헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 47)

τοῦ δ’ Ἀντιγόνου καθ’ ὁδὸν ὄντοσ οἱ τοῦ Πίθωνοσ φίλοι καὶ μετεσχηκότεσ τῆσ ἐπιβουλῆσ, ὧν ἦσαν ἐπιφανέστατοι Μελέαγροσ καὶ Μενοίτασ, ἤθροισαν τοὺσ πλανωμένουσ τῶν Εὐμενοῦσ τε καὶ Πίθωνοσ συνήθων, εἰσ ὀκτακοσίουσ ἱππεῖσ. καὶ τὸ μὲν πρῶτον τὴν χώραν ἐλεηλάτουν τῶν μὴ βουλομένων συναφίστασθαι Μήδων, μετὰ δὲ ταῦτα πυθόμενοι καταπεφρονηκότωσ στρατοπεδεύειν τόν τε Ἱππόστρατον καὶ τὸν Ὀροντοβάτην ἐπέθεντο νυκτὸσ τῇ παρεμβολῇ.

καὶ παρ’ ὀλίγον μὲν ἐκράτησαν τῆσ ἐπιβολῆσ, ὑπὸ δὲ τοῦ πλήθουσ κατισχυόμενοι καί τινασ τῶν στρατιωτῶν πείσαντεσ συναποστῆναι πάλιν ἀπεχώρησαν. εὔζωνοι δ’ ὄντεσ καὶ πάντεσ ἵπποισ χρώμενοι τάσ τε καταδρομὰσ ἀπροσδοκήτουσ ἐποιοῦντο καὶ τὴν χώραν ταραχῆσ ἐπλήρωσαν.

μετὰ δέ τινα χρόνον συγκλεισθέντεσ εἴσ τινα τόπον κρημνοῖσ περιεχόμενον οἱ μὲν αὐτῶν ἀνῃρέθησαν, οἱ δ’ ἐζωγρήθησαν. τῶν δὲ ἡγεμόνων Μελέαγροσ καὶ Ὀκράνησ ὁ Μῆδοσ καί τινεσ τῶν ἀξιολόγων ἀνδρῶν ὑποστάντεσ ἀνῃρέθησαν.

καὶ τὰ μὲν περὶ τοὺσ ἀποστάντασ ἐν Μηδίᾳ τοιαύτην ἔσχε τὴν κατάστασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 47

(디오도로스 시켈로스, Bibliotheca Historica, Books XVIII-XX, book 19, chapter 47)

상위

목록

SEARCH

MENU NAVIGATION