헬라어 문장 검색 - Διοδορ́Βιβλιοτ́4́72́

(디오도로스 시켈로스, Bibliotheca Historica, book 4, chapter 71)

τούτων δ’ ἡμῖν διευκρινημένων πειρασόμεθα διελθεῖν περὶ Ἀσκληπιοῦ καὶ τῶν ἀπογόνων αὐτοῦ. μυθολογοῦσι τοίνυν Ἀσκληπιὸν Ἀπόλλωνοσ υἱὸν ὑπάρχειν καὶ Κορωνίδοσ, φύσει δὲ καὶ ἀγχινοίᾳ διενεγκόντα ζηλῶσαι τὴν ἰατρικὴν ἐπιστήμην, καὶ πολλὰ τῶν συντεινόντων πρὸσ ὑγίειαν ἀνθρώπων ἐξευρεῖν. ἐπὶ τοσοῦτο δὲ προβῆναι τῇ δόξῃ ὥστε πολλοὺσ τῶν ἀπεγνωσμένων ἀρρώστων παραδόξωσ θεραπεύειν, καὶ διὰ τοῦτο πολλοὺσ δοκεῖν τῶν τετελευτηκότων ποιεῖν πάλιν ζῶντασ. διὸ καὶ τὸν μὲν Αἵδην μυθολογοῦσιν ἐγκαλοῦντα τῷ Ἀσκληπιῷ κατηγορίαν αὐτοῦ ποιήσασθαι πρὸσ τὸν Δία ὡσ τῆσ ἐπαρχίασ αὐτοῦ ταπεινουμένησ·

ἐλάττουσ γὰρ ἀεὶ γίνεσθαι τοὺσ τετελευτηκότασ, θεραπευομένουσ ὑπὸ τοῦ Ἀσκληπιοῦ. καὶ τὸν μὲν Δία παροξυνθέντα κεραυνώσαντα τὸν Ἀσκληπιὸν διαφθεῖραι, τὸν δ’ Ἀπόλλωνα διὰ τὴν ἀναίρεσιν τούτου παροξυνθέντα φονεῦσαι τοὺσ τὸν κεραυνὸν τῷ Διὶ κατασκευάσαντασ Κύκλωπασ·

ἐπὶ δὲ τῇ τούτων τελευτῇ παροξυνθέντα τὸν Δία προστάξαι τῷ Ἀπόλλωνι θητεῦσαι παρ’ ἀνθρώπῳ, καὶ ταύτην τιμωρίαν λαβεῖν παρ’ αὐτοῦ τῶν ἐγκλημάτων. Ἀσκληπιοῦ δέ φασι γενομένουσ υἱοὺσ Μαχάονα καὶ Ποδαλείριον, καὶ τὴν τέχνην ἐκπονήσαντασ, ἐπὶ Τροίαν συστρατεῦσαι τοῖσ περὶ τὸν Ἀγαμέμνονα·

κατὰ δὲ τὸν πόλεμον μεγάλασ χρείασ αὐτοὺσ παρασχέσθαι τοῖσ Ἕλλησι, θεραπεύοντασ ἐμπειρότατα τοὺσ τιτρωσκομένουσ, καὶ διὰ τὰσ εὐεργεσίασ ταύτασ ὑπὸ τῶν Ἑλλήνων μεγάλησ τυχεῖν δόξησ· ἀτελεῖσ δ’ αὐτοὺσ ἀφεῖναι τῶν κατὰ τὰσ μάχασ κινδύνων καὶ τῶν ἄλλων λειτουργιῶν διὰ τὴν ὑπερβολὴν τῆσ ἐν τῷ θεραπεύειν εὐχρηστίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 71

(디오도로스 시켈로스, Bibliotheca Historica, book 4, chapter 71)

상위

목록

SEARCH

MENU NAVIGATION