헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 60)

τῶν δὲ πεμφθέντων ὑπ’ Ἀντιγόνου στρατηγῶν Ἀριστόδημοσ μὲν πλεύσασ εἰσ τὴν Λακωνικὴν καὶ λαβὼν παρὰ τῶν Σπαρτιατῶν ἐξουσίαν ξενολογεῖν, στρατιώτασ ἤθροισεν ὀκτακισχιλίουσ ἐκ τῆσ Πελοποννήσου. ἐντυχὼν δὲ Ἀλεξάνδρῳ καὶ Πολυπέρχοντι φιλίαν συνέθετο πρὸσ αὐτοὺσ ὑπὲρ Ἀντιγόνου καὶ Πολυπέρχοντα μὲν στρατηγὸν ἀπέδειξε τῆσ Πελοποννήσου, τὸν δὲ Ἀλέξανδρον ἔπεισεν εἰσ τὴν Ἀσίαν πλεῦσαι πρὸσ Ἀντίγονον. ὁ δ’ ἕτεροσ τῶν στρατηγῶν Πτολεμαῖοσ πορευθεὶσ μετὰ τῆσ δυνάμεωσ εἰσ Καππαδοκίαν καὶ καταλαβὼν Ἀμισσὸν πολιορκουμένην ὑπ’ Ἀσκληπιοδώρου τοῦ Κασάνδρου στρατηγοῦ τὴν μὲν πόλιν ἐκ τῶν κινδύνων ἐρρύσατο, τοὺσ δὲ περὶ τὸν Ἀσκληπιόδωρον ὑποσπόνδουσ ἀφεὶσ ἀνεκτήσατο τὴν σατραπείαν.

μετὰ δὲ ταῦτα πορευθεὶσ διὰ Βιθυνίασ καὶ Ζιβύτην τὸν βασιλέα τῶν Βιθυνῶν καταλαβὼν πολιορκοῦντα τήν τε τῶν Ἀστακηνῶν καὶ Χαλκηδονίων πόλιν συνηνάγκασε λῦσαι τὴν πολιορκίαν.

ποιησάμενοσ δὲ συμμαχίαν πρόσ τε τὰσ πόλεισ ταύτασ καὶ πρὸσ τὸν Ζιβύτην, ἔτι δὲ λαβὼν ὁμήρουσ προῆγεν ἐπὶ Ιὠνίασ καὶ Λυδίασ· ἐγεγράφει γὰρ Ἀντίγονοσ αὐτῷ βοηθεῖν τῇ παραλίῳ κατὰ τάχοσ, ὡσ τοῦ Σελεύκου τὸν πλοῦν ἐνταῦθα ποιησομένου. ὡσ δέ ποθ’ ἧκε πλησίον τῶν προειρημένων τόπων, Σέλευκοσ ἔτυχε μὲν πολιορκῶν Ἐρυθράσ, πυθόμενοσ δὲ τὴν τῶν πολεμίων δύναμιν πλησίον οὖσαν ἀπέπλευσεν ἄπρακτοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 60

(디오도로스 시켈로스, Bibliotheca Historica, Books XVIII-XX, book 19, chapter 60)

상위

목록

SEARCH

MENU NAVIGATION