헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 40)

Ἀντίγονοσ μὲν οὖν τοὺσ ἱππεῖσ ἐπὶ τὰ κέρατα διελόμενοσ τὸ μὲν εὐώνυμον μέροσ Πίθωνι παρέδωκε, τὸ δὲ δεξιὸν τῷ υἱῷ Δημητρίῳ, μεθ’ οὗ καὶ αὐτὸσ διαγωνίζεσθαι διεγνώκει· τοὺσ δὲ πεζοὺσ εἰσ μέσον καταστήσασ παρέταξε παρ’ ὅλην τὴν δύναμιν τοὺσ ἐλέφαντασ, πληρώσασ τὰ διαστήματα τοῖσ ψιλικοῖσ τάγμασιν. ὁ δὲ πᾶσ ἀριθμὸσ ἦν αὐτοῦ τῆσ δυνάμεωσ πεζοὶ μὲν δισμύριοι δισχίλιοι, ἱππεῖσ δ’ ἐννακισχίλιοι σὺν τοῖσ ἐκ Μηδίασ προσκαταγραφεῖσι, θηρία δὲ ἑξήκοντα καὶ πέντε. ὁ δ’ Εὐμενὴσ πυθόμενοσ τὸν Ἀντίγονον ἐπὶ τοῦ δεξιοῦ κέρατοσ τετάχθαι μετὰ τῶν ἀρίστων ἱππέων, καὶ αὐτὸσ ἀντετάξατο, ἐπὶ τὸ λαιὸν κέρασ ἐπιστήσασ τοὺσ ἀρίστουσ·

καὶ γὰρ τῶν σατραπῶν τοὺσ πλείστουσ ἐνταῦθα κατέστησεν μετὰ τῶν συναγωνιζομένων αὐτοῖσ ἱππέων ἐπιλέκτων καὶ αὐτὸσ μετὰ τούτων ἔμελλε κινδυνεύειν· συνῆν δ’ αὐτοῖσ καὶ Μιθριδάτησ ὁ Ἀριοβαρζάνου μὲν υἱόσ, ἀπόγονοσ δ’ ἑνὸσ τῶν ἑπτὰ Περσῶν τῶν συγκαθελόντων τὸν μάγον Σμέρδιν, ἀνὴρ ἀνδρείᾳ διαφέρων καὶ τεθραμμένοσ ἐκ παιδὸσ στρατιωτικῶσ. πρὸ δὲ τοῦ κέρατοσ παντὸσ ἔταξεν ἐν ἐπικαμπίῳ τοὺσ κρατίστουσ τῶν ἐλεφάντων ἑξήκοντα καὶ τὰ διαστήματα τοῖσ ψιλοῖσ διέλαβε τάγμασι.

τῶν δὲ πεζῶν πρώτουσ μὲν ἔταξε τοὺσ ὑπασπιστάσ, εἶτα τοὺσ ἀργυράσπιδασ, ἐπὶ πᾶσι δὲ τοὺσ ξένουσ καὶ τῶν ἄλλων τοὺσ εἰσ τὰ Μακεδονικὰ καθωπλισμένουσ, καὶ πρὸ τούτων ἐλέφαντασ καὶ τῶν ψιλῶν τοὺσ ἱκανούσ. ἐπὶ δὲ τὸ δεξιὸν κέρασ τάξασ τῶν ἱππέων καὶ τῶν ἐλεφάντων τοὺσ ἀσθενεστέρουσ ἀπέδειξεν ἡγεμόνα τῶν πάντων Φίλιππον·

τούτῳ δὲ διεκελεύσατο φυγομαχεῖν καὶ τὴν ἀπὸ θατέρου μέρουσ κρίσιν ἀποθεωρεῖν. οἱ δὲ σύμπαντεσ ἦσαν μετ’ Εὐμενοῦσ κατὰ τοῦτον τὸν καιρὸν πεζοὶ μὲν τρισμύριοι ἑξακισχίλιοι ἑπτακόσιοι, ἱππεῖσ δὲ ἑξακισχίλιοι, ἐλέφαντεσ δὲ ἑκατὸν τεσσαρεσκαίδεκα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 40

(디오도로스 시켈로스, Bibliotheca Historica, Books XVIII-XX, book 19, chapter 40)

상위

목록

SEARCH

MENU NAVIGATION