헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 48)

ὁ δ’ Ἀντίγονοσ ἐπειδὴ τάχιστ’ ἦλθεν εἰσ τὴν Περσίδα, τιμῆσ μὲν ὑπὸ τῶν ἐγχωρίων ἠξιώθη βασιλικῆσ ὡσ ἂν κύριοσ ὢν ὁμολογουμένωσ τῆσ Ἀσίασ, αὐτὸσ δὲ μετὰ τῶν φίλων συνεδρεύσασ ἐβουλεύετο περὶ τῶν σατραπειῶν. τὴν μὲν οὖν Καρμανίαν εἰάσεν ἔχειν Τληπόλεμον καὶ τὴν Βακτριανὴν ὁμοίωσ Στασάνορα· οὐ γὰρ ῥᾴδιον ἦν τούτουσ δι’ ἐπιστολῆσ ἐκβαλεῖν, εὖ τὰ πρὸσ τοὺσ ἐγχωρίουσ πεπολιτευμένουσ καὶ πολλοὺσ ἔχοντασ συναγωνιστάσ. εἰσ δὲ τὴν Ἀρίαν ἀπέστειλεν Εὐίτον·

τελευτήσαντοσ δὲ μετ’ ὀλίγον χρόνον ἀντικατέστησεν Εὐαγόραν, ἄνδρα κατ’ ἀνδρείαν καὶ σύνεσιν θαυμαζόμενον. Ὀξυάρτην δὲ τὸν Ῥωξάνησ πατέρα τὴν ἐν Παροπανισάδαισ σατραπείαν εἰάσεν ἔχειν, καθὰ καὶ πρότερον εἶχεν· οὐδὲ γὰρ τοῦτον ἦν ἐκβαλεῖν δυνατὸν ἄνευ χρόνου πολλοῦ καὶ δυνάμεωσ ἁδρᾶσ. μετεπέμψατο δὲ καὶ Σιβύρτιον ἐξ Ἀραχωτῶν, εὖ διακείμενον τὰ πρὸσ αὐτόν, καὶ τήν τε σατραπείαν ἔχειν συνεχώρησε καὶ τῶν ἀργυρασπίδων συνέστησε τοὺσ ταραχωδεστάτουσ, τῷ μὲν λόγῳ πρὸσ τὰσ ἐν τῷ πολέμῳ χρείασ, τῷ δ’ ἔργῳ πρὸσ ἀπώλειαν·

κατ’ ἰδίαν γὰρ ἐνετείλατο κατ’ ὀλίγουσ αὐτῶν εἰσ τοιαύτασ χρείασ ἀποστέλλειν ἐν αἷσ ἔμελλον ἀπολεῖσθαι. ἐν δὲ τούτοισ εἶναι συνέβαινε καὶ τοὺσ Εὐμενῆ παραδόντασ, ὥστε τῶν εἰσ τὸν στρατηγὸν παρανομημάτων συντόμωσ αὐτοῖσ ἐπιστῆναι τιμωρίαν·

αἱ γὰρ ἀσεβεῖσ χρεῖαι τοῖσ μὲν δυνάσταισ διὰ τὴν ἐξουσίαν γίνονται λυσιτελεῖσ, τοῖσ δ’ ὑπακούσασιν ἰδιώταισ μεγάλων κακῶν ὡσ ἐπίπαν αἴτιαι καθίστανται. ὁ δ’ οὖν Ἀντίγονοσ ὁρῶν τὸν Πευκέστην παρὰ τοῖσ Πέρσαισ μεγάλησ ἀποδοχῆσ τυγχάνοντα τὸ μὲν πρῶτον παρείλετο τὴν σατραπείαν αὐτοῦ.

τῶν δὲ ἐγχωρίων ἀγανακτούντων, ἑνὸσ δὲ τῶν ἐπιφανεστάτων Θεσπίου καὶ παρρησίαν ἀγαγόντοσ ὡσ οὐχ ὑπακουσομένων Περσῶν ἑτέρῳ, τοῦτον μὲν ἀπέκτεινεν, Ἀσκληπιόδωρον δὲ κατέστησε τῆσ Περσίδοσ ὕπαρχον καὶ τοὺσ ἱκανοὺσ στρατιώτασ παρέδωκεν· Πευκέστην δ’ εἰσ ἄλλασ ἐλπίδασ ἀγαγὼν καὶ κενῶσ μετεωρίσασ ἐξήγαγεν ἐκ τῆσ χώρασ. ποιουμένου δ’ αὐτοῦ τὴν πορείαν ἐπὶ Σούσων ἀπήντησεν αὐτῷ ἐπὶ τῷ Πασιτίγρι ποταμῷ Ξενόφιλοσ ὁ κυριεύων τῶν ἐν Σούσοισ χρημάτων, ἀπεσταλμένοσ ὑπὸ Σελεύκου πᾶν ποιῆσαι τὸ προστασσόμενον.

τοῦτον μὲν οὖν προσδεξάμενοσ προσεποιεῖτο τιμᾶν ἐν τοῖσ μεγίστοισ τῶν φίλων, εὐλαβούμενοσ μὴ μετανοήσασ πάλιν αὐτὸν ἀποκλείσῃ· αὐτὸσ δὲ παραλαβὼν τὴν ἐν Σούσοισ ἄκραν κατέλαβεν ἐν αὐτῇ τήν τε χρυσῆν ἀναδενδράδα καὶ πλῆθοσ ἄλλων κατασκευασμάτων, τῶν πάντων συναγομένων εἰσ μύρια καὶ πεντακισχίλια τάλαντα.

ἠθροίσθη δ’ αὐτῷ καὶ ἄλλο πλῆθοσ χρημάτων ἔκ τε τῶν στεφάνων καὶ τῶν ἄλλων δωρεῶν, ἔτι δὲ ἐκ τῶν λαφύρων·

ταῦτα γὰρ ἦσαν πεντακισχίλια τάλαντα, καὶ κατὰ τὴν Μηδίαν ἄλλα τοσαῦτα χωρὶσ τῶν ἐν Σούσοισ θησαυρῶν, ὥστε τὰ πάντα συναχθῆναι τάλαντα δισμύρια πεντακισχίλια. καὶ τὰ μὲν περὶ Ἀντίγονον ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 48

(디오도로스 시켈로스, Bibliotheca Historica, Books XVIII-XX, book 19, chapter 48)

상위

목록

SEARCH

MENU NAVIGATION