헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 16)

ἅμα δὲ τούτοισ πραττομένοισ Ἄτταλοσ καὶ Πολέμων καὶ Δόκιμοσ, ἔτι δὲ Ἀντίπατροσ καὶ Φιλώτασ, οἱ μετὰ τῆσ Ἀλκέτου δυνάμεωσ ἁλόντεσ ἡγεμόνεσ, ἐφυλάττοντο μὲν ἔν τινι φρουρίῳ καθ’ ὑπερβολὴν ὀχυρῷ, ἀκούσαντεσ δὲ τοὺσ περὶ τὸν Ἀντίγονον εἰσ τὰσ ἄνω σατραπείασ ποιεῖσθαι τὴν πορείαν, νομίζοντεσ εὔθετον ἔχειν καιρόν, ἔπεισάν τινασ τῶν τηρούντων αὐτοὺσ λῦσαι, κυριεύσαντεσ δὲ ὅπλων ἐπέθεντο τῇ φυλακῇ περὶ μέσασ νύκτασ. αὐτοὶ μὲν οὖν ὀκτὼ τὸν ἀριθμὸν ὄντεσ, τηρούμενοι δὲ ὑπὸ στρατιωτῶν τετρακοσίων, διαφέροντεσ δὲ ταῖσ τόλμαισ καὶ ταῖσ εὐχειρίαισ διὰ τὴν μετ’ Ἀλεξάνδρου στρατείαν Ξενοπείθη μὲν τὸν φρούραρχον συναρπάσαντεσ ὑπὲρ τὸ τεῖχοσ ἔρριψαν, σταδιαῖον ἐχούσησ τῆσ πέτρασ ὕψοσ, τῶν δ’ ἄλλων τοὺσ μὲν κατασφάξαντεσ, τοὺσ δὲ ἐκβαλόντεσ ἐνεπύρισαν τὰσ οἰκίασ. τῶν δ’ ἔξωθεν καραδοκούντων προσελάβοντο τὸν ἀριθμὸν εἰσ πεντήκοντα.

τοὺ δὲ φρουρίου σίτου τε πλῆθοσ καὶ τῶν ἄλλων ἐπιτηδείων ἔχοντοσ ἐβουλεύοντο πότερον χρὴ μένειν καὶ χρῆσθαι τῇ τῶν τόπων ὀχυρότητι, καραδοκοῦντασ τὴν παρ’ Εὐμενοῦσ βοήθειαν, ἢ φυγόντασ τὴν ταχίστην ἀλᾶσθαι κατὰ τὴν χώραν, καιροτηροῦντασ τὰσ μεταβολάσ. γιγνομένησ δὲ πλείονοσ ἀντιλογίασ Δόκιμοσ μὲν ἐκχωρεῖν συνεβούλευεν, οἱ δὲ περὶ τὸν Ἄτταλον οὐκ ἔφασαν δυνήσεσθαι κακοπαθεῖν διὰ τὴν ἐν τοῖσ δεσμοῖσ γενομένην κακουχίαν.

τούτων δὲ πρὸσ ἀλλήλουσ διισταμένων ἔφθασαν ἐκ τῶν σύνεγγυσ φρουρίων συνδραμόντεσ στρατιῶται πεζοὶ μὲν πλείουσ τῶν πεντακοσίων, ἱππεῖσ δὲ τετρακόσιοι, χωρὶσ δὲ τούτων ἐκ τῶν ἐγχωρίων ἄλλοι παντοδαποὶ πλείουσ τῶν τρισχιλίων, οἳ στρατηγὸν ἐξ ἑαυτῶν καταστήσαντεσ περιεστρατοπέδευσαν τὸ χωρίον. παραδόξωσ δὲ πάλιν αὐτῶν κατακλεισθέντων Δόκιμοσ μὲν κατάβασίν τινα κατανοήσασ ἀφύλακτον διεπρεσβεύσατο πρὸσ τὴν Ἀντιγόνου γυναῖκα Στρατονίκην, οὖσαν πλησίον τῶν τόπων, καὶ δεύτεροσ διὰ ταύτησ ἐκπηδήσασ αὐτὸσ μὲν οὐκ ἔτυχε πίστεωσ, ἀλλ’ εἰσ φυλακὴν παρεδόθη, ὁ δὲ συγκαταβὰσ αὐτῷ καθηγησάμενοσ τοῖσ πολεμίοισ ἀνήγαγεν εἰσ τὸ χωρίον οὐκ ὀλίγουσ καὶ κατελάβετο μίαν τῶν ὀρθίων πετρῶν.

οἱ δὲ περὶ τὸν Ἄτταλον πολὺ λειπόμενοι τοῖσ πλήθεσι διὰ τὰσ ἀρετὰσ ἀντείχοντο καὶ καθ’ ἡμέραν ἀγωνιζόμενοι διεκαρτέρουν·

πολιορκηθέντεσ δὲ ἐνιαυτὸν καὶ μῆνασ τέσσαρασ ἥλωσαν κατὰ κράτοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 16

(디오도로스 시켈로스, Bibliotheca Historica, Books XVIII-XX, book 19, chapter 16)

상위

목록

SEARCH

MENU NAVIGATION