헬라어 문장 검색 - Διοδορ́Βιβλιοτ́4́85́

(디오도로스 시켈로스, Bibliotheca Historica, book 4, chapter 84)

ἀπαγγελίαν· νυνὶ δὲ περὶ Δάφνιδοσ πειρασόμεθα διελθεῖν τὰ μυθολογούμενα. Ἡραῖα γὰρ ὄρη κατὰ τὴν Σικελίαν ἐστίν, ἅ φασι κάλλει τε καὶ φύσει καὶ τόπων ἰδιότησι πρὸσ θερινὴν ἄνεσιν καὶ ἀπόλαυσιν εὖ πεφυκέναι. πολλάσ τε γὰρ πηγὰσ ἔχειν τῇ γλυκύτητι τῶν ὑδάτων διαφόρουσ καὶ δένδρεσι παντοίοισ πεπληρῶσθαι. εἶναι δὲ καὶ δρυῶν μεγάλων πλῆθοσ, φερουσῶν καρπὸν τῷ μεγέθει διαλλάττοντα, διπλασιάζοντα τῶν ἐν ταῖσ ἄλλαισ χώραισ φυομένων. ἔχειν δὲ καὶ τῶν ἡμέρων καρπῶν αὐτομάτων, ἀμπέλου τε πολλῆσ φυομένησ καὶ μήλων ἀμυθήτου πλήθουσ. διὸ καὶ στρατόπεδόν ποτε Καρχηδονίων ὑπὸ λιμοῦ πιεζόμενον διαθρέψαι, παρεχομένων τῶν ὀρῶν πολλαῖσ μυριάσι χορηγίασ εἰσ τροφὴν ἀνέκλειπτον.

ἐν ταύτῃ δὲ τῇ χώρᾳ συναγκείασ δένδρων οὔσησ θεοπρεποῦσ καὶ Νύμφαισ. ἄλσουσ ἀνειμένου μυθολογοῦσι γεννηθῆναι τὸν ὀνομαζόμενον Δάφνιν, Ἑρμοῦ μὲν καὶ Νύμφησ υἱόν, ἀπὸ δὲ τοῦ πλήθουσ καὶ τῆσ πυκνότητοσ τῆσ φυομένησ δάφνησ ὠνομάσθαι Δάφνιν. τοῦτον δ’ ὑπὸ Νυμφῶν τραφέντα, καὶ βοῶν ἀγέλασ παμπληθεῖσ κεκτημένον, τούτων ποιεῖσθαι πολλὴν ἐπιμέλειαν·

ἀφ’ ἧσ αἰτίασ βουκόλον αὐτὸν ὀνομασθῆναι. φύσει δὲ διαφόρῳ πρὸσ εὐμέλειαν κεχορηγημένον ἐξευρεῖν τὸ βουκολικὸν ποίημα καὶ μέλοσ, ὃ μέχρι τοῦ νῦν κατὰ τὴν Σικελίαν τυγχάνει διαμένον ἐν ἀποδοχῇ. μυθολογοῦσι δὲ τὸν Δάφνιν μετὰ τῆσ Ἀρτέμιδοσ κυνηγεῖν ὑπηρετοῦντα τῇ θεῷ κεχαρισμένωσ, καὶ διὰ τῆσ σύριγγοσ καὶ βουκολικῆσ μελῳδίασ τέρπειν αὐτὴν διαφερόντωσ.

λέγουσι δ’ αὐτοῦ μίαν τῶν Νυμφῶν ἐρασθεῖσαν προειπεῖν, ἐὰν ἄλλῃ τινὶ πλησιάσῃ, στερήσεσθαι τῆσ ὁράσεωσ· κἀκεῖνον ὑπό τινοσ θυγατρὸσ βασιλέωσ καταμεθυσθέντα, καὶ πλησιάσαντα αὐτῇ, στερηθῆναι τῆσ ὁράσεωσ κατὰ τὴν γεγενημένην ὑπὸ τῆσ Νύμφησ πρόρρησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 84

(디오도로스 시켈로스, Bibliotheca Historica, book 4, chapter 84)

상위

목록

SEARCH

MENU NAVIGATION