헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 57)

προάγοντοσ δ’ εἰσ τὴν ἄνω Συρίαν Ἀντιγόνου παρεγένοντο πρέσβεισ παρά τε Πτολεμαίου καὶ Λυσιμάχου καὶ Κασάνδρου. οὗτοι δ’ εἰσαχθέντεσ εἰσ τὸ συνέδριον ἠξίουν Καππαδοκίαν μὲν καὶ Λυκίαν Κασάνδρῳ δοθῆναι, Φρυγίαν δὲ τὴν ἐφ’ Ἑλλησπόντῳ Λυσιμάχῳ, Συρίαν δὲ πᾶσαν Πτολεμαίῳ, Βαβυλωνίαν δὲ Σελεύκῳ, τῶν δὲ θησαυρῶν, οὓσ παρέλαβεν μετὰ τὴν πρὸσ Εὐμενῆ μάχην, ποιήσασθαι μερισμόν· καὶ γὰρ αὐτοὺσ κεκοινωνηκέναι τοῦ πολέμου. εἰ δὲ μηδὲν τούτων ποιήσει, συστάντεσ ἅπαντεσ ἔφασαν πολεμήσειν αὐτῷ. τοῦ δ’ Ἀντιγόνου τραχύτερον ἀποκριναμένου καὶ τὰ πρὸσ πόλεμον εἰπόντοσ παρασκευάζεσθαι συνέβη τοὺσ πρέσβεισ ἀπράκτουσ ἐπανελθεῖν.

μετὰ δὲ ταῦθ’ οἱ μὲν περὶ Πτολεμαῖον καὶ Λυσίμαχον, ἔτι δὲ Κάσανδρον συμμαχίαν πρὸσ ἀλλήλουσ ποιησάμενοι δυνάμεισ τε συνῆγον καὶ παρασκευὰσ ὅπλων τε καὶ βελῶν καὶ τῶν ἄλλων τῶν χρησίμων ἐποίουν· Ἀντίγονοσ δὲ ὁρῶν ἐφ’ ἑαυτὸν συνεστηκότασ πολλοὺσ καὶ μεγάλουσ τοῖσ ἀξιώμασιν ἄνδρασ καὶ συλλογιζόμενοσ τὸ μέγεθοσ τοῦ φυομένου πολέμου τά τ’ ἔθνη καὶ πόλεισ καὶ δυνάστασ προσεκαλεῖτο εἰσ συμμαχίαν.

Ἀγησίλαον μὲν οὖν πρὸσ τοὺσ ἐν Κύπρῳ βασιλεῖσ, εἰσ δὲ Ῥόδον Ἰδομενέα καὶ Μοσχίωνα, Πτολεμαῖον δὲ τὸν ἀδελφιδοῦν μετὰ δυνάμεωσ εἰσ Καππαδοκίαν ἀπέστειλεν, ἵνα λύσῃ μὲν Ἀμισσοῦ τὴν πολιορκίαν καὶ τοὺσ ὑπὸ Κασάνδρου πεμφθέντασ εἰσ Καππαδοκίαν ἐκβάλῃ πάντασ, πρὸσ δὲ τούτοισ ὅπωσ παραγενόμενοσ εἰσ Ἑλλήσποντον ἐφεδρεύῃ τοῖσ περὶ Κάσανδρον, ἂν ἐπιχειρῇ διαβαίνειν ἐκ τῆσ Εὐρώπησ.

Ἀριστόδημον δὲ τὸν Μιλήσιον εἰσ Πελοπόννησον ἐξέπεμψεν ἔχοντα χίλια τάλαντα·

τούτῳ δὲ συνετέτακτο συνθέσθαι φιλίαν πρὸσ Ἀλέξανδρον καὶ Πολυπέρχοντα καὶ ξενολογήσαντα τοὺσ ἱκανοὺσ διαπολεμεῖν Κασάνδρῳ. αὐτὸσ δὲ πᾶσαν τὴν Ἀσίαν, ἧσ ἦν κύριοσ, διέλαβε πυρσοῖσ καὶ βυβλιαφόροισ, δἰ ὧν ὀξέωσ ἤμελλεν ὑπηρετεῖσθαι πάντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 57

(디오도로스 시켈로스, Bibliotheca Historica, Books XVIII-XX, book 19, chapter 57)

상위

목록

SEARCH

MENU NAVIGATION