헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 11)

κατὰ γὰρ τὴν Μακεδονίαν Εὐρυδίκη τῆσ βασιλείασ προεστηκυῖα καὶ πυνθανομένη τὴν Ὀλυμπιάδα παρασκευάζεσθαι πρὸσ τὴν κάθοδον πρὸσ μὲν Κάσανδρον εἰσ Πελοπόννησον ἀπέστειλε βιβλιαφόρον, ἀξιοῦσα βοηθεῖν τὴν ταχίστην, τῶν δὲ Μακεδόνων τοὺσ πρακτικωτάτουσ ἀνακαλουμένη δωρεαῖσ καὶ μεγάλαισ ἐπαγγελίαισ ἰδίουσ ταῖσ εὐνοίαισ κατεσκεύαζε. Πολυπέρχων δὲ δύναμιν ἤθροισε προσλαβόμενοσ Αἰακίδην τὸν Ἠπειρώτην καὶ κατήγαγεν Ὀλυμπιάδα μετὰ τοῦ Ἀλεξάνδρου παιδὸσ ἐπὶ τὴν βασιλείαν.

ἀκούων οὖν Εὐρυδίκην ἐν Εὐίοισ τῆσ Μακεδονίασ οὖσαν μετὰ τῆσ δυνάμεωσ ὡρ́μησεν ἐπ’ αὐτήν, σπεύδων μιᾷ μάχῃ κρῖναι τὰ πράγματα. ἀντιταχθέντων δὲ ἀλλήλοισ τῶν στρατοπέδων οἱ Μακεδόνεσ ἐντραπέντεσ τὸ τῆσ Ὀλυμπιάδοσ ἀξίωμα καὶ τῶν εὐεργεσιῶν ἀναμιμνησκόμενοι τῶν Ἀλεξάνδρου μετεβάλοντο. Φίλιπποσ μὲν οὖν ὁ βασιλεὺσ εὐθὺσ ἥλω μετὰ τῆσ θεραπείασ, ἡ δ’ Εὐρυδίκη μετὰ Πολυκλέουσ, ἑνὸσ τῶν συμβούλων, εἰσ Ἀμφίπολιν ἀποχωροῦσα συνελήφθη.

τοῦτον δὲ τὸν τρόπον Ὀλυμπιὰσ τῶν βασιλικῶν σωμάτων κυριεύσασα καὶ χωρὶσ κινδύνων τὴν βασιλείαν παραλαβοῦσα τὴν εὐτυχίαν οὐκ ἤνεγκεν ἀνθρωπίνωσ, ἀλλὰ τήν τ’ Εὐρυδίκην καὶ τὸν ἄνδρα Φίλιππον τὸ μὲν πρῶτον εἰσ φυλακὴν καταθεμένη κακουχεῖν ἐπεχείρησε·

περιοικοδομήσασα γὰρ αὐτῶν ἐν βραχεῖ τόπῳ τὰ σώματα διὰ μιᾶσ στενῆσ ὑποδοχῆσ ἐχορήγει τὰ ἀναγκαῖα· ἐπὶ πολλὰσ δ’ ἡμέρασ παρανομήσασα τοὺσ ἠτυχηκότασ, ἐπειδὴ παρὰ τοῖσ Μακεδόσιν ἠδόξει διὰ τὸν πρὸσ τοὺσ πάσχοντασ ἔλεον, τὸν μὲν Φίλιππον προσέταξε Θρᾳξί τισιν ἐκκεντῆσαι, βασιλέα γεγενημένον ἓξ ἔτη καὶ μῆνασ τέσσαρασ, τὴν δ’ Εὐρυδίκην παρρησιαζομένην καὶ βοῶσαν αὐτῇ μᾶλλον προσήκειν ἤπερ Ὀλυμπιάδι τὴν βασιλείαν ἔκρινε μείζονοσ ἀξιῶσαι τιμωρίασ.

εἰσέπεμψεν οὖν αὐτῇ ξίφοσ καὶ βρόχον καὶ κώνειον καὶ συνέταξε τούτων ᾧ βούλοιτο καταχρήσασθαι πρὸσ τὸν θάνατον, οὔτε τὸ προγεγενημένον ἀξίωμα τῆσ παρανομουμένησ ἐντραπεῖσα τὸ παράπαν οὔτε τῆσ κοινῆσ τύχησ εἰσ οἶκτον ἐλθοῦσα.

τοιγαροῦν τῆσ ὁμοίασ μεταβολῆσ τυχοῦσα τῆσ ὠμότητοσ ἀξίαν ἔσχε τὴν τοῦ βίου καταστροφήν.

Εὐρυδίκη μὲν γὰρ κατευξαμένη παρόντοσ τοῦ κομίσαντοσ τῶν ὁμοίων δωρεῶν Ὀλυμπιάδα τυχεῖν τὸν μὲν ἄνδρα περιέστειλεν, ἐπιμεληθεῖσα τῶν τραυμάτων ὥσ ποθ’ ὁ καιρὸσ συνεχώρει, ἑαυτὴν δ’ ἀνακρεμάσασα τῇ ζώνῃ κατέστρεψε τὸν βίον, οὔτε δακρύσασα τὴν αὑτῆσ τύχην οὔτε τῷ μεγέθει τῶν συμπτωμάτων ταπεινωθεῖσα. Ὀλυμπιὰσ δὲ τούτων διαφθαρέντων ἀνεῖλε μὲν τὸν Νικάνορα τὸν ἀδελφὸν τοῦ Κασάνδρου, κατέστρεψε δὲ τὸν Ιὄλλου τάφον, μετερχομένη, καθάπερ ἔφησε, τὸν Ἀλεξάνδρου θάνατον, ἐπέλεξε δὲ καὶ τῶν Κασάνδρου φίλων τοὺσ ἐπιφανεστάτουσ ἑκατὸν Μακεδόνασ, οὓσ ἅπαντασ ἀπέσφαξεν.

ἐν τοιούτοισ δὲ παρανομήμασι πληροῦσα τὸν ἑαυτῆσ θυμὸν ταχὺ πολλοὺσ τῶν Μακεδόνων ἐποίησε μισῆσαι τὴν ὠμότητα·

πάντεσ γὰρ ἀνεμιμνήσκοντο τῶν Ἀντιπάτρου λόγων, ὃσ καθάπερ χρησμῳδῶν ἐπὶ τῆσ τελευτῆσ παρεκελεύσατο μηδέποτε συγχωρῆσαι γυναικὶ τῆσ βασιλείασ προστατῆσαι. τὰ μὲν οὖν κατὰ Μακεδονίαν τοῦτον τὸν τρόπον διοικηθέντα πρόδηλον εἶχε τὴν ἐσομένην μεταβολήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 11

(디오도로스 시켈로스, Bibliotheca Historica, Books XVIII-XX, book 19, chapter 11)

상위

목록

SEARCH

MENU NAVIGATION