헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 4)

ὁ δ’ Ἀγαθοκλῆσ ἀλλοτρίωσ ἔχων τὰ πρὸσ αὐτοὺσ τὸ μὲν πρῶτον κατέμενεν ἐν Ἰταλίᾳ μετὰ τῶν κοινοπραγούντων καὶ καταλαμβάνεσθαι τὴν τῶν Κροτωνιατῶν πόλιν ἐπιχειρήσασ ἐξέπεσε καὶ μετ’ ὀλίγων εἰσ Τάραντα διεσώθη. ταχθεὶσ δὲ παρὰ τοῖσ Ταραντίνοισ ἐν τῇ τῶν μισθοφόρων τάξει καὶ πολλαῖσ καὶ παραβόλοισ ἐγχειρῶν πράξεσιν εἰσ ὑποψίαν ἦλθε καινοτομεῖν. διόπερ ἀπολυθεὶσ καὶ ταύτησ τῆσ στρατείασ συνήθροισε τοὺσ κατὰ τὴν Ἰταλίαν φυγάδασ καὶ Ῥηγίνοισ πολεμουμένοισ ὑπὸ τῶν περὶ τὸν Ἡρακλείδην καὶ Σώστρατον ἐβοήθησεν.

ἔπειτα τῆσ ἐν Συρακούσσαισ δυναστείασ καταλυθείσησ καὶ τῶν περὶ τὸν Σώστρατον φυγόντων κατῆλθεν εἰσ τὴν πατρίδα.

συνεκπεσόντων δὲ τοῖσ δυνάσταισ πολλῶν ἐνδόξων ἀνδρῶν, ὡσ ἂν τῆσ ὀλιγαρχίασ κενοινωνηκότων τῆσ τῶν ἑξακοσίων τῶν ἐπιφανεστάτων, ἐνέστη πόλεμοσ τοῖσ φυγάσι πρὸσ τοὺσ ἀντεχομένουσ τῆσ δημοκρατίασ. συμμαχούντων δὲ τῶν Καρχηδονίων τοῖσ περὶ τὸν Σώστρατον φυγάσιν ἐγίνοντο κίνδυνοι συνεχεῖσ καὶ παρατάξεισ ἁδρῶν δυνάμεων, ἐν αἷσ Ἀγαθοκλῆσ, ποτὲ μὲν ἰδιώτησ ὤν, ποτὲ δὲ ἐφ’ ἡγεμονίασ τεταγμένοσ, ὑπελήφθη δραστικὸσ εἶναι καὶ φιλότεχνοσ ἐκ τοῦ πρὸσ ἕκαστον τῶν καιρῶν ἐπινοεῖσθαί τι τῶν χρησίμων· ὧν ἓν ἔπραξε καὶ μάλα μνήμησ ἄξιον. στρατοπεδευόντων γάρ ποτε τῶν Συρακοσίων πλησίον τῆσ Γέλασ αὐτὸσ μὲν νυκτὸσ παρεισέπεσεν εἰσ τὴν πόλιν μετὰ χιλίων στρατιωτῶν, οἱ δὲ περὶ τὸν Σώστρατον ἐπιφανέντεσ μετὰ μεγάλησ καὶ τεταγμένησ δυνάμεωσ ἐτρέψαντο τοὺσ παρεισπεπτωκότασ καὶ κατέβαλον εἰσ τριακοσίουσ.

τῶν δ’ ἄλλων ἐπιβαλομένων μὲν φεύγειν διά τινοσ στενοῦ τόπου καὶ τὴν σωτηρίαν ἀπεγνωκότων παραδόξωσ αὐτοὺσ Ἀγαθοκλῆσ ἐκ τῶν κινδύνων ἐρρύσατο.

αὐτὸσ μὲν γὰρ λαμπρότατα πάντων ἀγωνισάμενοσ ἑπτὰ τραύμασι περιέπεσε καὶ διὰ τὸ πλῆθοσ τοῦ ῥυέντοσ αἵματοσ τὸ σῶμα παρελύετο·

τῶν δὲ πολεμίων ἐπικειμένων παρήγγειλε τοῖσ σαλπιγκταῖσ ἐπ’ ἀμφότερα τὰ μέρη τοῦ τείχουσ παρελθόντασ σημαίνειν τὸ πολεμικόν. ὧν ταχέωσ τὸ ῥηθὲν πραξάντων οἱ προσβοηθήσαντεσ ἐκ τῆσ Γέλασ τὸ μὲν ἀληθὲσ διὰ τὸ σκότοσ οὐκ ἠδύναντο συνιδεῖν, ὑπολαβόντεσ δὲ τὴν ἄλλην δύναμιν τῶν Συρακοσίων κατ’ ἀμφότερα τὰ μέρη παρεισπεπτωκέναι τοῦ μὲν ἔτι διώκειν ἀπέστησαν, διελόμενοι δὲ τὰσ τάξεισ διχῇ ταχέωσ ἐβοήθουν, συντρέχοντεσ πρὸσ τὸν ἦχον τῶν σαλπιγκτῶν.

ἐν τοσούτῳ δὲ τυχόντεσ ἀνοχῆσ οἱ περὶ τὸν Ἀγαθοκλέα μετὰ πάσησ ἀσφαλείασ διεσώθησαν εἰσ τὸν χάρακα. ἐνταῦθα μὲν οὖν τοῦτον τὸν τρόπον καταστρατηγήσασ τοὺσ πολεμίουσ οὐ μόνον τοὺσ σὺν αὐτῷ παραδόξωσ ἔσωσεν, ἀλλὰ καὶ τῶν συμμάχων ἑπτακοσίουσ ἄνδρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 4

(디오도로스 시켈로스, Bibliotheca Historica, Books XVIII-XX, book 19, chapter 4)

상위

목록

SEARCH

MENU NAVIGATION