헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 45)

κατὰ δὲ τούτουσ τοὺσ χρόνουσ συνέβη γενέσθαι περὶ τὴν Ῥοδίων πόλιν τὸν τρίτον κατακλυσμόν, ὃσ πολλοὺσ τῶν ἐνοικούντων διέφθειρεν. ὧν ὁ μὲν πρῶτοσ ὀλίγα τοῖσ ἀνθρώποισ ἐνώχλησεν, ὡσ ἂν τῆσ πόλεωσ οὔσησ νεοκτίστου καὶ διὰ τοῦτο πολλὴν εὐρυχωρίαν ἐχούσησ, ὁ δὲ δεύτεροσ μείζων ἐγένετο καὶ πλείω σώματα διέφθειρεν. ὁ δὲ τελευταῖοσ ἐπέπεσε μὲν ἐάροσ ἀρχομένου, καταρραγέντων ἐξαίφνησ μεγάλων ὄμβρων καὶ χαλάζησ ἀπίστου τὸ μέγεθοσ·

μνααῖαι γὰρ ἔπιπτον, ἔστι δ’ ὅτε καὶ μείζουσ, ὥστε πολλὰσ μὲν τῶν οἰκιῶν συμπίπτειν διὰ τὸ βάροσ, οὐκ ὀλίγουσ δὲ καὶ τῶν ἀνθρώπων ἀπόλλυσθαι· θεατροειδοῦσ δ’ οὔσησ τῆσ Ῥόδου καὶ τὰσ ἐγκλίσεισ τῶν ὑδάτων κατὰ τὸ πλεῖστον εἰσ ἕνα τόπον ποιουμένησ εὐθὺσ τὰ ταπεινὰ τῆσ πόλεωσ ἐπληροῦτο, τῶν μὲν ὀχετῶν διὰ τὸ δοκεῖν παρεληλυθέναι τὸν χειμῶνα κατημελημένων, τῶν δ’ ἐν τοῖσ τείχεσιν ὀβελίσκων συμφραχθέντων.

τοῦ δ’ ὕδατοσ παραδόξωσ ἀθροιζομένου πᾶσ μὲν ὁ περὶ τὸ δεῖγμα καὶ Διονύσιον τόποσ ἐπεπλήρωτο, πρὸσ δὲ τὸ Ἀσκληπιεῖον ἤδη τοῦ λιμνάζοντοσ τόπου προσιόντοσ ἐκπλαγεῖσ μὲν ἦσαν ἅπαντεσ, πρὸσ δὲ τὴν σωτηρίαν διαφόροισ ἐχρῶντο κρίσεσιν.

οἱ μὲν γὰρ αὐτῶν εἰσ τὰ πλοῖα συνέφυγον, οἱ δ’ ἐπὶ τὸ θέατρον ἀνέδραμον, τινὲσ δὲ τῶν περικαταλαμβανομένων ὑπὸ τοῦ δεινοῦ διαποροῦντεσ ἐπὶ τοὺσ ὑψηλοτάτουσ βωμοὺσ καὶ τὰσ τῶν ἀνδριάντων βάσεισ προσανέβησαν.

κινδυνευούσησ δὲ τῆσ πόλεωσ ἄρδην μετὰ τῶν κατοικούντων ἀπολέσθαι βοήθειά τισ αὐτόματοσ ἐγένετο·

τοῦ γὰρ τείχουσ ῥαγέντοσ ἐπὶ πολὺν τόπον ἐξέπεσε ταύτῃ τὸ συνεστηκὸσ ὕδωρ εἰσ τὴν θάλασσαν καὶ ταχὺ πάλιν ἕκαστοσ εἰσ τὴν προϋπάρχουσαν τάξιν ἀποκατέστη. συνήργησε δὲ τοῖσ κινδυνεύουσι καὶ τὸ μεθ’ ἡμέραν γενέσθαι τὸν κατακλυσμόν·

οἱ γὰρ πλεῖστοι φθάσαντεσ ἐξεπήδησαν ἐκ τῶν οἰκιῶν εἰσ τοὺσ μετεώρουσ τόπουσ τῆσ πόλεωσ· πρὸσ δὲ τούτοισ τὸ μὴ πλινθίνασ εἶναι τὰσ οἰκίασ, ἀλλὰ λιθίνασ καὶ διὰ τοῦτο τοὺσ ἐπὶ τὰ στέγη καταφυγόντασ ἀσφαλῶσ διασωθῆναι. ὅμωσ δὲ τηλικούτων ἀτυχημάτων γενομένων σώματα μὲν διεφθάρη πλείω τῶν πεντακοσίων, οἰκίαι δὲ αἱ μὲν τελέωσ ἔπεσον, αἱ δὲ διεσείσθησαν.

καὶ τὰ μὲν περὶ τὴν Ῥόδον συμβάντα τοιοῦτον ἔσχε τὸν κίνδυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 45

(디오도로스 시켈로스, Bibliotheca Historica, Books XVIII-XX, book 19, chapter 45)

상위

목록

SEARCH

MENU NAVIGATION