헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 43)

τῶν δὲ πεζῶν οἱ μὲν ἀργυράσπιδεσ συμφράξαντεσ καὶ βιαιότερον τοῖσ ἀντιτεταγμένοισ ἐπιπεσόντεσ τοὺσ μὲν ἐν χειρῶν νόμῳ διέφθειραν, τοὺσ δὲ συνηνάγκασαν φυγεῖν. ἀκατάσχετοι δὲ ταῖσ ὁρμαῖσ γενόμενοι καὶ πρὸσ πᾶσαν τὴν τῶν ἐναντίων φάλαγγα διαγωνιδάμενοι τοσοῦτον ταῖσ εὐχειρίαισ καὶ ῥώμαισ ὑπερεῖχον ὥσθ’ ἑαυτῶν μὲν ἀποβαλεῖν μηθένα, τῶν δ’ ἐναντίων ἀνελεῖν μὲν ὑπὲρ τοὺσ πεντακισχιλίουσ, τρέψασθαι δὲ τοὺσ πεζοὺσ πάντασ, ὄντασ πολλαπλασίουσ. Εὐμενὴσ δὲ πυθόμενοσ τὴν μὲν ἀποσκευὴν ἡλωκέναι, τοὺσ δ’ ἱππεῖσ τοὺσ μετὰ Πευκέστου μὴ μακρὰν ἀπέχειν, ἐπεχείρησεν ἀθροίζειν ἅπαντασ καὶ πάλιν ἱππομαχεῖν πρὸσ Ἀντίγονον·

ἤλπιζε γὰρ μάχῃ κρατήσασ οὐ μόνον τὴν ἰδίαν ἀποσκευὴν σώσειν, ἀλλὰ καὶ τὴν τῶν πολεμίων προσλήψεσθαι. τῶν δὲ περὶ τὸν Πευκέστην οὐχ ὑπακουόντων, ἀλλὰ καὶ τοὐναντίον πορρωτέρω τὴν ἀποχώρησιν ποιουμένων ἐπί τινα τόπον, ἅμα δὲ καὶ νυκτὸσ καταλαμβανούσησ ἠναγκάσθη συνεῖξαι τῷ καιρῷ.

Ἀντίγονοσ δὲ τοὺσ ἱππεῖσ εἰσ δύο μέρη διελόμενοσ τοὺσ μὲν αὐτὸσ ἔχων ἐφήδρευε τοῖσ περὶ τὸν Εὐμενῆ, τὴν ὁρμὴν αὐτῶν ἀποθεωρῶν, τοὺσ δ’ ἄλλουσ παραδοὺσ Πίθωνι προσέταξεν ἐπιθέσθαι τοῖσ ἀργυράσπισι μεμονωμένοισ τῆσ τῶν ἱππέων βοηθείασ.

ταχὺ δ’ αὐτοῦ τὸ προσταχθὲν συντελοῦντοσ οἱ Μακεδόνεσ εἰσ πλινθίον ἑαυτοὺσ ποιήσαντεσ ἀσφαλῶσ ἀπεχώρησαν ἐπὶ τὸν ποταμὸν καὶ τῶν περὶ τὸν Πευκέστην κατηγόρουν ὡσ αἰτίων γεγενημένων τῆσ τῶν ἱππέων ἥττησ.

καταντησάντων δὲ καὶ τῶν περὶ τὸν Εὐμενῆ περὶ λύχνων ἁφὰσ συνελθόντεσ ἐβουλεύοντο τί χρὴ πράττειν. οἱ μὲν οὖν σατράπαι τὴν ταχίστην ἔφησαν δεῖν ἀποχωρεῖν εἰσ τὰσ ἄνω σατραπείασ, ὁ δ’ Εὐμενὴσ ἀπεφαίνετο μένειν καὶ διαγωνίζεσθαι, τῆσ μὲν τῶν ἐναντίων φάλαγγοσ συντετριμμένησ, τῆσ δὲ τῶν ἱππέων δυνάμεωσ ἐφαμίλλου παρ’ ἀμφοτέροισ οὔσησ.

οἱ δὲ Μακεδόνεσ οὐδετέροισ ἔφασαν ὑπακούσεσθαι, τῆσ ἀποσκευῆσ αὐτῶν ἡλωκυίασ καὶ παρὰ τοῖσ πολεμίοισ ὄντων τέκνων καὶ γυναικῶν καὶ πολλῶν ἄλλων ἀναγκαίων σωμάτων.

τότε μὲν οὖν διελύθησαν οὐδεμίαν συμπεφωνημένην γνώμην βεβαιώσαντεσ·

μετὰ δὲ ταῦθ’ οἱ Μακεδόνεσ λάθρᾳ διαπρεσβευσάμενοι πρὸσ Ἀντίγονον τὸν μὲν Εὐμενῆ συναρπάσαντεσ παρέδωκαν, τὰσ δ’ ἀποσκευὰσ κομισάμενοι καὶ πίστεισ λαβόντεσ κατετάχθησαν εἰσ τὸ στρατόπεδον. τὸ παραπλήσιον δ’ οἵ τε σατράπαι καὶ τῶν ἄλλων ἡγεμόνων τε καὶ στρατιωτῶν οἱ πλεῖστοι, τὸν στρατηγὸν ἐγκαταλιπόντεσ, τῆσ ἰδίασ ἀσφαλείασ μόνον ἐφρόντισαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 43

(디오도로스 시켈로스, Bibliotheca Historica, Books XVIII-XX, book 19, chapter 43)

상위

목록

SEARCH

MENU NAVIGATION