헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 42)

συνῆψε δὲ μάχην πρῶτον μὲν τὰ θηρία, μετὰ δὲ ταῦτα καὶ τὸ τῶν ἱππέων πλῆθοσ. τοῦ δὲ πεδίου πολλὴν εὐρυχωρίαν ἔχοντοσ καὶ παντὸσ ὑπάρχοντοσ ἀργοῦ διὰ τὴν ἐν αὐτῷ διήκουσαν ἁλμυρίδα τοσοῦτον συνέβη ὑπὸ τῶν ἱππέων ἐξαίρεσθαι κονιορτὸν ὥστε μηδένα δύνασθαι ῥᾳδίωσ συνορᾶν ἐξ ὀλίγου διαστήματοσ τὸ γινόμενον. ὃ δὴ κατανοήσασ Ἀντίγονοσ ἀπέστειλε τοὺσ ἐκ Μηδίασ ἱππεῖσ καὶ τῶν Ταραντίνων τοὺσ ἱκανοὺσ ἐπὶ τὴν ἀποσκευὴν τῶν πολεμίων·

ἤλπιζε γάρ, ὅπερ ἦν ἀληθέσ, διὰ μὲν τὸν κονιορτὸν λήσεσθαι, διὰ δὲ τὴν ἅλωσιν τῆσ ἀποσκευῆσ ἀκονητὶ κρατῆσαι τῶν πολεμίων. οἱ δὲ πεμφθέντεσ περιιππεύσαντεσ τὸ κέρασ τῶν ἐναντίων καὶ λαθόντεσ ἐπέθεντο τοῖσ σκευοφόροισ, ἀπέχουσι τῆσ μάχησ ὡσ πέντε σταδίουσ·

εὑρόντεσ δ’ αὐτὴν πλήρη μὲν ὄχλου πρὸσ μάχην ἀχρήστου, τοὺσ δ’ ἀμυνομένουσ ὀλίγουσ ταχὺ τοὺσ ἀντιστάντασ τρεψάμενοι τῶν ἄλλων ἁπάντων ἐκυρίευσαν. ἅμα δὲ τούτοισ πραττομένοισ Ἀντίγονοσ μὲν συνάψασ μάχην τοῖσ ἀντιτεταγμένοισ καὶ μετὰ πλήθουσ ἱππέων ἐπιφανεὶσ κατεπλήξατο Πευκέστην τὸν τῆσ Περσίδοσ σατράπην, ὃσ μετὰ τῶν περὶ ἑαυτὸν ἱππέων ἔξω τοῦ κονιορτοῦ διδοὺσ ἑαυτὸν συνεπεσπάσατο καὶ τῶν ἄλλων εἰσ χιλίουσ πεντακοσίουσ.

Εὐμενὴσ δὲ μετ’ ὀλίγων ἀπολειφθεὶσ ἐπ’ ἄκρου τοῦ κέρατοσ τὸ μὲν εἶξαι τῇ τύχῃ καὶ φυγεῖν αἰσχρὸν διέλαβεν, τὸ δὲ τηροῦντα τὴν δεδομένην ὑπὸ τῶν βασιλέων πίστιν γενναίᾳ προαιρέσει συναποθανεῖν προκρίνασ ἐπ’ αὐτὸν ἐώσατο τὸν Ἀντίγονον.

γενομένησ δ’ ἱππομαχίασ καρτερᾶσ καὶ τῶν μὲν μετ’ Εὐμενοῦσ ταῖσ προθυμίαισ προεχόντων, τῶν δὲ μετ’ Ἀντιγόνου τῷ πλήθει περιγινομένων πολλοὶ παρ’ ἀμφοτέρων ἔπιπτον·

ὅτε δὴ συνέβη καὶ τῶν ἐλεφάντων πρὸσ ἀλλήλουσ ἀγωνιζομένων πεσεῖν τῶν Εὐμενοῦσ τὸν προηγούμενον, συμπλακέντα τῷ κρατίστῳ τῶν ἀντιτεταγμένων. διόπερ Εὐμενὴσ ὁρῶν τοὺσ μετ’ αὐτοῦ πανταχόθεν ἐλαττουμένουσ ἐξῆγεν ἐκ τῆσ μάχησ τοὺσ ὑπολελειμμένουσ ἱππεῖσ καὶ παρελθὼν ἐπὶ θάτερον κέρασ ἀνελάμβανε τοὺσ μετὰ Φιλίππου τεταγμένουσ, οἷσ ἦν παρηγγελκὼσ φυγομαχεῖν.

ἡ μὲν οὖν τῶν ἱππέων μάχη τοιοῦτον ἔσχε τὸ τέλοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 42

(디오도로스 시켈로스, Bibliotheca Historica, Books XVIII-XX, book 19, chapter 42)

상위

목록

SEARCH

MENU NAVIGATION