헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 54)

εἰκοστῷ δ’ ἔτει ὕστερον Κάσανδροσ φιλοδοξῆσαι βουλόμενοσ καὶ πείσασ τοὺσ Βοιωτοὺσ ἀνέστησε τὴν πόλιν τοῖσ διασωζομένοισ τῶν Θηβαίων. συνεπελάβοντο δὲ καὶ τῶν Ἑλληνίδων πόλεων τοῦ συνοικισμοῦ πολλαὶ διά τε τὸν πρὸσ τοὺσ ἠτυχηκότασ ἔλεον καὶ διὰ τὴν δόξαν τῆσ πόλεωσ·

Ἀθηναῖοι μὲν γὰρ τὸ πολὺ μέροσ τοῦ τείχουσ ἀνέστησαν καὶ τῶν ἄλλων οἱ μὲν ᾠκοδόμησαν κατὰ δύναμιν, οἱ δὲ καὶ χρήματα πρὸσ τὰσ κατεπειγούσασ χρείασ ἀπέστειλαν οὐ μόνον τῶν ἐκ τῆσ Ἑλλάδοσ, ἀλλὰ καὶ Σικελίασ, ἔτι δ’ Ἰταλίασ. Θηβαῖοι μὲν οὖν τοῦτον τὸν τρόπον ἐκομίσαντο τὴν πατρίδα.

Κάσανδροσ δὲ μετὰ τῆσ δυνάμεωσ ἀναζεύξασ ἐπὶ Πελοποννήσου καὶ καταλαβὼν Ἀλέξανδρον τὸν Πολυπέρχοντοσ διειληφότα τὸν Ἰσθμὸν φυλακαῖσ παρῆλθεν εἰσ Μέγαρα. ἐνταῦθα δὲ κατασκευάσασ σχεδίασ ἐπὶ μὲν τούτων τοὺσ ἐλέφαντασ διεβίβασεν εἰσ Ἐπίδαυρον, ἐν δὲ πλοίοισ τὴν ἄλλην δύναμιν. παρελθὼν δὲ ἐπὶ τὴν τῶν Ἀργείων πόλιν ταύτην μὲν ἠνάγκασεν ἀποστᾶσαν τῆσ Ἀλεξάνδρου συμμαχίασ αὐτῷ προσθέσθαι, μετὰ δὲ ταῦτα τὰσ ἐν τῇ Μεσσήνῃ πόλεισ προσηγάγετο πλὴν Ἰθώμησ καὶ τὴν Ἑρμιονίδα δι’ ὁμολογίασ παρέλαβεν. τοῦ δ’ Ἀλεξάνδρου μὴ συγκαταβαίνοντοσ εἰσ παράταξιν ἀπολιπὼν ἐπὶ τὸν ἰσθμὸν Γερανίασ στρατιώτασ δισχιλίουσ καὶ στρατηγὸν Μόλυκκον ἐπανῆλθεν εἰσ Μακεδονίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 54

(디오도로스 시켈로스, Bibliotheca Historica, Books XVIII-XX, book 19, chapter 54)

상위

목록

SEARCH

MENU NAVIGATION