헬라어 문장 검색 - Διοδορ́Βιβλιοτ́4́46́

(디오도로스 시켈로스, Bibliotheca Historica, book 4, chapter 45)

ἐπιζητούσησ δὲ τῆσ ἱστορίασ τὰσ τῆσ ξενοκτονίασ αἰτίασ, ἀναγκαῖον βραχέα διελθεῖν, ἄλλωσ τε καὶ τῆσ παρεκβάσεωσ οἰκείασ ἐσομένησ ταῖσ τῶν Ἀργοναυτῶν πράξεσι. φασὶ γὰρ Ἡλίου δύο γενέσθαι παῖδασ, Αἰήτην τε καὶ Πέρσην· τούτων δὲ τὸν μὲν Αἰήτην βασιλεῦσαι τῆσ Κολχίδοσ, τὸν δ’ ἕτερον τῆσ Ταυρικῆσ, ἀμφοτέρουσ δὲ διενεγκεῖν ὠμότητι. καὶ Πέρσου μὲν Ἑκάτην γενέσθαι θυγατέρα, τόλμῃ καὶ παρανομίᾳ προέχουσαν τοῦ πατρόσ·

φιλοκύνηγον δ’ οὖσαν ἐν ταῖσ ἀποτυχίαισ ἀνθρώπουσ ἀντὶ τῶν θηρίων κατατοξεύειν. φιλότεχνον δ’ εἰσ φαρμάκων θανασίμων συνθέσεισ γενομένην τὸ καλούμενον ἀκόνιτον ἐξευρεῖν, καὶ τῆσ ἑκάστου δυνάμεωσ πεῖραν λαμβάνειν μίσγουσαν ταῖσ διδομέναισ τοῖσ ξένοισ τροφαῖσ. ἐμπειρίαν δὲ μεγάλην ἐν τούτοισ ἔχουσαν πρῶτον μὲν τὸν πατέρα φαρμάκῳ διαφθεῖραι καὶ διαδέξασθαι τὴν βασιλείαν, ἔπειτ’ Ἀρτέμιδοσ ἱερὸν ἱδρυσαμένην καὶ τοὺσ καταπλέοντασ ξένουσ θύεσθαι τῇ θεῷ καταδείξασαν ἐπ’ ὠμότητι διονομασθῆναι. μετὰ δὲ ταῦτα συνοικήσασαν Αἰήτῃ γεννῆσαι δύο θυγατέρασ, Κίρκην τε καὶ Μήδειαν, ἔτι δ’ υἱὸν Αἰγιαλέα.

καὶ τὴν μὲν Κίρκην εἰσ φαρμάκων παντοδαπῶν ἐπίνοιαν ἐκτραπεῖσαν ἐξευρεῖν ῥιζῶν παντοίασ φύσεισ καὶ δυνάμεισ ἀπιστουμένασ· οὐκ ὀλίγα μὲν γὰρ ὑπὸ τῆσ μητρὸσ Ἑκάτησ διδαχθῆναι, πολὺ δὲ πλείω διὰ τῆσ ἰδίασ ἐπιμελείασ ἐξευροῦσαν μηδεμίαν ὑπερβολὴν ἀπολιπεῖν ἑτέρᾳ πρὸσ ἐπίνοιαν φαρμακείασ. δοθῆναι δ’ αὐτὴν εἰσ γάμον τῷ βασιλεῖ τῶν Σαρματῶν, οὓσ ἔνιοι Σκύθασ προσαγορεύουσι.

καὶ τὸ μὲν πρῶτον τὸν ἄνδρα φαρμάκοισ ἀνελεῖν, μετὰ δὲ ταῦτα τὴν βασιλείαν διαδεξαμένην πολλὰ κατὰ τῶν ἀρχομένων ὠμὰ πρᾶξαι καὶ βίαια. διόπερ ἐκπεσοῦσαν τῆσ βασιλείασ κατὰ μέν τινασ τῶν μυθογράφων φυγεῖν ἐπὶ τὸν ὠκεανόν, καὶ νῆσον ἔρημον καταλαβομένην ἐνταῦθα μετὰ τῶν συμφυγουσῶν γυναικῶν καθιδρυθῆναι, κατὰ δέ τινασ τῶν ἱστορικῶν ἐκλιποῦσαν τὸν Πόντον κατοικῆσαι τῆσ Ἰταλίασ ἀκρωτήριον τὸ μέχρι τοῦ νῦν ἀπ’ ἐκείνησ Κίρκαιον ὀνομαζόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 45

(디오도로스 시켈로스, Bibliotheca Historica, book 4, chapter 45)

상위

목록

SEARCH

MENU NAVIGATION