ἀφρουρήτουσ, αὐτονόμουσ. ἐπιψηφισαμένων δὲ τῶν στρατιωτῶν τὰ ῥηθέντα διαπέστειλε πανταχῇ τοὺσ κομιοῦντασ τὸ δόγμα· τοὺσ μὲν γὰρ Ἕλληνασ ὑπελάμβανε διὰ τὴν ἐλπίδα τῆσ ἐλευθερίασ προθύμουσ ἕξειν συναγωνιστὰσ εἰσ τὸν πόλεμον, τοὺσ δ’ ἐν ταῖσ ἄνω σατραπείαισ στρατηγοὺσ καὶ σατράπασ, ὑπόπτωσ ἔχοντασ ὡσ Ἀντιγόνου καταλῦσαι διεγνωκότοσ τοὺσ ἀπὸ Ἀλεξάνδρου βασιλεῖσ, αὐτοῦ φανερῶσ τὸν ὑπὲρ αὐτῶν πόλεμον ἀναδεχομένου πάντασ μεταπεσεῖσθαι ταῖσ γνώμαισ καὶ τοῖσ παραγγελλομένοισ ἑτοίμωσ ὑπακούσεσθαι.

ἀπὸ δὲ τούτων γενόμενοσ Ἀλεξάνδρῳ μὲν δοὺσ πεντακόσια τάλαντα καὶ περὶ τῶν μελλόντων εἰσ μεγάλασ ἀγαγὼν ἐλπίδασ ἐξαπέστειλεν εἰσ Πελοπόννησον·

αὐτὸσ δὲ παρὰ Ῥοδίων μεταπεμψάμενοσ ναῦσ καὶ τῶν ναυπηγηθεισῶν τὰσ πλείστασ καταρτίσασ ἐπέπλευσε τῇ Τύρῳ. θαλασσοκρατῶν δὲ καὶ διακωλύων σῖτον εἰσάγεσθαι προσεκαρτέρησε μὲν ἐνιαυτὸν καὶ τρεῖσ μῆνασ, εἰσ ἔνδειαν δὲ δεινὴν ἀγαγὼν τοὺσ ἐγκατακεκλεισμένουσ τοῖσ μὲν παρὰ Πτολεμαίου στρατιώταισ συνεχώρησεν ἀπελθεῖν ἔχουσι τὰ ἑαυτῶν, τὴν δὲ πόλιν δι’ ὁμολογίασ παραλαβὼν φρουρὰν τὴν διαφυλάξουσαν εἰσ αὐτὴν εἰσήγαγεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 61

(디오도로스 시켈로스, Bibliotheca Historica, Books XVIII-XX, book 19, chapter 61)

상위

목록

SEARCH

MENU NAVIGATION