헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 50)

τοῦ δ’ ἐάροσ ἀρχομένου καὶ τῆσ ἐνδείασ ἀεὶ μᾶλλον αὐξανομένησ συνέδραμον πολλοὶ τῶν στρατιωτῶν καὶ τὴν Ὀλυμπιάδα παρεκάλουν αὐτοὺσ ἀφεῖναι διὰ τὴν ἀπορίαν. ἡ δὲ οὔτε σιτομετρεῖν αὐτοὺσ δυναμένη τὸ παράπαν οὔτε τὴν πολιορκίαν λῦσαι συνεχώρησεν ἀπαλλάττεσθαι. ὁ δὲ Κάσανδροσ προσδεξάμενοσ ἅπαντασ τοὺσ αὐτομολήσαντασ καὶ φιλανθρώπωσ χρησάμενοσ διαπέστειλεν ἐπὶ τὰσ πόλεισ·

ἤλπιζε γὰρ παρὰ τούτων πυθομένουσ τοὺσ Μακεδόνασ τὴν Ὀλυμπιάδοσ ἀσθένειαν ἀπελπιεῖν αὐτῆσ τὰ πράγματα. οὐ κακῶσ δ’ αὐτοῦ στοχασαμένου περὶ τοῦ μέλλοντοσ οἱ μὲν συναγωνίζεσθαι διεγνωκότεσ τοῖσ πολιορκουμένοισ μετενόησαν καὶ πρὸσ Κάσανδρον ἀπεχώρησαν, μόνοι δὲ τῶν ἐν Μακεδονίᾳ τὴν εὔνοιαν διεφύλαξαν Ἀριστόνουσ καὶ Μόνιμοσ, ὧν Ἀριστόνουσ μὲν Ἀμφιπόλεωσ ἐκυρίευεν, ὁ δ’ ἕτεροσ Πέλλησ.

ἡ δ’ Ὀλυμπιὰσ ὁρῶσα τοὺσ μὲν πλείουσ μεταθεμένουσ πρὸσ Κάσανδρον, τοὺσ δ’ ὑπολοίπουσ τῶν φίλων οὐκ ἰσχύοντασ βοηθεῖν, ἐπεχείρησε πεντήρη ναῦν κατασπᾶν καὶ διὰ ταύτησ αὑτήν τε καὶ τοὺσ φίλουσ σώζειν.

αὐτομόλου δέ τινοσ τὸ γινόμενον ἀπαγγείλαντοσ τοῖσ πολεμίοισ ὁ μὲν Κάσανδροσ ἐπιπλεύσασ ἐκυρίευσε τοῦ σκάφουσ, ἡ δ’ Ὀλυμπιὰσ ἀπογνοῦσα τὰ καθ’ αὑτὴν πρέσβεισ ἐξέπεμψε περὶ διαλύσεων.

οἰομένου δὲ δεῖν τοῦ Κασάνδρου τὰ καθ’ αὑτὴν ἐπιτρέπειν μόγισ ἔπεισεν ὥστε μόνην ἐξαίρετον λαβεῖν τὴν τοῦ σώματοσ ἀσφάλειαν. Κάσανδροσ δὲ κυριεύσασ τῆσ πόλεωσ ἐξέπεμψε τοὺσ παραληψομένουσ τήν τε Πέλλαν καὶ τὴν Ἀμφίπολιν.

ὁ μὲν οὖν τῆσ Πέλλησ κυριεύων Μόνιμοσ ἀκούσασ τὰ συμβάντα περὶ τὴν Ὀλυμπιάδα παρέδωκε τὴν πόλιν·

ὁ δ’ Ἀριστόνουσ τὸ μὲν πρῶτον ἀντέχεσθαι τῶν πραγμάτων διεγνώκει, στρατιώτασ τε συχνοὺσ ἔχων καὶ προσφάτωσ εὐημερηκώσ· ὀλίγαισ γὰρ ἔμπροσθεν ἡμέραισ παραταξάμενοσ πρὸσ τὸν Κασάνδρου στρατηγὸν Κρατεύαν τοὺσ πλείστουσ μὲν ἀνεῖλε τῶν ἀντιταχθέντων, αὐτὸν δὲ τὸν Κρατεύαν μετὰ δισχιλίων φυγόντα τῆσ Βισαλτίασ εἰσ Βεδύνδια περιστρατοπεδεύσασ ἐξεπολιόρκησε καὶ τὰ ὅπλα παρελόμενοσ ὑπόσπονδον ἀφῆκε. διὰ δὲ ταῦτα ἐπαιρόμενοσ καὶ τὸν Εὐμενοῦσ θάνατον ἀγνοῶν, ἔτι δὲ τοὺσ περὶ Ἀλέξανδρον καὶ Πολυπέρχοντα νομίζων συνεπιλήψεσθαι τὴν Ἀμφίπολιν οὐκ ἔφη παραδώσειν.

ἐπεὶ δὲ ἔγραψε πρὸσ αὐτὸν Ὀλυμπιὰσ ἀπαιτοῦσα τὴν πίστιν καὶ κελεύουσα παραδοῦναι, διαλαβὼν ἀναγκαῖον εἶναι τὸ προστασσόμενον ποιεῖν, τήν τε πόλιν ἐνεχείρισε καὶ τὰ πιστὰ περὶ τῆσ ἀσφαλείασ ἔλαβεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 50

(디오도로스 시켈로스, Bibliotheca Historica, Books XVIII-XX, book 19, chapter 50)

상위

목록

SEARCH

MENU NAVIGATION