헬라어 문장 검색 - Διοδορ́Βιβλιοτ́4́62́

(디오도로스 시켈로스, Bibliotheca Historica, book 4, chapter 61)

Μίνωσ δὲ πυθόμενοσ τὴν κατὰ τὸν υἱὸν συμφοράν, ἧκεν εἰσ τὰσ Ἀθήνασ δίκασ αἰτῶν τοῦ Ἀνδρόγεω φόνου. οὐδενὸσ δ’ αὐτῷ προσέχοντοσ, πρὸσ μὲν Ἀθηναίουσ πόλεμον συνεστήσατο, ἀρὰσ δὲ ἐποιήσατο τῷ Διὶ γενέσθαι κατὰ τὴν πόλιν τῶν Ἀθηναίων αὐχμὸν καὶ λιμόν. ταχὺ δὲ περὶ τὴν Ἀττικὴν καὶ τὴν Ἑλλάδα γενομένων αὐχμῶν καὶ φθαρέντων τῶν καρπῶν, συνελθόντεσ οἱ τῶν πόλεων ἡγεμόνεσ ἐπηρώτησαν τὸν θεὸν πῶσ ἂν δύναιντο τῶν κακῶν ἀπαλλαγῆναι. ὁ δ’ ἔχρησεν ἐλθεῖν αὐτοὺσ πρὸσ Αἰακὸν τὸν Διὸσ καὶ Αἰγίνησ τῆσ Ἀσωποῦ θυγατρόσ, καὶ κελεύειν ὑπὲρ αὐτῶν εὐχὰσ ποιήσασθαι. ὧν πραξάντων τὸ προσταχθέν, ὁ μὲν Αἰακὸσ ἐπετέλεσε τὰσ εὐχάσ, καὶ ὁ αὐχμὸσ παρὰ μὲν τοῖσ ἄλλοισ Ἕλλησιν ἐπαύσατο, παρὰ δὲ τοῖσ Ἀθηναίοισ μόνοισ διέμεινεν·

οὗ δὴ χάριν ἠναγκάσθησαν οἱ Ἀθηναῖοι τὸν θεὸν ἐπερωτῆσαι περὶ τῆσ τῶν κακῶν ἀπαλλαγῆσ. εἶθ’ ὁ μὲν θεὸσ ἔχρησεν, ἐὰν τοῦ Ἀνδρόγεω φόνου τῷ Μίνῳ δίκασ δῶσιν ἃσ ἂν ἐκεῖνοσ δικάσῃ· ὑπακουσάντων δὲ τῷ θεῷ τῶν Ἀθηναίων, προσέταξεν αὐτοῖσ ὁ Μίνωσ διδόναι κόρουσ ἑπτὰ καὶ τὰσ ἴσασ κόρασ δι’ ἐτῶν ἐννέα βορὰν τῷ Μινωταύρῳ ὅσον ἂν χρόνον ζῇ τὸ τέρασ.

δόντων δ’ αὐτῶν, ἀπηλλάγησαν τῶν κακῶν οἱ κατὰ τὴν Ἀττικήν, καὶ ὁ Μίνωσ πολεμῶν ἐπαύσατο τὰσ Ἀθήνασ. διελθόντων δὲ ἐτῶν ἐννέα πάλιν ὁ Μίνωσ ἦλθεν εἰσ τὴν Ἀττικὴν μετὰ μεγάλου στόλου, καὶ τοὺσ δὶσ ἑπτὰ κόρουσ ἀπαιτήσασ ἔλαβε. μελλόντων δ’ ἐκπλεῖν τῶν περὶ τὸν Θησέα, ὁ Αἰγεὺσ συνέθετο πρὸσ τὸν κυβερνήτην , ἐὰν μὲν ὁ Θησεὺσ νικήσῃ τὸν Μινώταυρον, καταπλεῖν αὐτοὺσ λευκοῖσ ἱστίοισ, ἐὰν δὲ ἀπόληται, μέλασι, καθάπερ καὶ πρότερον ποιεῖν εἰώθεσαν.

