헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 13)

ταῦτα δὲ προσαγαγόντεσ πρὸσ τὴν ἔκβασιν πάλιν ἐπεχείρουν τοὺσ Μακεδόνασ πείθειν ἀποστῆσαι τὸν Εὐμενῆ τῆσ στρατηγίασ καὶ μὴ προάγειν καθ’ αὑτῶν ἄνδρα ξένον καὶ πλείστουσ Μακεδόνασ ἀνῃρηκότα. οὐδενὶ δὲ τρόπῳ τῶν περὶ τὸν Ἀντιγένη πειθομένων οἱ περὶ Σέλευκον προσπλεύσαντεσ πρόσ τινα διώρυγα παλαιὰν ἀνέρρηξαν τὴν ἀρχὴν αὐτῆσ, ὑπὸ τοῦ χρόνου συγκεχωσμένην.

περικλυσθείσησ δὲ τῆσ τῶν Μακεδόνων στρατοπεδείασ καὶ πάντῃ τοῦ συνεχοῦσ τόπου λιμνάσαντοσ ἐκινδύνευσεν ἅπαν ἀπολέσθαι τὸ στρατόπεδον ὑπὸ τῆσ πλήμησ. ἐκείνην μὲν οὖν τὴν ἡμέραν ἔμειναν ἐφ’ ἡσυχίασ, ἀπορούμενοι πῶσ χρηστέον τοῖσ πράγμασι·

τῇ δ’ ὑστεραίᾳ παραστησάμενοι τὰ κοντωτὰ πλοῖα, περὶ τριακόσια τὸν ἀριθμὸν ὄντα, διεβίβασαν τὸ κράτιστον τῆσ δυνάμεωσ οὐδενὸσ παρενοχλοῦντοσ κατὰ τὴν ἔκβασιν· οἱ γὰρ περὶ Σέλευκον ἱππεῖσ μόνον εἶχον καὶ τούτουσ πολὺ τοῖσ ἀριθμοῖσ λειπομένουσ τῶν ἐναντίων. νυκτὸσ δὲ ἤδη καταλαμβανούσησ Εὐμενὴσ μὲν ἀγωνιῶν ὑπὲρ τῆσ ἀποσκευῆσ πάλιν εἰσ τοὐπίσω διεβίβασε τοὺσ Μακεδόνασ, εἰσηγησαμένου δέ τινοσ τῶν ἐγχωρίων ἐπεβάλετό τινα τόπον ἀνακαθαίρειν, δι’ οὑ ῥᾴδιον ἦν ἀποστρέψαι τὴν διώρυγα καὶ βάσιμον κατασκευάσαι τὴν πλησίον χώραν.

ἃ δὴ συνιδόντεσ οἱ περὶ Σέλευκον καὶ βουλόμενοι τὴν ταχίστην αὐτοὺσ ἐκ τῆσ ἰδίασ σατραπείασ ἀπαλλάξαι πρέσβεισ ἀπέστειλαν ὑπὲρ ἀνοχῶν, συγχωρήσαντεσ τὴν διάβασιν.

εὐθὺ δὲ καὶ βυβλιαφόρουσ ἀπέστειλαν πρὸσ Ἀντίγονον εἰσ Μεσοποταμίαν, ἀξιοῦντεσ ἥκειν τὴν ταχίστην μετὰ τῆσ δυνάμεωσ, πρὶν ἢ καταβῆναι τοὺσ σατράπασ μετὰ τῶν δυνάμεων. Εὐμενὴσ δὲ διαβὰσ τὸν Τίγριν καὶ παραγενόμενοσ εἰσ τὴν Σουσιανὴν εἰσ τρία μέρη διεῖλε τὴν δύναμιν διὰ τὴν τοῦ σίτου σπάνιν.

ἐπιπορευόμενοσ δὲ τὴν χώραν κατὰ μέροσ σίτου μὲν παντελῶσ ἐσπάνιζεν, ὄρυζαν δὲ καὶ σήσαμον καὶ φοίνικα διέδωκε τοῖσ στρατιώταισ, δαψιλῶσ ἐχούσησ τῆσ χώρασ τοὺσ τοιούτουσ καρπούσ. πρὸσ δὲ τοὺσ ἐν ταῖσ ἄνω σατραπείαισ ἡγεμόνασ ἦν μὲν καὶ πρότερον ἀπεσταλκὼσ τὰσ παρὰ τῶν βασιλέων ἐπιστολάσ, ἐν αἷσ ἦν γεγραμμένον πάντα πειθαρχεῖν Εὐμενεῖ, καὶ τότε δὲ βυβλιαφόρουσ ἀπέστειλεν, ἀξιῶν ἀπαντᾶν εἰσ τὴν Σουσιανὴν ἅπαντασ μετὰ τῶν ἰδίων δυνάμεων, καθ’ ὃν δὴ χρόνον συνέβη κἀκείνουσ ἠθροικέναι τὰ στρατόπεδα καὶ συνδεδραμηκέναι πρὸσ ἀλλήλουσ δι’ ἑτέρασ αἰτίασ, ὑπὲρ ὧν ἀναγκαῖον προειπεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 13

(디오도로스 시켈로스, Bibliotheca Historica, Books XVIII-XX, book 19, chapter 13)

상위

목록

SEARCH

MENU NAVIGATION