헬라어 문장 검색 - Διοδορ́Βιβλιοτ́4́77́

(디오도로스 시켈로스, Bibliotheca Historica, book 4, chapter 76)

Δαίδαλοσ ἦν τὸ μὲν γένοσ Ἀθηναῖοσ, εἷσ τῶν Ἐρεχθειδῶν ὀνομαζόμενοσ· ἦν γὰρ υἱὸσ Μητίονοσ τοῦ Εὐπαλάμου τοῦ Ἐρεχθέωσ· φύσει δὲ πολὺ τοὺσ ἄλλουσ ἅπαντασ ὑπεραίρων ἐζήλωσε τά τε περὶ τὴν τεκτονικὴν τέχνην καὶ τὴν τῶν ἀγαλμάτων κατασκευὴν καὶ λιθουργίαν. εὑρετὴσ δὲ γενόμενοσ πολλῶν τῶν συνεργούντων εἰσ τὴν τέχνην, κατεσκεύασεν ἔργα θαυμαζόμενα κατὰ πολλοὺσ τόπουσ τῆσ οἰκουμένησ. κατὰ δὲ τὴν τῶν ἀγαλμάτων κατασκευὴν τοσοῦτο τῶν ἁπάντων ἀνθρώπων διήνεγκεν ὥστε τοὺσ μεταγενεστέρουσ μυθολογῆσαι περὶ αὐτοῦ διότι τὰ κατασκευαζόμενα τῶν ἀγαλμάτων ὁμοιότατα τοῖσ ἐμψύχοισ ὑπάρχει·

βλέπειν τε γὰρ αὐτὰ καὶ περιπατεῖν, καὶ καθόλου τηρεῖν τὴν τοῦ ὅλου σώματοσ διάθεσιν, ὥστε δοκεῖν εἶναι τὸ κατασκευασθὲν ἔμψυχον ζῷον. πρῶτοσ δ’ ὀμματώσασ καὶ διαβεβηκότα τὰ σκέλη ποιήσασ, ἔτι δὲ τὰσ χεῖρασ διατεταμένασ ποιῶν, εἰκότωσ ἐθαυμάζετο παρὰ τοῖσ ἀνθρώποισ·

οἱ γὰρ πρὸ τούτου τεχνῖται κατεσκεύαζον τὰ ἀγάλματα τοῖσ μὲν ὄμμασι μεμυκότα, τὰσ δὲ χεῖρασ ἔχοντα καθειμένασ καὶ ταῖσ πλευραῖσ κεκολλημένασ. ὁ δ’ οὖν Δαίδαλοσ κατὰ τὴν φιλοτεχνίαν θαυμαζόμενοσ ἔφυγεν ἐκ τῆσ πατρίδοσ, καταδικασθεὶσ ἐπὶ φόνῳ διὰ τοιαύτασ αἰτίασ.

τῆσ ἀδελφῆσ τῆσ Δαιδάλου γενόμενοσ υἱὸσ Τάλωσ ἐπαιδεύετο παρὰ Δαιδάλῳ, παῖσ ὢν τὴν ἡλικίαν· εὐφυέστεροσ δ’ ὢν τοῦ διδασκάλου τόν τε κεραμευτικὸν τροχὸν εὑρ͂ε καὶ σιαγόνι περιτυχὼν ὄφεωσ, καὶ ταύτῃ ξυλήφιον μικρὸν διαπρίσασ, ἐμιμήσατο τὴν τραχύτητα τῶν ὀδόντων·

διόπερ κατασκευασάμενοσ ἐκ σιδήρου πρίονα, καὶ διὰ τούτου πρίζων τὴν ἐν τοῖσ ἔργοισ ξυλίνην ὕλην, ἔδοξεν εὔχρηστον εὑρηκέναι μέγα πρὸσ τὴν τεκτονικὴν τέχνην. ὁμοίωσ δὲ καὶ τὸν τόρνον εὑρὼν καὶ ἕτερά τινα φιλοτεχνήματα, δόξαν ἀπηνέγκατο μεγάλην. ὁ δὲ Δαίδαλοσ φθονήσασ τῷ παιδί, καὶ νομίζων αὐτὸν πολὺ τῇ δόξῃ προέξειν τοῦ διδασκάλου, τὸν παῖδα ἐδολοφόνησε.

θάπτων δ’ αὐτὸν καὶ περικατάληπτοσ γενόμενοσ, ἐπηρωτήθη τίνα θάπτει, καὶ ἔφησεν ὄφιν καταχωννύειν. θαυμάσαι δ’ ἄν τισ τὸ παράδοξον, ὅτι διὰ τὸ ζῷον ἐξ οὗ τοῦ πρίονοσ ἐνεθυμήθη τὴν κατασκευήν, διὰ τούτου καὶ τοῦ φόνου τὴν ἐπίγνωσιν συνέβη γενέσθαι. κατηγορηθεὶσ δὲ καὶ καταδικασθεὶσ ὑπὸ τῶν Ἀρεοπαγιτῶν φόνου, τὸ μὲν πρῶτον ἔφυγεν εἰσ ἕνα τῶν κατὰ τὴν Ἀττικὴν δήμων, ἐν ᾧ τοὺσ κατοικοῦντασ ἀπ’ ἐκείνου Δαιδαλίδασ ὀνομασθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 76

(디오도로스 시켈로스, Bibliotheca Historica, book 4, chapter 76)

상위

목록

SEARCH

MENU NAVIGATION