καταπλευσάντων δ’ αὐτῶν εἰσ Κρήτην Ἀριάδνη μὲν ἡ θυγάτηρ τοῦ Μίνωοσ ἠράσθη τοῦ Θησέωσ εὐπρεπείᾳ διαφέροντοσ, Θησεὺσ δ’ εἰσ λόγουσ ἐλθὼν αὐτῇ καὶ ταύτην συνεργὸν λαβών, τόν τε Μινώταυρον ἀπέκτεινε καὶ τὴν ἔξοδον τὴν τοῦ λαβυρίνθου παρ’ αὐτῆσ μαθὼν διεσώθη. ἀνακομιζόμενοσ δ’ εἰσ τὴν πατρίδα καὶ κλέψασ τὴν Ἀριάδνην ἔλαθεν ἐκπλεύσασ νυκτόσ, καὶ κατῆρεν εἰσ νῆσον τὴν τότε μὲν Δίαν, νῦν δὲ Νάξον προσαγορευομένην.

καθ’ ὃν δὴ χρόνον μυθολογοῦσι Διόνυσον ἐπιφανέντα, καὶ διὰ τὸ κάλλοσ τῆσ Ἀριάδνησ ἀφελόμενον τοῦ Θησέωσ τὴν παρθένον, ἔχειν αὐτὴν ὡσ γυναῖκα γαμετὴν ἀγαπωμένην διαφερόντωσ. μετὰ γοῦν τὴν τελευτὴν αὐτῆσ διὰ τὴν φιλοστοργίαν ἀθανάτων καταξιῶσαι τιμῶν, καταστερίσαντα τὸν ἐν οὐρανῷ στέφανον Ἀριάδνησ. τοὺσ δὲ περὶ τὸν Θησέα φασὶ διὰ τὴν ἁρπαγὴν τῆσ κόρησ δυσφοροῦντασ ἰσχυρῶσ, καὶ διὰ τὴν λύπην ἐπιλαθομένουσ τῆσ Αἰγέωσ παραγγελίασ, τοῖσ μέλασιν ἱστίοισ καταπλεῖν εἰσ τὴν Ἀττικήν.

Αἰγέα δὲ θεασάμενον τὸν κατάπλουν, καὶ δόξαντα τεθνηκέναι τὸν υἱόν, ἡρωικὴν ἅμα πρᾶξιν καὶ συμφορὰν ἐπιτελέσασθαι·

ἀναβάντα γὰρ εἰσ τὴν ἀκρόπολιν, καὶ διὰ τὴν ὑπερβολὴν τῆσ λύπησ προσκόψαντα τῷ ζῆν, ἑαυτὸν κατακρημνίσαι. μετὰ δὲ τὴν Αἰγέωσ τελευτὴν Θησεὺσ διαδεξάμενοσ τὴν βασιλείαν ἦρχε τοῦ πλήθουσ νομίμωσ καὶ πολλὰ πρὸσ αὔξησιν τῆσ πατρίδοσ ἔπραξεν.

ἐπιφανέστατον δὲ συνετελέσθη τὸ τοὺσ δήμουσ, ὄντασ μικροὺσ μὲν τοῖσ μεγέθεσι, πολλοὺσ δὲ τὸν ἀριθμόν, μεταγαγεῖν εἰσ τὰσ Ἀθήνασ· ἀπὸ γὰρ τούτων τῶν χρόνων Ἀθηναῖοι διὰ τὸ βάροσ τῆσ πόλεωσ φρονήματοσ ἐνεπίμπλαντο καὶ τῆσ τῶν Ἑλλήνων ἡγεμονίασ ὠρέχθησαν.

ἡμεῖσ δὲ περὶ τούτων ἀρκούντωσ διεληλυθότεσ τὰ λειπόμενα τῶν περὶ Θησέα γενομένων ἀναγράψομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 61

(디오도로스 시켈로스, Bibliotheca Historica, book 4, chapter 61)

상위

목록

SEARCH

MENU NAVIGATION