헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 14)

Πίθων σατράπησ μὲν ἀπεδέδεικτο Μηδίασ, στρατηγὸσ δὲ τῶν ἄνω σατραπειῶν ἁπασῶν γενόμενοσ Φιλώταν μὲν τὸν προϋπάρχοντα Παρθυαίασ στρατηγὸν ἀπέκτεινε, τὸν δὲ αὑτοῦ ἀδελφὸν Εὔδαμον ἀντὶ τούτου κατέστησεν. οὗ γενομένου συνέδραμον οἱ λοιποὶ σατράπαι πάντεσ, φοβηθέντεσ μὴ τὸ παραπλήσιον πάθωσιν, ὄντοσ τοῦ Πίθωνοσ κινητικοῦ καὶ μεγάλα ταῖσ ἐπιβολαῖσ περιβαλομένου.

περιγενόμενοι δ’ αὐτοῦ μάχῃ καὶ πολλοὺσ τῶν συναγωνισαμένων ἀνελόντεσ ἐξήλασαν ἐκ τῆσ Παρθυαίασ. κἀκεῖνοσ τὸ μὲν πρῶτον ἀνεχώρησεν εἰσ Μηδίαν, μετ’ ὀλίγον δ’ εἰσ τὴν Βαβυλῶνα παραγενόμενοσ παρεκάλει τὸν Σέλευκον βοηθεῖν αὐτῷ καὶ κοινωνεῖν τῶν αὐτῶν ἐλπίδων.

διὰ δὴ ταύτασ τὰσ αἰτίασ τῶν ἄνω σατραπῶν συνηθροικότων εἰσ τὸ αὐτὸ τὰ στρατόπεδα παρῆσαν οἱ παρ’ Εὐμενοῦσ βυβλιαφόροι πρὸσ ἑτοίμασ τὰσ δυνάμεισ.

ἦν δὲ τῶν ἡγεμόνων ἐπιφανέστατοσ μὲν καὶ κοινῷ δόγματι πάντων τὴν στρατηγίαν παραλαβὼν Πευκέστησ, γεγενημένοσ Ἀλεξάνδρου σωματοφύλαξ καὶ προηγμένοσ ὑπὸ τοῦ βασιλέωσ δἰ ἀνδρείαν. σατραπείαν δ’ εἶχεν ἔτη πλείονα τῆσ Περσίδοσ καὶ μεγάλησ ἀποδοχῆσ ἐτύγχανε παρὰ τοῖσ ἐγχωρίοισ.

δι’ ἃσ αἰτίασ φασὶ καὶ τὸν Ἀλέξανδρον αὐτῷ μόνῳ Μακεδόνων συγχωρῆσαι Περσικὴν φορεῖν στολήν, χαρίζεσθαι βουλόμενον τοῖσ Πέρσαισ καὶ διὰ τούτου νομίζοντα κατὰ πάνθ’ ἕξειν τὸ ἔθνοσ ὑπήκοον. εἶχε δὲ τότε Πέρσασ τοξότασ μὲν καὶ σφενδονήτασ μυρίουσ, τοὺσ δὲ εἰσ τὴν Μακεδονικὴν τάξιν καθωπλισμένουσ παντοδαποὺσ τρισχιλίουσ, ἱππεῖσ δ’ Ἕλληνασ μὲν καὶ Θρᾷκασ ἑξακοσίουσ, Πέρσασ δὲ πλείουσ τῶν τετρακοσίων. πολέμων δ’ ὁ Μακεδών, Καρμανίασ σατράπησ ἀποδεδειγμένοσ, εἶχε πεζοὺσ μὲν χιλίουσ πεντακοσίουσ, ἱππεῖσ δ’ ἑπτακοσίουσ.

καὶ Σιβύρτιοσ μὲν τῆσ Ἀραχωσίασ ἡγούμενοσ παρείχετο πεζοὺσ μὲν χιλίουσ, ἱππεῖσ δὲ δέκα πρὸσ τοῖσ ἑξακοσίοισ, Ἀνδρόβαζοσ δ’ ἐκ Παροπανισαδῶν, τοῦ Ὀξυάρτου κυριεύοντοσ τῆσ σατραπείασ, ἀπέσταλτο μετὰ πεζῶν μὲν χιλίων καὶ διακοσίων, ἱππέων δὲ τετρακοσίων. Στάσανδροσ δ’ ὁ τῆσ Ἀρίασ καὶ Δραγγινῆσ σατράπησ, προσειληφὼσ καὶ τοὺσ ἐκ τῆσ Βακτριανῆσ, εἶχε πεζοὺσ μὲν χιλίουσ πεντακοσίουσ, ἱππεῖσ δὲ χιλίουσ.

ἐκ δὲ τῆσ Ἰνδικῆσ Εὔδαμοσ παρεγένετο μεθ’ ἱππέων μὲν πεντακοσίων, πεζῶν δὲ τριακοσίων, ἐλεφάντων δὲ ἑκατὸν εἴκοσι·

τὰ δὲ θηρία ταῦτα παρέλαβε μετὰ τὴν Ἀλεξάνδρου τελευτὴν δολοφονήσασ Πῶρον τὸν βασιλέα. οἱ δὲ πάντεσ μετὰ τῶν σατραπῶν ἠθροίσθησαν πεζοὶ μὲν πλείουσ τῶν μυρίων ὀκτακισχιλίων ἑπτακοσίων, ἱππεῖσ δὲ τετρακισχίλιοι ἑξακόσιοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 14

(디오도로스 시켈로스, Bibliotheca Historica, Books XVIII-XX, book 19, chapter 14)

상위

목록

SEARCH

MENU NAVIGATION