헬라어 문장 검색 - Διοδορ́Βιβλιοτ́4́52́

(디오도로스 시켈로스, Bibliotheca Historica, book 4, chapter 51)

αὐτὴν δὲ κατασκευάσασαν Ἀρτέμιδοσ εἴδωλον κοῖλον, εἰσ μὲν τοῦτο παντοδαπὰσ φύσεισ φαρμάκων κατακρύψαι, ἑαυτῆσ δὲ τὰσ μὲν τρίχασ δυνάμεσί τισι χρίσασαν ποιῆσαι πολιάσ, τὸ δὲ πρόσωπον καὶ τὸ σῶμα ῥυτίδων πλῆρεσ, ὥστε τοὺσ ἰδόντασ δοκεῖν εἶναί τινα παντελῶσ πρεσβῦτιν· τὸ δὲ τελευταῖον ἀναλαβοῦσαν τὴν θεὸν διεσκευασμένην καταπληκτικῶσ εἰσ ὄχλων δεισιδαιμονίαν, εἰσ τὴν πόλιν εἰσβαλεῖν ἅμ’ ἡμέρᾳ. ἐνθεαζούσησ δ’ αὐτῆσ, καὶ τοῦ πλήθουσ κατὰ τὰσ ὁδοὺσ συντρέχοντοσ, παραγγέλλειν πᾶσι δέχεσθαι τὴν θεὸν εὐσεβῶσ·

παρεῖναι γὰρ αὐτὴν ἐξ Ὑπερβορέων ἐπ’ ἀγαθῷ δαίμονι τῇ τε πόλει πάσῃ καὶ τῷ βασιλεῖ. πάντων δὲ προσκυνούντων καὶ τιμώντων τὴν θεὸν θυσίαισ, καὶ τὸ σύνολον τῆσ πόλεωσ ἁπάσησ συνενθεαζούσησ, εἰσβαλεῖν τὴν Μήδειαν εἰσ τὰ βασίλεια, καὶ τόν τε Πελίαν εἰσ δεισιδαίμονα διάθεσιν ἐμβαλεῖν καὶ τὰσ θυγατέρασ αὐτοῦ διὰ τῆσ τερατείασ εἰσ τοιαύτην κατάπληξιν ἀγαγεῖν ὥστε πιστεῦσαι διότι πάρεστιν ἡ θεὸσ εὐδαίμονα ποιήσουσα τὸν οἶκον τοῦ βασιλέωσ·

ἀπεφαίνετο γὰρ ἐπὶ δρακόντων ὀχουμένην τὴν Ἄρτεμιν δι’ ἀέροσ ὑπερπετασθῆναι πολλὰ μέρη τῆσ οἰκουμένησ, καὶ πρὸσ καθίδρυσιν ἑαυτῆσ καὶ τιμὰσ αἰωνίουσ ἐκλελέχθαι τὸν εὐσεβέστατον ἁπάντων τῶν βασιλέων·

προστεταχέναι δ’ αὐτῇ καὶ τὸ γῆρασ ἀφελοῦσαν τὸ Πελίου διά τινων δυνάμεων νέον παντελῶσ ποιῆσαι τὸ σῶμα καὶ πολλὰ ἕτερα πρὸσ μακάριον καὶ θεοφιλῆ βίον δωρήσασθαι. ἐκπληττομένου δὲ τοῦ βασιλέωσ τὸ παράδοξον τῶν λόγων, ἐπαγγείλασθαι τὴν Μήδειαν παραχρῆμα ἐπὶ τοῦ σώματοσ ἑαυτῆσ τὰσ τούτων πίστεισ παρέξεσθαι.

εἰποῦσαν γὰρ μιᾷ τῶν Πελίου θυγατέρων καθαρὸν ἐνεγκεῖν ὕδωρ, καὶ τῆσ παρθένου τὸ ῥηθὲν εὐθὺσ ἐπὶ τέλοσ ἀγαγούσησ, φασὶν εἰσ οἰκίσκον τινὰ συγκλείσασαν ἑαυτὴν καὶ περινιψαμένην τὸ σῶμα πᾶν ἀποκλύσασθαι τὰσ τῶν φαρμάκων δυνάμεισ· ἀποκατασταθεῖσαν δ’ εἰσ τὴν προϋπάρχουσαν διάθεσιν καὶ φανεῖσαν τῷ βασιλεῖ καταπλήξασθαι τοὺσ ὁρῶντασ, καὶ δόξαι τινὶ θεῶν προνοίᾳ μετηλλαχέναι τὸ γῆρασ εἰσ παρθένου νεότητα καὶ κάλλοσ περίβλεπτον. ποιῆσαι δ’ αὐτὴν καὶ διά τινων φαρμάκων εἴδωλα φαντασθῆναι τῶν δρακόντων, ἐφ’ ὧν ἀποφαίνεσθαι τὴν θεὸν κομισθεῖσαν δι’ ἀέροσ ἐξ Ὑπερβορέων ἐπιξενωθῆναι τῷ Πελίᾳ.

τῶν δ’ ἐνεργημάτων ὑπὲρ τὴν ἀνθρωπίνην φύσιν φανέντων, καὶ τοῦ βασιλέωσ μεγάλησ ἀποδοχῆσ ἀξιοῦντοσ τὴν Μήδειαν καὶ τὸ σύνολον πιστεύσαντοσ ἀληθῆ λέγειν, φασὶν αὐτὴν κατὰ μόνασ ἐντυχοῦσαν τῷ Πελίᾳ παρακαλέσαι ταῖσ θυγατράσι διακελεύσασθαι συνεργεῖν καὶ πράττειν ἅπερ ἂν αὐταῖσ προστάττῃ· προσήκειν γὰρ τῷ τοῦ βασιλέωσ σώματι μὴ δουλικαῖσ χερσίν, ἀλλὰ ταῖσ τῶν τέκνων θεραπευθέντα τυχεῖν τῆσ παρὰ θεῶν εὐεργεσίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 51

(디오도로스 시켈로스, Bibliotheca Historica, book 4, chapter 51)

상위

목록

SEARCH

MENU NAVIGATION