헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 26)

νυκτὸσ δὲ ἐπιγενομένησ ἧκόν τινεσ ηὐτομοληκότεσ μὲν ἐκ τῆσ Ἀντιγόνου στρατοπεδείασ, λέγοντεσ δ’ ὅτι παρήγγειλε τοῖσ στρατιώταισ Ἀντίγονοσ ἀναζευγνύειν περὶ δευτέραν φυλακήν. ὁ δ’ Εὐμενὴσ συλλογιζόμενοσ ἀληθῶσ ὑπέλαβε τοὺσ πολεμίουσ ἀποχωρήσειν εἰσ τὴν Γαβηνήν· αὕτη γὰρ ἀπέχουσα τριῶν ἡμερῶν ὁδὸν ἀκέραιοσ ἦν καὶ πλήρησ καρπῶν καὶ χορτασμάτων καὶ καθόλου τῶν δυναμένων χορηγῆσαι τὰ ἐπιτήδεια μεγάλαισ δυνάμεσι δαψιλῶσ.

πρὸσ δὲ τούτοισ τοῖσ ἀγαθοῖσ ὁ τόποσ αὐτὸσ συνήργει, ποταμοὺσ ἔχων καὶ χαράδρασ δυσεξόδουσ.

σπεύδων οὖν φθάσαι τοὺσ πολεμίουσ τὸ ὅμοιον ἔπραξε. τῶν μὲν μισθοφόρων τινὰσ χρήμασι πείσασ ἐξέπεμψεν ὡσ αὐτομόλουσ, συντάξασ λέγειν ὅτι διέγνωκεν Εὐμενὴσ νυκτὸσ ἐπιτίθεσθαι τῷ χάρακι· αὐτὸσ δὲ τὴν μὲν ἀποσκευὴν προαπέστειλε, τοῖσ δὲ στρατιώταισ παρήγγειλε τὴν ταχίστην δειπνοποιησαμένοισ ἀναζευγνύειν. ὧν ἁπάντων ὀξέωσ συντελεσθέντων Ἀντίγονοσ ἀκούσασ τῶν αὐτομόλων ὅτι μάχεσθαι νυκτὸσ διεγνώκασιν οἱ πολέμιοι, τῆσ μὲν πορείασ ἀπέσχετο, διέτασσε δὲ τὴν δύναμιν εἰσ τὸν κίνδυνον.

τοῦ δὲ περὶ ταῦτα θορυβουμένου καὶ περὶ τοῦ μέλλοντοσ ἀγωνιῶντοσ ἔλαθον οἱ περὶ τὸν Εὐμενῆ προλαβόντεσ καὶ τὴν ὁδοιπορίαν ποιούμενοι κατὰ τάχοσ εἰσ τὴν Γαβηνήν.

ὁ δ’ Ἀντίγονοσ μέχρι μέν τινοσ ἐν τοῖσ ὅπλοισ συνεῖχε τὴν δύναμιν, ὡσ δὲ παρὰ τῶν κατασκόπων ἐπύθετο τὴν ἀποχώρησιν τῶν ἐναντίων, γνοὺσ αὑτὸν κατεστρατηγημένον οὐδὲν ἧττον ἀντείχετο τῆσ αὐτῆσ προαιρέσεωσ. παραγγείλασ οὖν τοῖσ στρατιώταισ ἀναζευγνύειν, προῆγε σύντονον τὴν πορείαν ποιούμενοσ καὶ διωγμῷ παραπλήσιον.

προέχοντοσ δ’ Εὐμενοῦσ δύο φυλακὰσ ὁρῶν ὅτι καταλαβεῖν οὐ ῥᾴδιόν ἐστι τῇ δυνάμει πάσῃ τοὺσ τοσοῦτο προειληφότασ, ἐπενόησέ τι τοιοῦτο. τὴν μὲν ἄλλην δύναμιν παραδοὺσ Πίθωνι προσέταξε κατὰ σχολὴν ἀκολουθεῖν, αὐτὸσ δὲ τοὺσ ἱππεῖσ ἀναλαβὼν ἤλαυνεν ἀπὸ ῥυτῆροσ καὶ περιλαβὼν ἅμ’ ἡμέρᾳ τὴν οὐραγίαν τῶν πολεμίων καταβαίνουσαν ἀπό τινοσ ἀκρολοφίασ ἐπέστη ταῖσ ἀκρωρείαισ, φανερὸσ ὢν τοῖσ ἐναντίοισ.

οἱ δὲ περὶ τὸν Εὐμενῆ θεωρήσαντεσ ἐξ ἱκανοῦ διαστήματοσ τῶν πολεμίων ἱππεῖσ καὶ δόξαντεσ εἶναι πλησίον ἅπασαν τὴν δύναμιν, τῆσ μὲν πορείασ ἐπέσχον, τὴν δὲ στρατιὰν διέτασσον, ὡσ αὐτίκα τῆσ παρατάξεωσ γενησομένησ.

οἱ μὲν οὖν ἡγεμόνεσ ἀμφοτέρων τῶν στρατοπέδων τὸν προειρημένον τρόπον ἀλλήλουσ κατεστρατήγησαν, ὥσπερ προαγωνιζόμενοι περὶ συνέσεωσ καὶ δεικνύοντεσ ὅτι τὰσ ἐλπίδασ ἐν αὑτοῖσ ἔχουσι τῆσ νίκησ.

ὁ δ’ οὖν Ἀντίγονοσ διὰ ταύτησ τῆσ ἐπινοίασ ἐκώλυσε μὲν τοὺσ πολεμίουσ προάγειν εἰσ τοὔμπροσθεν, αὑτῷ δὲ δοὺσ ἄνεσιν εἰσ τὸ προσδέξασθαι τὴν δύναμιν, ἐπειδὴ τὸ στρατόπεδον ἧκεν, ἅπαν ἐξέταξεν εἰσ μάχην καὶ κατέβαινε συντεταγμένοσ ἐπὶ τοὺσ πολεμίουσ καταπληκτικῶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 26

(디오도로스 시켈로스, Bibliotheca Historica, Books XVIII-XX, book 19, chapter 26)

상위

목록

SEARCH

MENU NAVIGATION