헬라어 문장 검색 - Διοδορ́Βιβλιοτ́4́82́

(디오도로스 시켈로스, Bibliotheca Historica, book 4, chapter 81)

ἡμεῖσ δὲ περὶ τούτων ἀρκούντωσ διεληλυθότεσ περὶ Ἀρισταίου γράφειν ἐγχειρήσομεν. Ἀρισταῖοσ γὰρ ἦν υἱὸσ μὲν Ἀπόλλωνοσ καὶ Κυρήνησ τῆσ Ὑψέωσ θυγατρὸσ τοῦ Πηνειοῦ· περὶ δὲ τῆσ γενέσεωσ αὐτοῦ μυθολογοῦσί τινεσ οὕτωσ. Ἀπόλλωνα, περὶ τὸ Πήλιον τρεφομένησ κόρησ ὄνομα Κυρήνησ κάλλει διαφερούσησ, ἐρασθῆναι τῆσ παρθένου, καὶ μετενεγκεῖν αὐτὴν τῆσ Λιβύησ εἰσ ταύτην τὴν χώραν, ἐν ᾗ κατὰ τοὺσ ὕστερον χρόνουσ τινὰ κτίσαντα πόλιν ἀπ’ ἐκείνησ ὀνομάσαι Κυρήνην. τὸν δ’ οὖν Ἀπόλλω κατὰ ταύτην τὴν χώραν ἐκ Κυρήνησ γεννήσαντα υἱὸν Ἀρισταῖον τοῦτον μὲν νήπιον ὄντα παραδοῦναι ταῖσ Νύμφαισ τρέφειν·

ταύτασ δὲ τῷ παιδὶ τρεῖσ ὀνομασίασ προσάψαι· καλεῖν γὰρ αὐτὸν Νόμιον, Ἀρισταῖον, Ἀγρέα. τοῦτον δὲ παρὰ τῶν Νυμφῶν μαθόντα τήν τε τοῦ γάλακτοσ πῆξιν καὶ τὴν κατασκευὴν τῶν σμήνων, ἔτι δὲ τῶν ἐλαιῶν τὴν κατεργασίαν, διδάξαι πρῶτον τοὺσ ἀνθρώπουσ. διὰ δὲ τὴν εὐχρηστίαν τὴν ἐκ τούτων τῶν εὑρημάτων τοὺσ εὐεργετηθέντασ ἀνθρώπουσ τιμῆσαι τὸν Ἀρισταῖον ἰσοθέοισ τιμαῖσ, καθὰ καὶ τὸν Διόνυσον.

μετὰ δὲ ταῦτά φασιν αὐτὸν εἰσ Βοιωτίαν καταντήσαντα γῆμαι τῶν Κάδμου θυγατέρων Αὐτονόην, ἐξ ἧσ φασιν Ἀκτέωνα γενέσθαι τὸν κατὰ τοὺσ μύθουσ ὑπὸ τῶν ἰδίων κυνῶν διασπασθέντα. τὴν δ’ αἰτίαν ἀποδιδόασι τῆσ ἀτυχίασ οἱ μὲν ὅτι κατὰ τὸ τῆσ Ἀρτέμιδοσ ἱερὸν διὰ τῶν ἀνατιθεμένων ἀκροθινίων ἐκ τῶν κυνηγίων προῃρεῖτο τὸν γάμον κατεργάσασθαι τῆσ Ἀρτέμιδοσ, οἱ δ’ ὅτι τῆσ Ἀρτέμιδοσ αὑτὸν πρωτεύειν ταῖσ κυνηγίαισ ἀπεφήνατο.

οὐκ ἀπίθανον δὲ ἐπ’ ἀμφοτέροισ τούτοισ μηνῖσαι τὴν θεόν·

εἴτε γὰρ τοῖσ ἁλισκομένοισ πρὸσ τὴν ἀκοινώνητον τοῖσ γάμοισ κατεχρῆτο πρὸσ τὸ συντελέσαι τὴν ἰδίαν ἐπιθυμίαν, εἴτε καὶ ταύτησ ἐτόλμησεν εἰπεῖν αἱρετώτερον αὑτὸν εἶναι κυνηγόν ᾗ καὶ θεοὶ παρακεχωρήκασι τῆσ ἐν τούτοισ ἁμίλλησ, ὁμολογουμένην καὶ δικαίαν ὀργὴν ἔσχε πρὸσ αὐτὸν ἡ θεόσ. καθόλου δὲ πιθανῶσ εἰσ τὴν τῶν ἁλισκομένων θηρίων μεταμορφωθεὶσ ἰδέαν ὑπὸ τῶν καὶ τἄλλα θηρία χειρουμένων κυνῶν διεφθάρη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 81

(디오도로스 시켈로스, Bibliotheca Historica, book 4, chapter 81)

상위

목록

SEARCH

MENU NAVIGATION