헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 34)

ὃ καὶ τότε συνέβη· τοῦ γὰρ νόμου μίαν κελεύοντοσ συγκατακάεσθαι παρῆσαν ἀμφότεραι πρὸσ τὴν τοῦ Κητέωσ ταφήν, ὑπὲρ τοῦ συναποθανεῖν ὡσ ὑπὲρ ἀριστίου συμφιλοτιμούμεναι. τῶν δὲ στρατηγῶν διακρινόντων ἡ νεωτέρα μὲν ἀπεφαίνετο τὴν ἑτέραν ἔγκυον εἶναι καὶ διὰ τοῦτο μὴ δύνασθαι χρήσασθαι τῷ νόμῳ, ἡ δὲ πρεσβυτέρα δικαιότερον ἀπεφαίνετο εἶναι τὴν προέχουσαν τοῖσ χρόνοισ προέχειν καὶ τῇ τιμῇ·

καὶ γὰρ ἐπὶ τῶν ἄλλων ἁπάντων θεωρεῖσθαι τοὺσ πρεσβυτέρουσ πολὺ προέχοντασ τῶν νεωτέρων εἰσ ἐντροπὴν καὶ τιμήν. οἱ δ’ οὖν στρατηγοὶ διὰ τῶν μαιεύεσθαι δυναμένων γνόντεσ τὴν πρεσβυτέραν ἔγκυον οὖσαν προέκριναν τὴν νεωτέραν.

οὗ συμβάντοσ ἡ μὲν ἀποτυχοῦσα τῆσ κρίσεωσ ἀπῄει μετὰ κλαυθμοῦ, καταρρήξασα τὸ περὶ τὴν κεφαλὴν διάδημα καὶ τὰσ τρίχασ σπαράσσουσα, καθαπερεί τινοσ συμφορᾶσ μεγάλησ προσηγγελμένησ· ἡ δὲ ἐπὶ τῇ νίκῃ περιχαρὴσ ἀπῄει πρὸσ τὴν πυράν, στεφανουμένη μὲν μίτραισ ὑπὸ τῶν οἰκείων γυναικῶν, κεκοσμημένη δὲ διαπρεπῶσ ὥσπερ εἴσ τινα γάμον προεπέμπετο ὑπὸ τῶν συγγενῶν, ᾀδόντων ὕμνον εἰσ τὴν ἀρετὴν αὐτῆσ. ὡσ δὲ ἐγγὺσ ἐγενήθη τῆσ πυρᾶσ, περιαιρουμένη τὸν κόσμον ἑαυτῆσ διεδίδου τοῖσ οἰκείοισ καὶ φίλοισ, ὡσ ἂν εἴποι τισ, καταλείπουσα τοῖσ ἀγαπῶσι μνημεῖον.

ὁ δὲ κόσμοσ ἦν περὶ μὲν τὰσ χεῖρασ δακτυλίων πλῆθοσ ἐνδεδεμένων λίθοισ πολυτελέσι καὶ διηλλαγμένοισ τοῖσ χρώμασι, περὶ δὲ τὴν κεφαλὴν χρυσῶν ἀστερίσκων οὐκ ὀλίγοσ ἀριθμὸσ παντοδαποῖσ λίθοισ διειλημμένων, περὶ δὲ τὸν τράχηλον ὁρ́μων πλῆθοσ, τῶν μὲν ἐλασσόνων, τῶν δ’ ἐκ τοῦ κατ’ ὀλίγον ἀεὶ καθ’ ὑπέρθεσιν μειζόνων. τὸ δὲ τελευταῖον ἀσπασαμένη τοὺσ οἰκείουσ ὑπὸ τἀδελφοῦ μὲν ἐπὶ τὴν πυρὰν ἀνεβιβάσθη, ὑπὸ δὲ τοῦ συνδραμόντοσ ἐπὶ τὴν θέαν πλήθουσ θαυμασθεῖσα κατέστρεψεν ἡρωικῶσ τὸν βίον·

ἡ μὲν γὰρ δύναμισ ἐν τοῖσ ὅπλοισ πᾶσα πρὶν ἅπτεσθαι τὴν πυρὰν τρὶσ περιῆλθεν, αὐτὴ δὲ τἀνδρὶ παρακλιθεῖσα καὶ κατὰ τὴν τοῦ πυρὸσ ὁρμὴν οὐδεμίαν φωνὴν ἀγεννῆ προεμένη προεκαλέσατο τῶν ὁρώντων τοὺσ μὲν εἰσ ἔλεον, τοὺσ δὲ εἰσ ὑπερβολὴν ἐπαίνων.

οὐ μὴν ἀλλ’ ἔνιοι τῶν Ἑλλήνων ἐπετίμων τοῖσ νομίμοισ ὡσ ἀγρίοισ οὖσι καὶ χαλεποῖσ. ὁ δ’ Εὐμενὴσ ἀπὸ τῆσ τῶν τετελευτηκότων ταφῆσ γενόμενοσ ἀνέζευξεν ἐκ τῶν Παραιτάκων εἰσ τὴν Γαβηνήν, οὖσαν ἀκέραιον καὶ δυναμένην πάντα δαψιλῆ ταῖσ δυνάμεσι παρέχεσθαι.

ἀπέχειν δὲ συνέβαινε τὴν χώραν ταύτην τῶν περὶ Ἀντίγονον διὰ μὲν τῆσ οἰκουμένησ πορευομένῳ σταθμοὺσ εἴκοσι πέντε, διὰ δὲ τῆσ ἐρήμου καὶ ἀνύδρου σταθμοὺσ ἐννέα.

οἱ μὲν οὖν περὶ Εὐμενῆ καὶ τὸν Ἀντίγονον τοσοῦτον ἀλλήλων διεστῶτεσ ἐν τούτοισ τοῖσ τόποισ παρεχείμαζον ἅμα καὶ τὰσ δυνάμεισ ἀνελάμβανον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 34

(디오도로스 시켈로스, Bibliotheca Historica, Books XVIII-XX, book 19, chapter 34)

상위

목록

SEARCH

MENU NAVIGATION