헬라어 문장 검색 - Διοδορ́Βιβλιοτ́4́74́

(디오도로스 시켈로스, Bibliotheca Historica, book 4, chapter 73)

τούτων δ’ ἡμῖν διευκρινημένων πειρασόμεθα διελθεῖν περὶ Πέλοποσ καὶ Ταντάλου καὶ Οἰνομάου· ἀναγκαῖον δὲ τοῖσ χρόνοισ προσαναδραμόντασ ἡμᾶσ ἀπ’ ἀρχῆσ ἐν κεφαλαίοισ ἅπαντα διελθεῖν. κατὰ γὰρ τὴν Πελοπόννησον ἐν πόλει Πίσῃ Ἄρησ Ἁρπίνῃ τῇ Ἀσωποῦ θυγατρὶ μιγεὶσ ἐγέννησεν Οἰνόμαον. οὗτοσ δὲ θυγατέρα μονογενῆ γεννήσασ ὠνόμασεν Ἱπποδάμειαν.

χρηστηριαζομένῳ δ’ αὐτῷ περὶ τῆσ τελευτῆσ ἔχρησεν ὁ θεὸσ τότε τελευτήσειν αὐτὸν ὅταν ἡ θυγάτηρ Ἱπποδάμεια συνοικήσῃ. εὐλαβούμενον οὖν αὐτὸν περὶ τοῦ γάμου τῆσ θυγατρὸσ κρῖναι ταύτην παρθένον διαφυλάττειν, ὑπολαμβάνοντα μόνωσ οὕτωσ ἐκφεύξεσθαι τὸν κίνδυνον. διόπερ πολλῶν μνηστευομένων τὴν κόρην, ἆθλον προετίθει τοῖσ βουλομένοισ αὐτὴν γῆμαι τοιοῦτον·

ἔδει τὸν μὲν ἡττηθέντα τελευτῆσαι, τὸν δ’ ἐπιτυχόντα γαμεῖν τὴν κόρην. ὑπεστήσατο δ’ ἱπποδρομίαν ἀπὸ τῆσ Πίσησ μέχρι τοῦ κατὰ Κόρινθον Ἰσθμοῦ πρὸσ τὸν βωμὸν τοῦ Ποσειδῶνοσ, τὴν δ’ ἄφεσιν τῶν ἵππων ἐποίησε τοιαύτην. ὁ μὲν Οἰνόμαοσ ἔθυε κριὸν τῷ Διί, ὁ δὲ μνηστευόμενοσ ἐξώρμα τέθριππον ἐλαύνων ἁρ́μα·

ἁγισθέντων δὲ τῶν ἱερῶν, τότε ἄρχεσθαι τοῦ δρόμου τὸν Οἰνόμαον καὶ διώκειν τὸν μνηστῆρα, ἔχοντα δόρυ καὶ ἡνίοχον τὸν Μυρτίλον· εἰ δ’ ἐφίκοιτο καταλαβεῖν τὸ διωκόμενον ἁρ́μα, τύπτειν τῷ δόρατι καὶ διαφθείρειν τὸν μνηστῆρα. τούτῳ δὲ τῷ τρόπῳ τοὺσ ἀεὶ μνηστευομένουσ καταλαμβάνων διὰ τὴν ὀξύτητα τῶν ἵππων πολλοὺσ ἀνῄρει. Πέλοψ δ’ ὁ Ταντάλου καταντήσασ εἰσ Πῖσαν, καὶ θεασάμενοσ τὴν Ἱπποδάμειαν, ἐπεθύμησε τοῦ γάμου·

φθείρασ δὲ τὸν ἡνίοχον τοῦ Οἰνομάου Μυρτίλον, καὶ λαβὼν συνεργὸν πρὸσ τὴν νίκην, ἔφθασε παραγενόμενοσ ἐπὶ τὸν Ἰσθμὸν πρὸσ τὸν τοῦ Ποσειδῶνοσ βωμόν. ὁ δ’ Οἰνόμαοσ τὸ λόγιον τετελέσθαι νομίζων, καὶ διὰ τὴν λύπην ἀθυμήσασ, αὑτὸν ἐκ τοῦ ζῆν μετέστησε.

τούτῳ δὲ τῷ τρόπῳ Πέλοψ γήμασ τὴν Ἱπποδάμειαν παρέλαβε τὴν ἐν Πίσῃ βασιλείαν, καὶ διὰ τὴν ἀνδρείαν καὶ σύνεσιν ἀεὶ μᾶλλον αὐξόμενοσ τοὺσ πλείστουσ τῶν κατὰ τὴν Πελοπόννησον οἰκούντων προσηγάγετο, καὶ τὴν χώραν ἀφ’ ἑαυτοῦ Πελοπόννησον προσηγόρευσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 73

(디오도로스 시켈로스, Bibliotheca Historica, book 4, chapter 73)

상위

목록

SEARCH

MENU NAVIGATION