헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 36)

ὃσ τότε διελθὼν τὰ κατὰ Περραιβίαν στενὰ καὶ παραγενόμενοσ πλησίον τῆσ Πύδνησ τὴν μὲν πόλιν περιεχαράκωσεν ἐκ θαλάττησ εἰσ θάλατταν, παρὰ δὲ τῶν συμμαχεῖν βουλομένων μετεπέμπετο ναῦσ καὶ βέλη παντοδαπὰ καὶ μηχανάσ, διανοούμενοσ πολιορκεῖν τοὺσ μετ’ Ὀλυμπιάδοσ καὶ κατὰ γῆν καὶ κατὰ θάλασσαν. πυθόμενοσ δ’ Αἰακίδην τὸν Ἠπειρωτῶν βασιλέα μετὰ δυνάμεωσ μέλλειν βοηθήσειν Ὀλυμπιάδι, στρατηγὸν ἐξέπεμψεν Ἀταρρίαν, δοὺσ στρατόπεδον καὶ συντάξασ ἀπαντᾶν τοῖσ Ἠπειρώταισ.

οὗ ταχὺ τὸ προσταχθὲν ποιήσαντοσ καὶ τὰσ ἐξ Ἠπείρου παρόδουσ προκαταλαβομένου συνέβη τὸν Αἰακίδην ἄπρακτον γενέσθαι.

καὶ γὰρ τὸ πλῆθοσ τῶν Ἠπειρωτῶν ἀκουσίωσ ἐστράτευσεν ἐπὶ Μακεδονίασ καὶ στάσιν ἐποίει κατὰ τὴν παρεμβολήν· ὁ δὲ Αἰακίδησ ἐκ παντὸσ τρόπου βουλόμενοσ βοηθεῖν Ὀλυμπιάδι τοὺσ μὲν ἀλλοτρίωσ διακειμένουσ ἀπέλυσε τῆσ στρατείασ, τοὺσ δὲ συγκινδυνεύειν βουλομένουσ ἀναλαβὼν προθυμίαν μὲν εἶχε τοῦ διακινδυνεύειν, οὐκ ἀξιόμαχοσ δ’ ἦν ὡσ ἂν ὀλίγου καταλελειμμένου τοῦ περὶ αὐτὸν συστήματοσ. οἱ δὲ χωρισθέντεσ τῶν Ἠπειρωτῶν εἰσ τὰσ πατρίδασ κατεστασίασαν ἀπόντα τὸν βασιλέα καὶ κοινῷ δόγματι φυγὴν αὐτοῦ καταγνόντεσ πρὸσ Κάσανδρον ἐποιήσαντο συμμαχίαν.

ὅπερ οὐδέποτε γενέσθαι συνέβη κατὰ τὴν Ἤπειρον ἀφ’ οὗ Νεοπτόλεμοσ ὁ Ἀχιλλέωσ ἐβασίλευσε τῆσ χώρασ· ἀεὶ γὰρ παῖσ παρὰ πατρὸσ διαδεχόμενοσ τὴν δυναστείαν ἐναπέθνησκε ταῖσ βασιλείαισ μέχρι τῶνδε τῶν καιρῶν. Κασάνδρου δὲ παραλαβόντοσ τὴν Ἤπειρον τῇ συμμαχίᾳ καὶ πέμψαντοσ εἰσ αὐτὴν ἐπιμελητὴν ἅμα καὶ στρατηγὸν Λυκίσκον οἱ πρότερον κατὰ Μακεδονίαν διστάζοντεσ περὶ τῆσ συμμαχίασ ἀπήλπισαν μὲν τὰ κατ’ Ὀλυμπιάδα πράγματα, τῷ δὲ Κασάνδρῳ προσέθεντο.

μιᾶσ δ’ οὔσησ αὐτῇ βοηθείασ τῆσ παρὰ Πολυπέρχοντοσ συνέβη καὶ ταύτην συντριβῆναι παραδόξωσ· ὁ γὰρ ὑπὸ Κασάνδρου πεμφθεὶσ στρατηγὸσ Κάλλασ ἐπειδὴ πλησίον γενόμενοσ τοῦ Πολυπέρχοντοσ κατεστρατοπέδευσεν ἐν τῇ Περραιβίᾳ, διέφθειρε τῶν μετ’ αὐτοῦ στρατιωτῶν τοὺσ πλείστουσ χρήμασιν, ὥστε ὀλίγουσ τοὺσ μάλιστα πιστοὺσ ἀπολειφθῆναι.

αἱ μὲν οὖν Ὀλυμπιάδοσ ἐλπίδεσ ἐν ὀλίγῳ χρόνῳ τοῦτον τὸν τρόπον ἐταπεινώθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 36

(디오도로스 시켈로스, Bibliotheca Historica, Books XVIII-XX, book 19, chapter 36)

상위

목록

SEARCH

MENU NAVIGATION