헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 49)

ἡμεῖσ δὲ διεληλυθότεσ τὰ κατὰ τὴν Ἀσίαν πραχθέντα μεταβιβάσομεν τὸν λόγον ἐπὶ τὴν Εὐρώπην καὶ τὰ συνεχῆ τῶν προειρημένων διέξιμεν. ὁ γὰρ Κάσανδροσ εἰσ Πύδναν τῆσ Μακεδονίασ συγκεκλεικὼσ Ὀλυμπιάδα προσβολὰσ μὲν τοῖσ τείχεσιν ἠδυνάτει ποιεῖσθαι διὰ τοὺσ χειμῶνασ, περιστρατοπεδεύσασ δὲ τὴν πόλιν καὶ χάρακα βαλόμενοσ ἀπὸ θαλάσσησ εἰσ θάλασσαν, ἔτι δὲ ἐφορμῶν τῷ λιμένι πάντα βουλόμενον ἐπικουρῆσαι διεκώλυεν. ταχὺ δὲ τῶν ἐπιτηδείων ἐξαναλωθέντων τοσαύτην περὶ τοὺσ ἔνδον κατεσκεύασεν ἔνδειαν ὥστ’ ἐκλυθῆναι τὸ παράπαν·

εἰσ τοῦτο γὰρ ἦλθον ἀνάγκησ ὥστε τῷ μὲν στρατιώτῃ σιτομετρεῖν χοίνικασ πέντε τοῦ μηνόσ, τοῖσ δ’ ἐλέφασι τοῖσ κατακλεισθεῖσι διδόναι πρίοντασ τὰσ δοκούσ, τὰ δ’ ὑποζύγια καὶ τοὺσ ἵππουσ κατακόψαι πρὸσ διατροφήν. τοιαύτησ δὲ περιστάσεωσ κατεχούσησ τὴν πόλιν καὶ τῆσ Ὀλυμπιάδοσ ἔτι προσανεχούσησ ταῖσ ἔξωθεν ἐλπίσιν οἱ μὲν ἐλέφαντεσ ὑπὸ τῆσ ἐνδείασ διεφθάρησαν, τῶν δ’ ἱππέων οἱ μὲν ἔξω τάξεωσ ὄντεσ οὐ σιτομετρούμενοι τὸ παράπαν σχεδὸν ἅπαντεσ ἐτελεύτησαν, οὐκ ὀλίγοι δὲ καὶ τῶν στρατιωτῶν τῆσ ὁμοίασ καταστροφῆσ ἔτυχον.

ἔνιοι δὲ τῶν βαρβάρων, τῆσ φύσεωσ κατισχυούσησ τὴν εὐλάβειαν, ἐσαρκοφάγουν ἀναλεγόμενοι τὰ σώματα τῶν ἀποθνησκόντων.

ταχὺ δὲ τῆσ πόλεωσ πληρουμένησ νεκρῶν οἱ προεστηκότεσ τοῦ περὶ τὴν βασίλισσαν συστήματοσ τὰ μὲν κατώρυττον τῶν σωμάτων, τὰ δ’ ὑπὲρ τῶν τειχῶν ἐξερρίπτουν, ὥστ’ εἶναι καὶ τὴν θέαν τὴν τούτων ἀπεχθῆ καὶ τὴν δυσωδίαν ἀνυπομένητον μὴ μόνον γυναιξὶ βασιλίσσαισ καὶ τρυφῆσ οἰκείαισ, ἀλλὰ καὶ τῶν στρατιωτῶν τοῖσ εἰωθόσι κακοπαθεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 49

(디오도로스 시켈로스, Bibliotheca Historica, Books XVIII-XX, book 19, chapter 49)

상위

목록

SEARCH

MENU NAVIGATION