헬라어 문장 검색 - Διοδορ́Βιβλιοτ́4́60́

(디오도로스 시켈로스, Bibliotheca Historica, book 4, chapter 59)

ἐπεὶ δὲ περὶ Ἡρακλέουσ καὶ τῶν ἀπογόνων αὐτοῦ διήλθομεν, οἰκεῖον ἂν εἰή περὶ Θησέωσ εἰπεῖν διὰ τὸ τοῦτον ζηλωτὴν γενέσθαι τῶν Ἡρακλέουσ ἄθλων. Θησεὺσ τοίνυν γεγονὼσ Αἴθρασ τῆσ Πιτθέωσ καὶ Ποσειδῶνοσ, τραφεὶσ ἐν Τροιζῆνι παρὰ Πιτθεῖ τῷ μητροπάτορι, καὶ τὰ μυθολογούμενα σύμβολα ἀνῃρημένοσ τὰ ὑπὸ Αἰγέωσ ὑπό τινι πέτρᾳ τεθειμένα, κατήντησεν εἰσ τὰσ Ἀθήνασ. διεξιὼν δ’, ὥσ φασι, τὴν παραθαλάττιον, καὶ ζηλωτὴσ ὢν τῆσ Ἡρακλέουσ ἀρετῆσ, ἐπεβάλετο τελεῖν ἄθλουσ περιέχοντασ ἀποδοχήν τε καὶ δόξαν. πρῶτον μὲν οὖν ἀνεῖλε τὸν ὀνομαζόμενον Κορυνήτην, χρώμενον τῇ προσαγορευομένῃ κορύνῃ, ὅπερ ἦν ὅπλον ἀμυντήριον, καὶ τοὺσ παριόντασ ἀποκτείνοντα, δεύτερον δὲ τὸν ἐν Ἰσθμῷ κατοικοῦντα Σίνιν.

οὗτοσ γὰρ δύο πίτυσ κάμπτων, καὶ πρὸσ ἑκατέραν τὸν ἕνα βραχίονα προσδεσμεύων, ἄφνω τὰσ πίτυσ ἠφίει·

διόπερ τῶν σωμάτων διὰ τὴν βίαν ἀποσπωμένων συνέβαινε τοὺσ ἀτυχοῦντασ μετὰ μεγάλησ τιμωρίασ τελευτᾶν. τρίτον δὲ τὴν ἐν Κρομμυῶνι ὑπάρχουσαν ὗν ἀγρίαν, διαφέρουσαν ἀλκῇ τε καὶ μεγέθει καὶ πολλοὺσ ἀνθρώπουσ ἀναιροῦσαν, ἀπέκτεινεν.

ἐκόλασε δὲ καὶ Σκείρωνα τὸν οἰκοῦντα τῆσ Μεγαρίδοσ τὰσ ὀνομαζομένασ ἀπ’ ἐκείνου Σκειρωνίδασ πέτρασ· οὗτοσ γὰρ εἰώθει τοὺσ παριόντασ ἀναγκάζειν ἀπονίπτειν ἑαυτὸν ἐπί τινοσ ἀποκρήμνου τόπου, λακτίσματι δ’ ἄφνω τύπτων περιεκύλιε κατὰ τῶν κρημνῶν εἰσ θάλατταν κατὰ τὴν ὀνομαζομένην Χελώνην. ἀνεῖλε δὲ καὶ περὶ τὴν Ἐλευσῖνα Κερκυόνα τὸν διαπαλαίοντα τοῖσ παριοῦσι καὶ τὸν ἡττηθέντα διαφθείροντα.

μετὰ δὲ ταῦτα τὸν ὀνομαζόμενον Προκρούστην ἀπέκτεινε, τὸν οἰκοῦντα ἐν τῷ λεγομένῳ Κορυδαλλῷ τῆσ Ἀττικῆσ· οὗτοσ δὲ τοὺσ παριόντασ ὁδοιπόρουσ ἠνάγκαζεν ἐπί τινοσ κλίνησ ἀναπίπτειν, καὶ τῶν μὲν μακροτέρων τὰ ὑπερέχοντα μέρη τοῦ σώματοσ ἀπέκοπτε, τῶν δ’ ἐλαττόνων τοὺσ πόδασ προέκρουεν, ἀφ’ οὗπερ Προκρούστησ ὠνομάσθη. κατορθώσασ δὲ τὰ προειρημένα κατήντησεν εἰσ τὰσ Ἀθήνασ, καὶ τὸν Αἰγέα διὰ τῶν συμβόλων ἀνεγνώρισε.

μετὰ δὲ ταῦτα τὸν ἐν Μαραθῶνι ταῦρον, ὃν Ἡρακλῆσ τελῶν ἆθλον ἐκ Κρήτησ ἀπήγαγεν εἰσ Πελοπόννησον, συμπλακεὶσ καὶ κρατήσασ τοῦ ζῴου ἀπήγαγεν εἰσ τὰσ Ἀθήνασ· τοῦτον δ’ Αἰγεὺσ παραλαβὼν ἔθυσεν Ἀπόλλωνι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 59

(디오도로스 시켈로스, Bibliotheca Historica, book 4, chapter 59)

상위

목록

SEARCH

MENU NAVIGATION