헬라어 문장 검색 - Διοδορ́Βιβλιοτ́4́51́

(디오도로스 시켈로스, Bibliotheca Historica, book 4, chapter 50)

τῆσ δὲ τῶν ἀριστέων ἀνακομιδῆσ ἀγνοουμένησ ἔτι κατὰ τὴν Θετταλίαν, φασὶ προσπεσεῖν φήμην ὅτι πάντεσ οἱ μετὰ Ιἄσονοσ στρατεύσαντεσ ἐν τοῖσ κατὰ τὸν Πόντον τόποισ ἀπολώλασι. διόπερ τὸν Πελίαν καιρὸν ἔχειν ὑπολαμβάνοντα τοὺσ ἐφέδρουσ τῆσ βασιλείασ πάντασ ἄρδην ἀνελεῖν, τὸν μὲν πατέρα τὸν Ιἄσονοσ ἀναγκάσαι πιεῖν αἷμα ταύρου, τὸν δ’ ἀδελφὸν Πρόμαχον, παῖδα τὴν ἡλικίαν ὄντα, φονεῦσαι. Ἀμφινόμην δὲ τὴν μητέρα μέλλουσαν ἀναιρεῖσθαί φασιν ἔπανδρον καὶ μνήμησ ἀξίαν ἐπιτελέσασθαι πρᾶξιν·

καταφυγοῦσαν γὰρ ἐπὶ τὴν ἑστίαν τοῦ βασιλέωσ καὶ καταρασαμένην παθεῖν αὐτὸν ἄξια τῶν ἀσεβημάτων, ξίφει πατάξασαν ἑαυτῆσ τὸ στῆθοσ ἡρωικῶσ καταστρέψαι τὸν βίον. τὸν δὲ Πελίαν τούτῳ τῷ τρόπῳ πᾶσαν τὴν Ιἄσονοσ συγγένειαν.

ἄρδην ἀνελόντα ταχὺ τὴν προσήκουσαν τοῖσ ἀσεβήμασι κομίσασθαι τιμωρίαν. τὸν γάρ Ιἄσονα καταπλεύσαντα νυκτὸσ τῆσ Θετταλίασ εἰσ ὁρ́μον οὐ μακρὰν μὲν τῆσ Ιὠλκοῦ κείμενον, ἀθεώρητον δὲ τοῖσ ἐκ τῆσ πόλεωσ, μαθεῖν παρά τινοσ τῶν κατὰ τὴν χώραν τὰ γενόμενα περὶ τοὺσ συγγενεῖσ ἀτυχήματα. πάντων δὲ τῶν ἀριστέων ἑτοίμων ὄντων βοηθεῖν τῷ Ιἄσονι καὶ πάντα κίνδυνον ἀναδέχεσθαι, περὶ τῆσ ἐπιθέσεωσ ἐμπεσεῖν αὐτοῖσ ἀμφισβήτησιν·

τοὺσ μὲν γὰρ συμβουλεύειν παραχρῆμα βιασαμένουσ εἰσ τὴν πόλιν ἀπροσδοκήτωσ ἐπιθέσθαι τῷ βασιλεῖ, τινὰσ δ’ ἀποφαίνεσθαι δεῖν στρατιώτασ ἀπὸ τῆσ ἰδίασ πατρίδοσ ἕκαστον συλλέξαντα κοινὸν ἄρασθαι πόλεμον· ἀδύνατον γὰρ εἶναι πεντήκοντα καὶ τρισὶν ἀνδράσι περιγενέσθαι βασιλέωσ δύναμιν ἔχοντοσ καὶ πόλεισ ἀξιολόγουσ. τοιαύτησ δ’ οὔσησ ἐν αὐτοῖσ ἀπορίασ, λέγεται τὴν Μήδειαν ἐπαγγείλασθαι δἰ ἑαυτῆσ τόν τε Πελίαν ἀποκτενεῖν δόλῳ καὶ τὰ βασίλεια παραδώσειν τοῖσ ἀριστεῦσιν ἀκινδύνωσ.

ἐνταῦθα πάντων θαυμασάντων τὸν λόγον καὶ τὸν τρόπον τῆσ ἐπιβουλῆσ μαθεῖν ζητούντων, εἰπεῖν ὅτι κομίζει μεθ’ ἑαυτῆσ πολλὰσ καὶ παραδόξουσ δυνάμεισ φαρμάκων εὑρημένασ ὑπό τε τῆσ μητρὸσ Ἑκάτησ καὶ τῆσ ἀδελφῆσ Κίρκησ·

καὶ ταύταισ μὲν μηδέποτε χρῆσθαι πρότερον πρὸσ ἀπώλειαν ἀνθρώπων, νυνὶ δὲ δι’ αὐτῶν ἀμυνεῖσθαι ῥᾳδίωσ τοὺσ ἀξίουσ τιμωρίασ. προειποῦσαν δὲ τοῖσ ἀριστεῦσι τὰ κατὰ μέροσ τῆσ ἐπιθέσεωσ, ἐκ τῶν βασιλείων αὐτοῖσ ἐπαγγείλασθαι σημανεῖν τῆσ μὲν ἡμέρασ καπνῷ, τῆσ δὲ νυκτὸσ πυρί, πρὸσ τὴν ὑπερκειμένην τῆσ θαλάττησ σκοπήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 50

(디오도로스 시켈로스, Bibliotheca Historica, book 4, chapter 50)

상위

목록

SEARCH

MENU NAVIGATION