헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 52)

Κάσανδροσ δέ, κατὰ νοῦν αὐτῷ τῶν πραγμάτων προχωρούντων, περιελάμβανε ταῖσ ἐλπίσι τὴν Μακεδόνων βασιλείαν. διὸ καὶ Θεσσαλονίκην ἔγημε, τὴν Φιλίππου μὲν θυγατέρα, Ἀλεξάνδρου δὲ ἀδελφὴν ὁμοπάτριον, σπεύδων οἰκεῖον αὑτὸν ἀποδεῖξαι τῆσ βασιλικῆσ συγγενείασ. ἔκτισε δὲ καὶ πόλιν ἐπὶ τῆσ Παλλήνησ ὁμώνυμον αὐτοῦ Κασάνδρειαν, εἰσ ἣν τάσ τε ἐκ τῆσ Χερρονήσου πόλεισ συνῴκισε καὶ τὴν Ποτίδαιαν, ἔτι δὲ τῶν σύνεγγυσ χωρίων οὐκ ὀλίγα·

κατῴκισε δ’ εἰσ αὐτὴν καὶ τῶν Ὀλυνθίων τοὺσ διασωζομένουσ, ὄντασ οὐκ ὀλίγουσ. πολλῆσ δὲ χώρασ προσορισθείσησ τοῖσ Κασανδρεῦσι καὶ ταύτησ ἀγαθῆσ, ἔτι δὲ τοῦ Κασάνδρου πολλὰ συμφιλοτιμηθέντοσ εἰσ τὴν αὔξησιν ταχὺ μεγάλην ἐπίδοσιν ἔλαβεν ἡ πόλισ καὶ πλεῖστον ἴσχυσε τῶν ἐν Μακεδονίᾳ.

ὁ δὲ Κάσανδροσ διεγνώκει μὲν ἀνελεῖν Ἀλεξάνδρου τὸν παῖδα καὶ τὴν μητέρα αὐτοῦ Ῥωξάνην, ἵνα μηδεὶσ ᾖ διάδοχοσ τῆσ βασιλείασ·

κατὰ δὲ τὸ παρὸν θεωρῆσαι βουλόμενοσ τοὺσ τῶν πολλῶν λόγουσ, τίνεσ ἔσονται περὶ τῆσ Ὀλυμπιάδοσ ἀναιρέσεωσ, ἅμα δ’ οὐδὲν πεπυσμένοσ τῶν περὶ Ἀντίγονον τὴν μὲν Ῥωξάνην μετὰ τοῦ παιδὸσ εἰσ φυλακὴν παρέδωκε, μεταγαγὼν εἰσ τὴν ἄκραν τὴν ἐν Ἀμφιπόλει, τάξασ τε ἐπ’ αὐτῆσ Γλαυκίαν τινὰ τῶν πιστευομένων· ἀπέσπασε δὲ καὶ τοὺσ εἰωθότασ παῖδασ συντρέφεσθαι καὶ τὴν ἀγωγὴν οὐκέτι βασιλικήν, ἀλλ’ ἰδιώτου τοῦ τυχόντοσ οἰκείαν ἐκέλευε γίνεσθαι. μετὰ δὲ ταῦτα βασιλικῶσ ἤδη διεξάγων τὰ κατὰ τὴν ἀρχὴν Εὐρυδίκην μὲν καὶ Φίλιππον τοὺσ βασιλεῖσ, ἔτι δὲ Κύνναν, ἣν ἀνεῖλεν Ἀλκέτασ, ἔθαψεν ἐν Αἰγαιαῖσ, καθάπερ ἔθοσ ἦν τοῖσ βασιλεῦσι.

τιμήσασ δὲ τοὺσ τετελευτηκότασ ἐπιταφίοισ ἀγῶσι κατέγραφε τῶν Μακεδόνων τοὺσ εὐθέτουσ, διεγνωκὼσ εἰσ Πελοπόννησον στρατεύειν. τούτου δὲ περὶ ταῦτ’ ὄντοσ Πολυπέρχων ἐτύγχανε μὲν πολιορκούμενοσ ἐν Ἀζωρίῳ τῆσ Περραιβίασ, ἀκούσασ δὲ τὴν Ὀλυμπιάδοσ τελευτὴν καὶ τελέωσ ἀπελπίσασ τὰ κατὰ Μακεδονίαν ἐξεπήδησεν ἐκ τῆσ πόλεωσ μετ’ ὀλίγων, πορευθεὶσ δὲ ἐκ τῆσ Θεσσαλίασ καὶ παραλαβὼν τοὺσ περὶ τὸν Αἰακίδην ἀπεχώρησεν εἰσ τὴν Αἰτωλίαν, ὑπολαβὼν ἀσφαλέστατα καραδοκήσειν ἐνταῦθα τὰσ τῶν πραγμάτων μεταβολάσ·

καὶ γὰρ ἐτύγχανεν οἰκείωσ ἔχων πρὸσ τοῦτο τὸ ἔθνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 52

(디오도로스 시켈로스, Bibliotheca Historica, Books XVIII-XX, book 19, chapter 52)

상위

목록

SEARCH

MENU NAVIGATION