헬라어 문장 검색 - Διοδορ́Βιβλιοτ́4́86́

(디오도로스 시켈로스, Bibliotheca Historica, book 4, chapter 85)

εἰρήσθω, περὶ δὲ Ὠρίωνοσ τὰ μυθολογούμενα νῦν διέξιμεν. λέγεται γὰρ τοῦτον σώματοσ μεγέθει καὶ ῥώμῃ πολὺ τῶν μνημονευομένων ἡρώων ὑπεράγοντα φιλοκύνηγον γενέσθαι καὶ κατασκευάσαι μεγάλα ἔργα διὰ τὴν ἰσχὺν καὶ φιλοδοξίαν. κατὰ μὲν γὰρ τὴν Σικελίαν κατασκευάσαι Ζάγκλῳ τῷ τότε βασιλεύοντι τῆσ τότε μὲν ἀπ’ αὐτοῦ Ζάγκλησ, νῦν δὲ Μεσσήνησ ὀνομαζομένησ, ἄλλα τε καὶ τὸν λιμένα προσχώσαντα τὴν ὀνομαζομένην Ἀκτὴν ποιῆσαι. ἐπεὶ δὲ τῆσ Μεσσήνησ ἐμνήσθημεν, οὐκ ἀνοίκειον προσθεῖναι νομίζομεν τοὶσ προκειμένοισ τὰσ περὶ τὸν πορθμὸν διηγήδεισ.

φασὶ γὰρ οἱ παλαιοὶ μυθογράφοι τὴν Σικελίαν τὸ πρὸ τοῦ χερρόνησον οὖσαν ὕστερον γενέσθαι νῆσον διὰ τοιαύτασ αἰτίασ.

τὸν ἰσθμὸν κατὰ τὸ στενώτατον ὑπὸ δυοῖν πλευρῶν θαλάττῃ προσκλυζόμενον ἀναρραγῆναι, καὶ τὸν τόπον ἀπὸ τούτου Ῥήγιον ὀνομασθῆναι, καὶ τὴν ὕστερον πολλοῖσ ἔτεσι κτισθεῖσαν πόλιν τυχεῖν τῆσ ὁμωνύμου προσηγορίασ. ἔνιοι δὲ λέγουσι σεισμῶν μεγάλων γενομένων διαρραγῆναι τὸν αὐχένα τῆσ ἠπείρου, καὶ γενέσθαι τὸν πορθμὸν διειργούσησ τῆσ θαλάττησ τὴν ἤπειρον ἀπὸ τῆσ νήσου.

Ἡσίοδοσ δ’ ὁ ποιητήσ φησι τοὐναντίον ἀναπεπταμένου τοῦ πελάγουσ Ὠρίωνα προσχῶσαι τὸ κατὰ τὴν Πελωρίδα κείμενον ἀκρωτήριον, καὶ τὸ τέμενοσ τοῦ Ποσειδῶνοσ κατασκευάσαι, τιμώμενον ὑπὸ τῶν ἐγχωρίων διαφερόντωσ·

ταῦτα δὲ διαπραξάμενον εἰσ Εὔβοιαν μεταναστῆναι κἀκεῖ κατοικῆσαι· διὰ δὲ τὴν δόξαν ἐν τοῖσ κατ’ οὐρανὸν ἄστροισ καταριθμηθέντα τυχεῖν ἀθανάτου μνήμησ. περὶ οὗ καὶ ὁ ποιητὴσ Ὅμηροσ ἐν τῇ Νεκυίᾳ μιμνησκόμενόσ φησι τὸν δὲ μέτ’ Ὠρίωνα πελώριον εἰσενόησα θῆρασ ὁμοῦ εἰλεῦντα κατ’ ἀσφοδελὸν λειμῶνα, οὓσ αὐτὸσ κατέπεφνεν ἐν οἰοπόλοισιν ὄρεσσι, χερσὶν ἔχων ῥόπαλον παγχάλκεον, αἰὲν ἀαγέσ.

ὁμοίωσ δὲ καὶ περὶ τοῦ μεγέθουσ ἐμφανίζων, καὶ προεκθέμενοσ τὰ περὶ τοὺσ Ἀλῳάδασ, ὅτι ἐνναετεῖσ ἦσαν τὸ μὲν εὖροσ πηχῶν ἐννέα, τὸ δὲ μῆκοσ τῶν ἴσων ὀργυιῶν, ἐπιφέρει τοὺσ δὴ μηκίστουσ θρέψε ζείδωροσ ἄρουρα καὶ πολὺ καλλίστουσ μετά γε κλυτὸν Ὠρίωνα.

ἡμεῖσ δὲ κατὰ τὴν ἐν ἀρχῇ πρόθεσιν περὶ τῶν ἡρώων καὶ ἡμιθέων ἀρκούντωσ εἰρηκότεσ αὐτοῦ περιγράψομεν τήνδε τὴν βίβλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 85

(디오도로스 시켈로스, Bibliotheca Historica, book 4, chapter 85)

상위

목록

SEARCH

MENU NAVIGATION