헬라어 문장 검색 - Διοδορ́Βιβλιοτ́4́55́

(디오도로스 시켈로스, Bibliotheca Historica, book 4, chapter 54)

ἀλλὰ περὶ μὲν τοῦ θεοῦ τούτου τὰ μυθολογούμενα πάντα διήλθομεν, νυνὶ δὲ προσθετέον ἡμῖν καὶ ὑπὲρ Ιἄσονοσ τὸν ὑπολειπόμενον λόγον. φασὶ γὰρ αὐτὸν ἐν Κορίνθῳ κατοικοῦντα καὶ συμβιώσαντα δεκαετῆ χρόνον Μηδείᾳ γεννῆσαι παῖδασ ἐξ αὐτῆσ, τοὺσ μὲν πρεσβυτάτουσ δύο διδύμουσ Θετταλόν τε καὶ Ἀλκιμένην, τὸν δὲ τρίτον πολὺ νεώτερον τούτων Τίσανδρον. τοῦτον μὲν οὖν τὸν χρόνον ἱστοροῦσιν ἀποδοχῆσ ἀξιωθῆναι τὴν Μήδειαν ὑπὸ τοῦ ἀνδρὸσ διὰ τὸ μὴ μόνον κάλλει διαφέρειν αὐτήν, ἀλλὰ καὶ σωφροσύνῃ καὶ ταῖσ ἄλλαισ ἀρεταῖσ κεκοσμῆσθαι·

μετὰ δὲ ταῦτα ἀεὶ μᾶλλον τοῦ χρόνου τὴν φυσικὴν εὐπρέπειαν ἀφαιρουμένου, λέγεται τὸν Ιἄσονα Γλαύκησ ἐρασθέντα τῆσ Κρέοντοσ θυγατρὸσ μνηστεῦσαι τὴν παρθένον. συγκαταθεμένου δὲ τοῦ πατρὸσ καὶ τάξαντοσ ἡμέραν τοῖσ γάμοισ, τὸ μὲν πρῶτον ἐπιβαλέσθαι φασὶν αὐτὸν πείθειν τὴν Μήδειαν ἑκουσίωσ παραχωρῆσαι τῆσ συμβιώσεωσ·

βούλεσθαι γὰρ αὐτὸν γαμεῖν οὐκ ἀποδοκιμάσαντα τὴν πρὸσ αὐτὴν ὁμιλίαν, ἀλλὰ τοῖσ τέκνοισ σπεύδοντα συγγενῆ τὸν τοῦ βασιλέωσ οἶκον ποιῆσαι. ἀγανακτούσησ δὲ τῆσ γυναικὸσ καὶ θεοὺσ μαρτυρομένησ τοὺσ ἐπόπτασ γενομένουσ τῶν ὁρ́κων, φασὶ τὸν Ιἄσονα καταφρονήσαντα τῶν ὁρ́κων γῆμαι τὴν τοῦ βασιλέωσ θυγατέρα.

τὴν δὲ Μήδειαν ἐξελαυνομένην ἐκ τῆσ πόλεωσ, καὶ μίαν ἡμέραν παρὰ τοῦ Κρέοντοσ λαβοῦσαν εἰσ τὴν τῆσ φυγῆσ παρασκευήν, εἰσ μὲν τὰ βασίλεια νυκτὸσ εἰσελθεῖν ἀλλοιώσασαν τοῖσ φαρμάκοισ τὴν αὑτῆσ ὄψιν, καὶ τὴν οἰκίαν ὑφάψαι, ῥίζιόν τι προσθεῖσαν, εὑρημένον μὲν ὑπὸ Κίρκησ τῆσ ἀδελφῆσ, δύναμιν δ’ ἔχον, ἐπὰν ἐξαφθῇ, δυσκατάσβεστον.

ἄφνω δὲ φλεγομένων τῶν βασιλείων, τὸν μὲν Ιἄσονα ταχέωσ ἐκπηδῆσαι, τὴν δὲ Γλαύκην καὶ τὸν Κρέοντα τοῦ πυρὸσ περικαταλαβόντοσ διαφθαρῆναι. τινὲσ δὲ τῶν συγγραφέων φασὶ τοὺσ μὲν υἱοὺσ τῆσ Μηδείασ δῶρα κομίσαι τῇ νύμφῃ φαρμάκοισ κεχριμένα, τὴν δὲ Γλαύκην δεξαμένην καὶ τῷ σώματι περιθεμένην αὐτήν τε συμφορᾷ περιπεσεῖν καὶ τὸν πατέρα βοηθοῦντα καὶ τοῦ σώματοσ ἁψάμενον τελευτῆσαι.

τὴν δὲ Μήδειαν ἐπιτυχοῦσαν τοῖσ πρώτοισ ἐγχειρήμασιν οὐκ ἀποστῆναι τῆσ Ιἄσονοσ τιμωρίασ.

ἐπὶ τοσοῦτο γὰρ προελθεῖν αὐτὴν ὀργῆσ ἅμα καὶ ζηλοτυπίασ, ἔτι δ’ ὠμότητοσ, ὥστ’ ἐπεὶ διέφυγε τὸν μετὰ τῆσ νύμφησ κίνδυνον, τῇ σφαγῇ τῶν κοινῶν τέκνων ἐμβαλεῖν αὐτὸν εἰσ τὰσ μεγίστασ συμφοράσ· πλὴν γὰρ ἑνὸσ τοῦ διαφυγόντοσ τοὺσ ἄλλουσ υἱοὺσ ἀποσφάξαι καὶ τὰ σώματα τούτων ἐν τῷ τῆσ Ἥρασ τεμένει θάψαι καὶ μετὰ τῶν πιστοτάτων θεραπαινίδων ἔτι νυκτὸσ μέσησ φυγεῖν ἐκ τῆσ Κορίνθου, καὶ διεκπεσεῖν εἰσ Θήβασ πρὸσ Ἡρακλέα· τοῦτον γὰρ μεσίτην γεγονότα τῶν ὁμολογιῶν ἐν Κόλχοισ ἐπηγγέλθαι βοηθήσειν αὐτῇ παρασπονδουμένῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 54

(디오도로스 시켈로스, Bibliotheca Historica, book 4, chapter 54)

상위

목록

SEARCH

MENU NAVIGATION