헬라어 문장 검색 - Διοδορ́Βιβλιοτ́4́71́

(디오도로스 시켈로스, Bibliotheca Historica, book 4, chapter 70)

καὶ τελευτήσαντα τὴν τιμωρίαν ἔχειν αἰώνιον. τοὺσ δὲ Κενταύρουσ τινὲσ μέν φασιν ἐν τῷ Πηλίῳ τραφῆναι ὑπὸ Νυμφῶν, ἀνδρωθέντασ δὲ καὶ μιγέντασ ἵπποισ θηλείαισ γεννῆσαι τοὺσ ὀνομαζομένουσ διφυεῖσ Ἱπποκενταύρουσ· τινὲσ δὲ λέγουσι τοὺσ ἐκ Νεφέλησ καὶ Ἰξίονοσ γεννηθέντασ Κενταύρουσ πρώτουσ ἱππεύειν ἐπιχειρήσαντασ Ἱπποκενταύρουσ ὠνομάσθαι καὶ εἰσ πλάσμα μύθου καταταχθῆναι ὡσ διφυεῖσ ὄντασ. φασὶ δὲ τούτουσ ὡσ συγγενεῖσ ὑπάρχοντασ ἀπαιτῆσαι τὸν Πειρίθουν τὸ μέροσ τῆσ πατρῴασ ἀρχῆσ·

οὐκ ἀποδιδόντοσ δὲ τοῦ Πειρίθου πόλεμον ἐξενεγκεῖν πρὸσ αὐτόν τε καὶ τοὺσ Λαπίθασ. ὕστερον δὲ διαλυθέντων αὐτῶν Πειρίθουσ μὲν γήμασ Ἱπποδάμειαν τὴν Βούτου, καὶ καλέσαντοσ εἰσ τοὺσ γάμουσ τόν τε Θησέα καὶ τοὺσ Κενταύρουσ, φασὶ μεθυσθέντασ ἐπιβαλέσθαι ταῖσ κεκλημέναισ γυναιξὶ καὶ βίᾳ μίσγεσθαι, διὰ δὲ τὴν παρανομίαν τόν τε Θησέα καὶ τοὺσ Λαπίθασ παροξυνθέντασ οὐκ ὀλίγουσ μὲν ἀνελεῖν, τοὺσ δὲ λοιποὺσ ἐκβαλεῖν ἐκ τῆσ πόλεωσ.

διὰ δὲ ταύτην τὴν αἰτίαν τῶν Κενταύρων πανδημεὶ στρατευσάντων ἐπὶ τοὺσ Λαπίθασ καὶ πολλοὺσ ἀνελόντων, τοὺσ ὑπολειφθέντασ φυγεῖν εἰσ Φολόην τῆσ Ἀρκαδίασ, τέλοσ δ’ εἰσ Μαλέαν ἐκπεσόντασ ἐνταῦθα κατοικῆσαι.

τοὺσ δὲ Κενταύρουσ μετεωρισθέντασ τοῖσ προτερήμασι, καὶ ὁρμωμένουσ ἐκ τῆσ Φολόησ, λῄζεσθαι τοὺσ παριόντασ τῶν Ἑλλήνων καὶ πολλοὺσ τῶν περιοίκων ἀναιρεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 70

(디오도로스 시켈로스, Bibliotheca Historica, book 4, chapter 70)

상위

목록

SEARCH

MENU NAVIGATION