헬라어 문장 검색 - Διοδορ́Βιβλιοτ́4́54́

(디오도로스 시켈로스, Bibliotheca Historica, book 4, chapter 53)

καθόλου δὲ πᾶσι τοῖσ συγγενέσιν ἐπαγγειλάμενον ἐπιεικῶσ καὶ μεγαλοψύχωσ προσενεχθήσεσθαι, συναγαγεῖν εἰσ ἐκκλησίαν τὰ πλήθη. ἀπολογησάμενον δὲ περὶ τῶν πεπραγμένων, καὶ διδάξαντα διότι τοὺσ προαδικήσαντασ ἠμύνατο, τιμωρίαν ἐλάττονα λαβὼν ὧν αὐτὸσ πέπονθεν, Ἀκάστῳ μὲν τῷ Πελίου τὴν πατρῴαν βασιλείαν παραδοῦναι, τῶν δὲ τοῦ βασιλέωσ θυγατέρων ἀξιῶσαι αὐτὸν φροντίδα ποιήσασθαι. καὶ πέρασ συντελέσαι τὴν ὑπόσχεσιν αὐτόν φασι μετά τινα χρόνον συνοικίσαντα πάσασ τοῖσ ἐπιφανεστάτοισ.

Ἄλκηστιν μὲν γὰρ τὴν πρεσβυτάτην ἐκδοῦναι πρὸσ γάμον Ἀδμήτῳ τῷ Φέρητοσ Θετταλῷ, Ἀμφινόμην δὲ Ἀνδραίμονι Λεοντέωσ ἀδελφῷ, Εὐάδνην δὲ Κάνῃ τῷ Κεφάλου, Φωκέων τότε βασιλεύοντι. ταῦτα μὲν αὐτὸν ὕστερον πρᾶξαι, τότε δὲ μετὰ τῶν ἀριστέων εἰσ Ἰσθμὸν τὸν ἐν Πελοποννήσῳ πλεύσαντα θυσίαν ἐπιτελέσαι τῷ Ποσειδῶνι καὶ καθιερῶσαι τὴν Ἀργὼ τῷ θεῷ. ἀποδοχῆσ δὲ μεγάλησ τυγχάνοντα παρὰ τῷ βασιλεῖ τῶν Κορινθίων Κρέοντι μετασχεῖν τῆσ πολιτείασ καὶ τὸν λοιπὸν χρόνον ἐν τῇ Κορίνθῳ κατοικῆσαι.

μελλόντων δὲ τῶν Ἀργοναυτῶν εἰσ τὰσ πατρίδασ διαχωρίζεσθαι, φασὶ τὸν Ἡρακλέα συμβουλεῦσαι τοῖσ ἀριστεῦσι πρὸσ τὰ παράδοξα τῆσ τύχησ ἀλλήλοισ ὁρ́κουσ δοῦναι συμμαχήσειν, ἐάν τισ βοηθείασ προσδεηθῇ·

ἐκλέξασθαι δὲ καὶ τῆσ Ἑλλάδοσ τὸν ἐπιφανέστατον τόπον εἰσ ἀγώνων θέσιν καὶ πανήγυριν κοινήν, καὶ καθιερῶσαι τὸν ἀγῶνα τῷ μεγίστῳ τῶν θεῶν Διὶ Ὀλυμπίῳ. συνομοσάντων δὲ τῶν ἀριστέων περὶ τῆσ συμμαχίασ, καὶ τὴν διάταξιν τῶν ἀγώνων ἐπιτρεψάντων Ἡρακλεῖ, φασὶ τοῦτον τόπον προκρῖναι πρὸσ τὴν πανήγυριν τῆσ τῶν Ἠλείων χώρασ τὸν παρὰ τὸν Ἀλφειόν.

διὸ καὶ τὴν παραποταμίαν καθιερώσαντα τῷ μεγίστῳ τῶν θεῶν, Ὀλυμπίαν ἀπ’ ἐκείνου προσαγορεῦσαι. ὑποστησάμενον δ’ ἱππικὸν ἀγῶνα καὶ γυμνικόν, τά τε περὶ τῶν ἄθλων διατάξαι καὶ θεωροὺσ ἀποστεῖλαι τοὺσ ταῖσ πόλεσι προεροῦντασ τὴν θέαν τῶν ἀγώνων. διὰ δὲ τὴν παρὰ τοῖσ Ἀργοναύταισ γενομένην ἀποδοχὴν αὐτοῦ κατὰ τὴν στρατείαν οὐ μετρίωσ δοξασθέντοσ, προσγενέσθαι τὴν ἐκ τῆσ Ὀλυμπικῆσ πανηγύρεωσ δόξαν, ὥστε πάντων τῶν Ἑλλήνων ἐπιφανέστατον ὑπάρχειν καὶ παρὰ ταῖσ πλείσταισ πόλεσι γνωσθέντα πολλοὺσ ἔχειν ἐπιθυμητὰσ τῆσ φιλίασ, οὓσ προθύμουσ εἶναι μετασχεῖν παντὸσ κινδύνου.

ταχὺ δ’ ἐπ’ ἀνδρείᾳ καὶ στρατηγίᾳ θαυμασθέντα στρατόπεδόν τε κράτιστον συστήσασθαι καὶ πᾶσαν ἐπελθεῖν τὴν οἰκουμένην εὐεργετοῦντα τὸ γένοσ τῶν ἀνθρώπων·

ἀνθ’ ὧν τυχεῖν αὐτὸν συμφωνουμένησ ἀθανασίασ. τοὺσ δὲ ποιητὰσ διὰ τὴν συνήθη τερατολογίαν μυθολογῆσαι μόνον τὸν Ἡρακλέα καὶ γυμνὸν ὅπλων τελέσαι τοὺσ τεθρυλημένουσ ἄθλουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 53

(디오도로스 시켈로스, Bibliotheca Historica, book 4, chapter 53)

상위

목록

SEARCH

MENU NAVIGATION