헬라어 문장 검색 - Διοδορ́Βιβλιοτ́4́64́

(디오도로스 시켈로스, Bibliotheca Historica, book 4, chapter 63)

ἡμεῖσ δ’ ἐπεὶ τὸν περὶ Θησέωσ λόγον ἀποδεδώκαμεν, ἐν μέρει διέξιμεν περί τε τῆσ κατὰ τὴν Ἑλένην ἁρπαγῆσ καὶ τῆσ μνηστείασ Φερσεφόνησ ὑπὸ Πειρίθου· αὗται γὰρ αἱ πράξεισ συμπεπλεγμέναι ταῖσ Θησέωσ εἰσί. Πειρίθουσ γὰρ ὁ Ἰξίονοσ, ἀποθανούσησ αὐτοῦ τῆσ γυναικὸσ Ἱπποδαμείασ καὶ καταλιπούσησ υἱὸν Πολυποίτην, παρῆλθεν εἰσ τὰσ Ἀθήνασ πρὸσ Θησέα. καταλαβὼν δὲ τετελευτηκυῖαν τὴν γυναῖκα τοῦ Θησέωσ Φαίδραν ἔπεισεν αὐτὸν ἁρπάσαι τὴν Λήδασ καὶ Διὸσ Ἑλένην, δεκαετῆ μὲν τὴν ἡλικίαν οὖσαν, εὐπρεπείᾳ δὲ πασῶν διαφέρουσαν.

παραγενόμενοι δ’ εἰσ Λακεδαίμονα μετὰ πλειόνων, καὶ καιρὸν εὔθετον λαβόντεσ, ἡρ́πασαν τὴν Ἑλένην κοινῇ καὶ ἀπήγαγον εἰσ τὰσ Ἀθήνασ. ἔπειτα πρὸσ ἀλλήλουσ ὁμολογίασ ἔθεντο διακληρώσασθαι, καὶ τὸν μὲν λαχόντα γῆμαι τὴν Ἑλένην, τῷ δ’ ἑτέρῳ συμπρᾶξαι περὶ ἑτέρασ γυναικόσ, ὑπομένοντα πάντα κίνδυνον.

περὶ δὲ τούτων δόντεσ ἀλλήλοισ ὁρ́κουσ ἔλαχον, καὶ συνέβη τῷ κλήρῳ λαχεῖν Θησέα. οὗτοσ μὲν οὖν κύριοσ κατέστη τῆσ παρθένου τὸν τρόπον τοῦτον· τῶν δ’ Ἀθηναίων ἀγανακτούντων ἐπὶ τῷ γεγονότι, φοβηθεὶσ ὁ Θησεὺσ ὑπεξέθετο τὴν Ἑλένην εἰσ Ἄφιδναν, μίαν τῶν Ἀττικῶν πόλεων. παρακατέστησε δ’ αὐτῇ τὴν μητέρα Αἴθραν καὶ τῶν ἄλλων φίλων τοὺσ ἀρίστουσ, φύλακασ τῆσ παρθένου. Πειρίθου δὲ κρίναντοσ μνηστεῦσαι Φερσεφόνην καὶ παρακαλοῦντοσ συναποδημῆσαι, τὸ μὲν πρῶτον ὁ Θησεὺσ μετέπειθεν ἀποτρέπων τῆσ πράξεωσ αὐτὸν διὰ τὴν ἀσέβειαν·

τοῦ δὲ Πειρίθου βιαζομένου συνηναγκάσθη διὰ τοὺσ ὁρ́κουσ ὁ Θησεὺσ μετασχεῖν τῆσ πράξεωσ. καὶ πέρασ καταβάντων αὐτῶν εἰσ τοὺσ καθ’ ᾅδου τόπουσ, συνέβη διὰ τὴν ἀσέβειαν ἀμφοτέρουσ δεθῆναι, καὶ Θησέα μὲν ὕστερον διὰ τὴν Ἡρακλέουσ χάριν ἀπολυθῆναι, Πειρίθουν δὲ διὰ τὴν ἀσέβειαν ἐν ᾅδου διατελεῖν τιμωρίασ αἰωνίου τυγχάνοντα· ἔνιοι δὲ τῶν μυθογράφων φασὶν ἀμφοτέρουσ μὴ τυχεῖν τοῦ νόστου. καθ’ ὃν δὴ χρόνον λέγουσι τοὺσ ἀδελφοὺσ τῆσ Ἑλένησ Διοσκόρουσ στρατεύσαντασ ἐπὶ τὴν Ἄφιδναν καὶ τὴν πόλιν ἑλόντασ ταύτην μὲν κατασκάψαι, τὴν δ’ Ἑλένην ἀπαγαγεῖν εἰσ Λακεδαίμονα παρθένον οὖσαν, καὶ μετ’ αὐτῆσ δούλην τὴν μητέρα Θησέωσ Αἴθραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 63

(디오도로스 시켈로스, Bibliotheca Historica, book 4, chapter 63)

상위

목록

SEARCH

MENU NAVIGATION