헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 58)

ἀπὸ δὲ τούτων γενόμενοσ ἀνέζευξεν ἐπὶ Φοινίκην, σπεύδων ναυτικὴν δύναμιν συστήσασθαι· συνέβαινε γὰρ τοὺσ μὲν πολεμίουσ τότε θαλασσοκρατεῖν ναῦσ πολλὰσ ἔχοντασ, αὐτῷ δὲ τὸ παράπαν οὐδ’ ὀλίγασ εἶναι. στρατοπεδεύσασ δὲ ἐν Τύρῳ τῆσ Φοινίκησ καὶ πολιορκῆσαι διανοούμενοσ τὴν Τύρον μετεπέμπετο τοὺσ βασιλεῖσ τῶν Φοινίκων καὶ τοὺσ ὑπάρχουσ τῆσ Συρίασ. καὶ τοὺσ μὲν βασιλεῖσ προετρέψατο συνεπιλαβέσθαι ναυπηγίασ, ἐπειδὴ τὰσ ναῦσ τὰσ ἐκ Φοινίκησ ἁπάσασ μετὰ τῶν πληρωμάτων Πτολεμαῖοσ εἶχεν ἐν Αἰγύπτῳ·

τοῖσ δ’ ὑπάρχοισ ἐκέλευσεν ἑτοιμάσαι κατὰ τάχοσ πυρῶν μὲν μεδίμνων μυριάδασ τετρακοσίασ πεντήκοντα· τοσοῦτο γὰρ εἰσ τὸν ἐνιαυτὸν ἐγίνετο δαπάνημα. αὐτὸσ δὲ πανταχόθεν ἀθροίσασ ὑλοτόμουσ καὶ πρίστασ, ἔτι δὲ ναυπηγοὺσ κατεκόμιζε τὴν ὕλην ἐπὶ θάλασσαν ἐκ τοῦ Λιβάνου, τεμνόντων μὲν αὐτὴν καὶ πριζόντων ἀνδρῶν ὀκτακισχιλίων, κατακομιζόντων δὲ ζευγῶν χιλίων. τὸ δ’ ὄροσ τοῦτο παρήκει μὲν παρά τε τὴν Τρίπολιν καὶ Βυβλίαν, ἔτι δὲ Σιδωνίαν, πλῆρεσ δ’ ἐστὶ ξύλων κεδρίνων καὶ κυπαρισσίνων θαυμαστῶν τό τε κάλλοσ καὶ μέγεθοσ.

ναυπηγεῖα δ’ ἀπέδειξε τρία μὲν κατὰ τὴν Φοινίκην, ἔν τε Τριπόλει καὶ Βύβλῳ καὶ Σιδῶνι, τέταρτον δὲ περὶ Κιλικίαν, κομιζομένησ τῆσ ὕλησ ἐκ τοῦ Ταύρου.

ἦν δὲ καὶ περὶ Ῥόδον ἄλλο, συγχωρήσαντοσ τοῦ δήμου κατασκευάζειν ναῦσ ἀπὸ τῆσ ὕλησ τῆσ εἰσκομιζομένησ.

τοῦ δ’ Ἀντιγόνου περὶ ταῦτα ὄντοσ καὶ πλησίον τῆσ θαλάσσησ κατεστρατοπεδευκότοσ ἧκεν ἐξ Αἰγύπτου Σέλευκοσ μετὰ νεῶν ἑκατὸν κεκοσμημένων βασιλικῶσ καὶ πλεουσῶν ἱκανῶσ. ποιουμένου δ’ αὐτοῦ τὸν παράπλουν παρ’ αὐτὴν τὴν στρατοπεδείαν καταπεφρονηκότωσ οἵ τε ἐκ τῶν συμμαχίδων πόλεων καὶ πάντεσ οἱ κοινοπραγοῦντεσ τοῖσ περὶ Ἀντίγονον ἄθυμοι καθειστήκεισαν· πρόδηλον γὰρ ἦν ὅτι θαλασσοκρατοῦντεσ οἱ πολέμιοι πορθήσουσι τοὺσ τοῖσ ἐναντίοισ κοινοπραγοῦντασ ἀπὸ τῆσ πρὸσ Ἀντίγονον φιλίασ.

ὁ δ’ Ἀντίγονοσ τούτουσ μὲν παρεκάλει θαρρεῖν, διαβεβαιούμενοσ ἐν ταύτῃ τῇ θερίᾳ ἀναπλευσεῖσθαι ναυσὶ πεντακοσίαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 58

(디오도로스 시켈로스, Bibliotheca Historica, Books XVIII-XX, book 19, chapter 58)

상위

목록

SEARCH

MENU NAVIGATION