헬라어 문장 검색 - Διοδορ́Βιβλιοτ́4́84́

(디오도로스 시켈로스, Bibliotheca Historica, book 4, chapter 83)

καὶ περὶ μὲν Ἀρισταίου τοῖσ ῥηθεῖσιν ἀρκεσθησόμεθα, περὶ δὲ Δάφνιδοσ καὶ Ἔρυκοσ πειρασόμεθα διεθεῖν. Ἔρυκά φασιν υἱὸν μὲν γενέσθαι Ἀφροδίτησ καὶ Βούτα, βασιλέωσ τινὸσ ἐγχωρίου δόξῃ διαφέροντοσ· τοῦτον δὲ διὰ τὴν ἀπὸ τῆσ μητρὸσ εὐγένειαν θαυμασθῆναί τε ὑπὸ τῶν ἐγχωρίων καὶ βασιλεῦσαι μέρουσ τῆσ νήσου. κτίσαι δὲ καὶ πόλιν ἀξιόλογον ὁμώνυμον αὑτῷ, κειμένην ἐπί τινοσ ὑψηλοῦ τόπου· κατὰ δὲ τὴν ἄκραν τὴν ἐν τῇ πόλει τῆσ μητρὸσ ἱερὸν ἱδρύσασθαι, καὶ κοσμῆσαι τῇ τε κατασκευῇ τοῦ νεὼ καὶ τῷ πλήθει τῶν ἀναθημάτων. τὴν δὲ θεὸν διά τε τὴν ἀπὸ τῶν ἐγχωρίων εὐσέβειαν καὶ διὰ τὴν ἀπὸ τοῦ τεκνωθέντοσ υἱοῦ τιμὴν ἀγαπῆσαι περιττότερον τὴν πόλιν·

διόπερ αὐτὴν Ἀφροδίτην Ἐρυκίνην ὀνομασθῆναι. θαυμάσαι δ’ ἄν τισ εἰκότωσ ἀναλογισάμενοσ τὴν περὶ τὸ ἱερὸν τοῦτο γενομένην δόξαν· τὰ μὲν γὰρ ἄλλα τεμένη ἀνθήσαντα ταῖσ δόξαισ πολλάκισ διὰ περιστάσεισ τινὰσ τεταπείνωται, μόνον δὲ τοῦτο τῶν ἐξ αἰῶνοσ ἀρχὴν λαβὸν οὐδέποτε διέλιπε τιμώμενον, ἀλλὰ καὶ τοὐναντίον ἀεὶ διετέλεσε πολλῆσ τυγχάνον αὐξήσεωσ.

μετὰ γὰρ τὰσ προειρημένασ ὑπ’ Ἔρυκοσ τιμὰσ ὕστερον Αἰνείασ ὁ Ἀφροδίτησ πλέων εἰσ Ἰταλίαν καὶ προσορμισθεὶσ τῇ νήσῳ πολλοῖσ ἀναθήμασι τὸ ἱερόν, ὡσ ἂν ἰδίασ μητρὸσ ὑπάρχον, ἐκόσμησε·

μετὰ δὲ τοῦτον ἐπὶ πολλὰσ γενεὰσ τιμῶντεσ οἱ Σικανοὶ τὴν θεὸν θυσίαισ τε μεγαλοπρεπέσι συνεχῶσ καὶ ἀναθήμασιν ἐκόσμουν· μετὰ δὲ ταῦτα Καρχηδόνιοι, μέρουσ τῆσ Σικελίασ κυριεύσαντεσ, οὐ διέλιπον τιμῶντεσ τὴν θεὸν διαφερόντωσ. τὸ δὲ τελευταῖον Ῥωμαῖοι, πάσησ Σικελίασ κρατήσαντεσ, ὑπερεβάλοντο πάντασ τοὺσ πρὸ αὐτῶν ταῖσ εἰσ ταύτην τιμαῖσ. καὶ τοῦτο εἰκότωσ ἐποίουν·

τὸ γὰρ γένοσ εἰσ ταύτην ἀναπέμποντεσ, καὶ διὰ τοῦτο ἐν ταῖσ πράξεσιν ἐπιτυχεῖσ ὄντεσ, τὴν αἰτίαν τῆσ αὐξήσεωσ ἠμείβοντο ταῖσ προσηκούσαισ χάρισι καὶ τιμαῖσ. οἱ μὲν γὰρ καταντῶντεσ εἰσ τὴν νῆσον ὕπατοι καὶ στρατηγοὶ καὶ πάντεσ οἱ μετά τινοσ ἐξουσίασ ἐπιδημοῦντεσ, ἐπειδὰν εἰσ τὸν Ἔρυκα παραβάλωσι, μεγαλοπρεπέσι θυσίαισ καὶ τιμαῖσ κοσμοῦσι τὸ τέμενοσ, καὶ τὸ σκυθρωπὸν τῆσ ἐξουσίασ ἀποθέμενοι μεταβάλλουσιν εἰσ παιδιὰσ καὶ γυναικῶν ὁμιλίασ μετὰ πολλῆσ ἱλαρότητοσ, μόνωσ οὕτω νομίζοντεσ κεχαρισμένην τῇ θεῷ ποιήσειν τὴν ἑαυτῶν παρουσίαν·

ἥ τε σύγκλητοσ τῶν Ῥωμαίων εἰσ τὰσ τῆσ θεοῦ τιμὰσ φιλοτιμηθεῖσα τὰσ μὲν πιστοτάτασ τῶν κατὰ τὴν Σικελίαν πόλεων οὔσασ ἑπτακαίδεκα χρυσοφορεῖν ἐδογμάτισε τῇ Ἀφροδίτῃ καὶ στρατιώτασ διακοσίουσ τηρεῖν τὸ ἱερόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 83

(디오도로스 시켈로스, Bibliotheca Historica, book 4, chapter 83)

상위

목록

SEARCH

MENU NAVIGATION