헬라어 문장 검색 - Διοδορ́Βιβλιοτ́4́67́

(디오도로스 시켈로스, Bibliotheca Historica, book 4, chapter 66)

οἱ μὲν οὖν ἑπτὰ ἐπὶ Θήβασ τοιοῦτον τὸ πέρασ ἔσχον. οἱ δὲ τούτων παῖδεσ, ἐπίγονοι δ’ ὀνομασθέντεσ, τὸν τῶν πατέρων θάνατον ἐπεξιόντεσ ἔγνωσαν στρατεύειν κοινῇ ἐπὶ τὰσ Θήβασ, λαβόντεσ χρησμὸν παρ’ Ἀπόλλωνοσ πολεμεῖν τὴν προειρημένην πόλιν στρατηγὸν ἔχοντασ Ἀλκμαίωνα τὸν Ἀμφιαράου. ὁ δ’ Ἀλκμαίων αἱρεθεὶσ ὑπ’ αὐτῶν στρατηγὸσ ἐπηρώτησε τὸν θεὸν περὶ τῆσ ἐπὶ τὰσ Θήβασ στρατείασ καὶ περὶ τῆσ Ἐριφύλησ τῆσ μητρὸσ κολάσεωσ.

τοῦ δ’ Ἀπόλλωνοσ χρήσαντοσ ἀμφότερα τὰ προειρημένα πρᾶξαι διὰ τὸ μὴ μόνον τὸν χρυσοῦν ὁρ́μον δέξασθαι κατὰ τῆσ ἀπωλείασ τοῦ πατρόσ, ἀλλὰ καὶ πέπλον λαβεῖν αὐτὴν κατὰ τῆσ τοῦ υἱοῦ τελευτῆσ·

Ἀφροδίτησ γάρ, ὥσ φασι, τὸ παλαιὸν δωρησαμένησ Ἁρμονίᾳ τῇ Κάδμου τόν τε ὁρ́μον καὶ πέπλον, ἀμφότερα ταῦτα προσδέξασθαι τὴν Ἐριφύλην, τὸν μὲν ὁρ́μον παρὰ Πολυνείκουσ λαβοῦσαν, τὸν δὲ πέπλον παρὰ τοῦ υἱοῦ τοῦ Πολυνείκουσ Θερσάνδρου, ὅπωσ πείσῃ τὸν υἱὸν στρατεύειν ἐπὶ τὰσ Θήβασ· ὁ δ’ οὖν Ἀλκμαίων οὐ μόνον ἀθροίσασ ἐξ Ἄργουσ στρατιώτασ, ἀλλὰ καὶ ἐκ τῶν πλησίον πόλεων, ἀξιολόγῳ δυνάμει ἐστράτευσεν ἐπὶ τὰσ Θήβασ. ἀντιταχθέντων δὲ τῶν Θηβαίων ἐγένετο μάχη καρτερά, καθ’ ἣν ἐνίκησαν οἱ περὶ τὸν Ἀλκμαίωνα·

οἱ δὲ Θηβαῖοι λειφθέντεσ τῇ μάχῃ καὶ πολλοὺσ τῶν πολιτῶν ἀποβαλόντεσ συνετρίβησαν ταῖσ ἐλπίσιν. οὐκ ὄντεσ δ’ ἀξιόμαχοι σύμβουλον ἔλαβον Τειρεσίαν τὸν μάντιν, ὃσ ἐκέλευσε φυγεῖν ἐκ τῆσ πόλεωσ· μόνωσ γὰρ οὕτω σωθήσεσθαι.

οἱ μὲν οὖν Καδμεῖοι κατὰ τὴν τοῦ μάντεωσ ὑποθήκην ἐξέλιπον τὴν πόλιν, καὶ νυκτὸσ συνέφυγον εἴσ τι χωρίον τῆσ Βοιωτίασ ὀνομαζόμενον Τιλφωσσαῖον. ἔπειθ’ οἱ μὲν ἐπίγονοι τὴν πόλιν ἑλόντεσ διήρπασαν, καὶ τῆσ Τειρεσίου θυγατρὸσ Δάφνησ ἐγκρατεῖσ γενόμενοι ταύτην ἀνέθεσαν εἰσ Δελφοὺσ κατά τινα εὐχὴν ἀκροθίνιον τῷ θεῷ. αὕτη δὲ τὴν μαντικὴν οὐχ ἧττον τοῦ πατρὸσ εἰδυῖα, πολὺ μᾶλλον ἐν τοῖσ Δελφοῖσ διατρίψασα τὴν τέχνην ἐπηύξησε·

φύσει δὲ θαυμαστῇ κεχορηγημένη χρησμοὺσ ἔγραψε παντοδαπούσ, διαφόρουσ ταῖσ κατασκευαῖσ· παρ’ ἧσ φασι καὶ τὸν ποιητὴν Ὅμηρον πολλὰ τῶν ἐπῶν σφετερισάμενον κοσμῆσαι τὴν ἰδίαν ποίησιν. ἐνθεαζούσησ δ’ αὐτῆσ πολλάκισ καὶ χρησμοὺσ ἀποφαινομένησ, φασὶν ἐπικληθῆναι Σίβυλλαν· τὸ γὰρ ἐνθεάζειν κατὰ γλῶττανὑπάρχειν σιβυλλαίνειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 66

(디오도로스 시켈로스, Bibliotheca Historica, book 4, chapter 66)

상위

목록

SEARCH

MENU NAVIGATION