헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 24)

θανάτῳ περιέπεσεν ἂν ὑπὸ τοῦ πλήθουσ. τούτῳ δὲ τῷ τρόπῳ τοὺσ μὲν ἄλλουσ καταπληξάμενοσ, ἑαυτῷ δ’ ὄγκον καὶ πρόσχημα μέγα περιποιήσασ μετεβάλετο πάλιν καὶ τὸν Πευκέστην λόγοισ φιλανθρώποισ καὶ μεγάλαισ ἐπαγγελίαισ προσαγαγόμενοσ εὔνουν ἐαυτῷ καὶ πρόθυμον κατεσκεύασεν εἰσ τὸ τοῖσ βασιλεῦσι συναγωνίζεσθαι. σπεύδων δὲ καὶ παρὰ τῶν ἄλλων σατραπῶν καὶ στρατηγῶν ὥσπερ ὅμηρα λαβεῖν τοῦ μὴ καταλείψειν αὐτόν, προσεποιήθη χρημάτων σπανίζειν καὶ παρεκάλεσεν ἕκαστον κατὰ δύναμιν δανεῖσαι τοῖσ βασιλεῦσι.

λαβὼν δὲ παρ’ ὧν ἐδόκει συμφέρειν ἡγεμόνων τετρακόσια τάλαντα τοὺσ πρότερον ὑπόπτουσ ὄντασ ἐπιβουλεύειν ἢ καταλείψειν πιστοτάτουσ φύλακασ ἔσχε τοῦ σώματοσ καὶ συναγωνιστάσ.

οὕτωσ δὲ αὐτοῦ περὶ τούτων πρὸσ τὸ μέλλον στρατηγοῦντοσ ἧκόν τινεσ ἐκ Μηδίασ ἀπαγγέλλοντεσ ὅτι μετὰ τῆσ δυνάμεωσ Ἀντίγονοσ τὴν ἀνάζευξιν ἐπὶ τῆσ Περσίδοσ εἰή πεποιημένοσ.

ἃ δὴ πυθόμενοσ καὶ αὐτὸσ ἀνέζευξε, διεγνωκὼσ ἀπαντᾶν τοῖσ πολεμίοισ καὶ διακινδυνεύειν. κατὰ δὲ τὴν ὁδοιπορίαν δευτεραῖοσ θυσίαν ἐπετέλεσε τοῖσ θεοῖσ καὶ τὴν δύναμιν εὐωχήσασ πολυτελῶσ τὰ μὲν πλήθη πρὸσ εὔνοιαν προεκαλέσατο, αὐτὸσ δὲ κατὰ τὴν μέθην συμπεριενεχθεὶσ τῶν παραληφθέντων τοῖσ εἰσ τὸ πίνειν ὁρμήσασιν ἐνέπεσεν εἰσ ἀρρωστίαν.

διόπερ ἡμέρασ τινὰσ ἐπέσχε τῆσ πορείασ, καταβαρούμενοσ ὑπὸ τοῦ πάθουσ· ἡ δὲ δύναμισ ἐν ἀθυμίᾳ καθειστήκει, τῶν μὲν πολεμίων προσδοκωμένων ταχέωσ συνάψειν, τοῦ δ’ ἱκανωτάτου τῶν στρατηγῶν ὑπὸ τῆσ νόσου πιεζουμένου. οὐ μὴν ἀλλὰ τοῦ πάθουσ κριθέντοσ ἐπειδὴ βραχέωσ αὑτὸν προσανέλαβε, προῆγε μετὰ τῆσ δυνάμεωσ ἀφηγουμένου Πευκέστου καὶ Ἀντιγένουσ, αὐτὸσ δὲ φορίῳ κομιζόμενοσ ἐπηκολούθει τοῖσ οὐραγοῦσιν, ὅπωσ μὴ διὰ τὸν θόρυβον καὶ τὴν στενοχωρίαν παρενοχλοῖτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 24

(디오도로스 시켈로스, Bibliotheca Historica, Books XVIII-XX, book 19, chapter 24)

상위

목록

SEARCH

MENU NAVIGATION