헬라어 문장 검색 - Διοδορ́Βιβλιοτ́4́81́

(디오도로스 시켈로스, Bibliotheca Historica, book 4, chapter 80)

μυθολογοῦσι δ’ αὐτὰσ τὸ παλαιὸν θρέψαι τὸν Δία λάθρᾳ τοῦ πατρὸσ Κρόνου, ἀνθ’ ὧν αὐτὰσ εἰσ τὸν οὐρανὸν ἀναβιβασθῆναι καὶ καταστερισθείσασ ἄρκτουσ προσαγορευθῆναι· περὶ ὧν καὶ τὸν Ἄρατον συμφωνοῦντα τούτοισ τεθεικέναι κατὰ τὴν τῶν ἄστρων ποίησιν, ἔμπαλιν εἰσ ὤμουσ τετραμμέναι·

εἰ ἐτεόν γε Κρήτηθεν κεῖναί γε Διὸσ μεγάλου ἰότητι οὐρανὸν εἰσανέβησαν, ὅ μιν τότε κουρίζοντα Δίκτῳ ἐν εὐώδει ὄρεοσ σχεδὸν Ἰδαίοιο ἄντρῳ ἐγκατέθεντο καὶ ἔτρεφον εἰσ ἐνιαυτόν, Δικταῖοι Κούρητεσ ὅτε Κρόνον ἐψεύσαντο. οὐκ ἄξιον δὲ παραλιπεῖν τὴν περὶ τὰσ θεὰσ ἁγνείαν τε καὶ τὴν κατ’ ἀνθρώπουσ ἐπιφάνειαν.

τιμῶσι δ’ αὐτὰσ οὐ μόνον οἱ ταύτην τὴν πόλιν οἰκοῦντεσ, ἀλλὰ καί τινεσ τῶν ἄλλων περιοίκων θυσίαισ τε μεγαλοπρεπέσι καὶ ταῖσ ἄλλαισ τιμαῖσ ἀποσεμνύνουσι τὰσ θεάσ. ἐνίαισ δὲ πόλεσι καὶ πυθόχρηστοι χρησμοὶ προσέταξαν τιμᾶν τὰσ θεάσ·

ἔσεσθαι γὰρ τοῖσ τοιούτοισ τούσ τε τῶν ἰδιωτῶν βίουσ εὐδαίμονασ καὶ τὰσ πόλεισ εὐθενήσειν. τέλοσ δὲ προβαινούσησ ἐπὶ πολὺ τῆσ κατὰ τὰσ θεὰσ ἐπιφανείασ, οἱ μὲν ἐγχώριοι πολλοῖσ ἀναθήμασιν ἀργυροῖσ καὶ χρυσοῖσ διετέλεσαν τιμῶντεσ ἄχρι τῶνδε τῶν ἱστοριῶν γραφομένων. νεὼν μὲν γὰρ αὐταῖσ κατεσκεύασαν οὐ μόνον τῷ μεγέθει διάφορον, ἀλλὰ καὶ τῇ πολυτελείᾳ τῇ κατὰ τὴν οἰκοδομίαν θαυμαζόμενον·

οὐκ ἔχοντεσ γὰρ κατὰ τὴν ἰδίαν χώραν λίθον ἀξιόλογον παρὰ τῶν ἀστυγειτόνων Ἀγυριναίων ἤγαγον, τῶν μὲν πόλεων διεστηκυιῶν ὡσ ἑκατὸν σταδίουσ, τῆσ δ’ ὁδοῦ δι’ ἧσ ἀνάγκη κομίζεσθαι τοὺσ λίθουσ ὑπαρχούσησ τραχείασ καὶ παντελῶσ δυσπορεύτου· δἰ ἣν αἰτίαν κατασκευάσαντεσ ἁμάξασ τετρακύκλουσ ἑκατὸν ζεύγεσι βοῶν ἐκόμισαν τὸν λίθον. διὰ γὰρ τὸ πλῆθοσ τῶν ἱερῶν χρημάτων εὐπορούμενοι, τῇ δαψιλείᾳ τῆσ εὐπορίασ ὑπερεῖδον τῶν ἀναλωμάτων·

βραχὺ γὰρ πρὸ ἡμῶν εἶχον αἱ θεαὶ βοῦσ μὲν ἱερὰσ τρισχιλίασ, χώρασ δὲ πλῆθοσ ὥστε λαμβάνειν μεγάλασ προσόδουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 80

(디오도로스 시켈로스, Bibliotheca Historica, book 4, chapter 80)

상위

목록

SEARCH

MENU NAVIGATION